Fréttablaðið - 23.02.2013, Síða 30

23. febrúar 2013 LAUGARDAGUR| HELGIN | 30
Reykjavík Fashion Festival fer
fram í fjórða sinn dagana 14. til 16.
mars. Hátíðin var fyrst haldin árið
2009 með það markmið að markaðs-
setja og vekja athygli á íslenskri
fatahönnun á erlendum vettvangi.
Linda Björk Árnadóttir, fag stjóri
fatahönnunardeildar Listaháskóla
Íslands, segir erlent fagfólk með-
vitað um þá þróun sem hefur átt
sér stað í íslenskri hönnun. „Ég
finn fyrir því að þeir erlendu fag-
aðilar sem ég er í samskiptum við
vita betur hvað er í gangi hér, geta
til dæmis nefnt nöfn hönnuða og
ýmsar vörutegundir. Ísland hefur
ákveðna sérstöðu og Íslendingar
eru taldir svolitlir villingar, hvort
sem það er í tónlist eða hönnun,“
segir Linda Björk. Að hennar
sögn spilar margt inn í uppgang
íslenskrar hönnunar, þar á meðal
tilurð hönnunardeildar LHÍ, RFF
og Hönnunarmars. „Ég held að RFF
ýti enn frekar undir þennan áhuga
og að mínu mati er einstaklega vel
að þessu staðið í ár. Það er komin
meiri reynsla og fagmennska í
þetta og það er stórkostlegt hversu
margir hafa metnað í að auka hróð-
ur íslenskrar hönnunar.“
Íslenskir hönnuðir
svolitlir villingar
RFF fer fram í fjórða sinn í mars. Sjö hönnuðir taka þátt í ár.
➜ Andersen & Lauth
Una Hlín Kristjánsdóttir
Lýstu línunni í stuttu máli: Kvenleg, kynþokkafull,
falleg, skemtileg, góð snið og falleg litapalletta.
Hver er munurinn á gamla og nýja Andersen
& Lauth? Við erum að hressa upp á litapallettuna
og betrumbæta snið, efni og ýmis smáatriði. Við
höldum enn í fallegu arfleifðina, það er að segja
allt handverkið, en erum að nútímavæða það. Nýja
Andersen & Lauth hentar breiðari aldurshóp og geta
allar konur sem eru fagurkerar fundið eitthvað fallegt
við sitt hæfi í línunni.
Hvaða tímabil í tískusögunni er í mestu upp-
áhaldi hjá þér? Áratugurinn 1920 til 1930. Ég er
sérstaklega hrifin af Elsu Schiparelly og hennar
samstarfi við dadaismana og súrrealistana. Það má
segja að á þessum tíma hafi tískan tekið miklum
stakkaskiptum og orðið nútímavænni og frjálsari.
Konur byrjuðu til dæmis að klæðast buxum og
stuttbuxum á þessum tíma.
Hvaða flík eða fylgihlut spáir þú mestum
vinsældum í vor og sumar? Fallegur silkikjóll og
háir hælar klikka aldrei.
Hver er uppáhaldshönnuðurinn þinn? Nicolas
Ghesquière, hann var yfirhönnuður hjá Balenciaga.
Á hverju „seasoni“ hefur hann komið með rosalega
heilsteypta línu, alltaf með pottþétt „look“ og ótrú-
lega flottar nýjungar. Hönnun hans er óaðfinnanleg að
mínu mati.
Fylgistu með Eurovision og ertu sátt með framlag
Íslands? Já, ég fylgist alltaf með Eurovision. Eurovision er
gleðigjafi og við fjölskyldan erum Euronördar. Ég tengdi
þó ekki við sigurlagið, fannst margt betra í keppninni, en
flottur söngvari hann Eyþór.
➜ Mundi & 66ºN Mundi
Lýstu línunni í stuttu máli: Línan er hugsuð fyrir hóp tímaflakkara sem koma
frá geimnum til þess að hindra ákveðna keðjuverkun sem er að byrja í okkar
tíma.
Hver var kveikjan að samstarfinu? Ég lánaði þeim nokkrar buxur fyrir
tískusýningu sem þau voru með seinasta vetur og við kynntumst og byrjuðum
að ræða málin.
Mun flísefnið halda vinsældum sínum fram í sumarið? Örugglega ef það
verður kalt, annars vona ég að það verði hlýtt og maður geti verið á stutt-
ermabolnum.
Hvaða flík eða fylgihlut á fólk að forðast í vor og sumar? Hmm, ég veit
ekki. Ég pæli voða lítið í svona hlutum.
Er erfitt að vera hönnuður á Íslandi í dag? Það vantar allan stuðning til
að það geti myndast almennilegur iðnaður hér á landi, en margir hönnuðir
eru að gera það gott og markaðurinn er allur að taka við sér
Hvort stundarðu heldur snjóbretti eða skíði? Snjóbretti.
➜ REY Rebekka Jónsdóttir
Hvaðan sóttirðu innblástur fyrir
línuna? Ég vel mér oftast efni til að
vinna með í upphafi og þau leiða
mig áfram. Annars er ég oftast með
hugann við eitthvað sem er á skjön
eða eitthvað sem gæti komið á óvart.
Einfalt en með tvisti.
Lýstu litapallettu línunnar í stuttu
máli: Ég er mjög dökk, svart, og svar-
blátt. Upp í hugann kemur kalt og
djúpt vatn en svo verður nú að birta
aðeins til inn á milli.
Hvaða flík eða fylgihlut spáir þú mestum vinsældum í vor og sumar?
Ég er nú voða lítill spámaður í mér… en trend sem ég væri alveg til í eru
lægri hælar.
Liggur mikil rannsóknarvinna á bak við hverja línu? Mismikil. Ég á
það til að gleyma mér svolítið í henni. Skoða alltof mikið og hugmyndirnar
komnar út um víðan völl.
Er tískuáhugi meðfæddur eða áunninn? Áhuginn er meðfæddur en
maður verður að vinna í halda honum lifandi.
Fengirðu eina ósk, hver væri hún? Að allir fengju ævina sem þeir óska
sér.
➜ JÖR by Guðmundur Jörundsson
Guðmundur Jörundsson
Hvaðan sóttirðu innblástur fyrir nýju línuna? Vanalega er ég farinn
að hugsa um eitthvað ákveðið fyrirbæri áður en rann sóknar ferlið
hefst, þetta fyrirbæri getur síðan leitt í allar áttir og þróast. Þetta
getur verið erfitt að útskýra, stundum getur þetta fyrirbæri verið
heildarmynd af einhverjum heimi eða bíómynd. Án þess að segja of
mikið um línuna þá er aðal innblásturinn fangelsi og viss munstur.
Hvaða flík eða fylgihlut spáir þú mestum vinsældum í vor og
sumar? Í herrafatnaði breytist þetta ekki mikið. Skyrtur eru alltaf
vinsælastar, svo er alltaf mikil stemning fyrir léttum jökkum.
Fylgistu með stóru herratískuvikunum? Hvaða lína fannst
þér bera af í ár? Já og nei, stundum fylgist ég vel með. Stundum
truflar það mig þegar ég er sjálfur að gera línu. Sem dæmi sá ég
McQueen-herralínuna fyrir næsta haust, þá hafði ég nokkuð nýlega
lokið við að hanna JÖR-línuna. Mér brá aðeins að sjá hana, þar sem
grunnpælingarnar voru líkar því sem ég var að gera. En
af því sem ég hef skoðað ber það af.
Hvaða íslenski hönnuður er í mestu upp-
áhaldi hjá þér um þessar mundir? Sigga Mæja,
hún útskrifaðist með mér úr fatahönnunar-
deild LHÍ. Hún er líklega færasti fatahönnuður
landsins.
Verður þú aldrei uppiskroppa með hug-
myndir? Ekki beint, en að sjálfsögðu er maður
mis lengi að finna réttu hugmyndina. Ég held
að þegar maður hefur fundið sína aðferð
í innblástursferlinu fái maður alltaf mikið af
hugmyndum. Svo er bara spurning hversu góður
maður er að vinna úr þeim.
Hvað myndi sjálfsævisaga þín heita, yrði
hún skrifuð? „Hress en hrokafullur“, rituð af
Þorláki Einarssyni sagnfræðingi.
Sara
McMahon
sara@frettabladid.is