Fréttablaðið - 23.02.2013, Page 97

LAUGARDAGUR 23. febrúar 2013 | MENNING | 61
EDDA SIF PÁLSDÓTTIR,
ÍÞRÓTTAFRÉTTA-
MAÐUR OG NEMI
Hver er uppáhaldsborgin þín?
New York.
Hvers vegna?
Ástæðan er eiginlega sú að
hún hefur allt. Þú getur verið í
látunum og fjörinu á Manhattan en líka í
rólegri og lágstemmdari hverfum eins og
Williamsburg sem þó er stutt frá. Þú getur
heimsótt borgina í kuldanum að vetri til
eða blússandi sumri. Allt í boði og nánast
á öllum tímum sólarhringsins.
Hvenær fórstu þangað síðast?
Ég fór þangað síðast sumarið 2011.
Hvað er hægt að skoða þar?
Valmöguleikarnir eru nánast
óteljandi enda líður mér
stundum eins og New York sé
miðpunktur alheimsins. Þar er
að finna mörg söfn og sýningar,
sjarmerandi götur og garða, fjöl-
breytt mannlíf og margt fleira.
Hvað er hægt að gera þar?
Ég held að það sé fátt sem ekki
er hægt að gera þar. Það skemmtilegasta
sem ég hef gert er að fara í þyrluferð yfir
borgina og liggja með bollaköku í Central
Park í steikjandi hita og fylgjast með
mannlífinu. Svo reyndar fer ég í túrista-
strætó hvert sem ég fer og túrinn er mjög
skemmtilegur í New York.
Hvar er gott að fara út að borða þar?
Hægt er að finna marga góða staði t.d.
á 7th Street sem eru jafnframt aðeins
ódýrari en staðirnir á fjölförnustu ferða-
mannapunktunum. Í Meatpacking District
er frábær staður sem heitir Spice Market
og í Soho er lítill kúbanskur veitingastaður
sem heitir Café Habana og þar er hægt að
fá heimsins besta maís og fleira gómsætt.
Hvar er best að versla?
Í Soho-hverfinu. Þar og í nágrenni þess
finn ég allavega flest sem mig langar til.
Svo eru margar litlar og skemmtilegar
búðir í Williamsburg. Þar eru líka margar
flottar second-hand búðir fyrir þá sem eru
hrifnir af slíku.
BORGIN MÍN NEW YORK
Leikkonan Ashley Judd er sögð
íhuga framboð til öldungadeild-
ar Bandaríkjaþings fyrir hönd
demókrata, ef marka má frétt
US Weekly. Hún hyggst bjóða sig
fram gegn Mitch McConnell, sem
er núverandi öldungadeildarþing-
maður Kentucky-fylkis.
Sjónvarpsstöðin WHAS 11
segir Judd hafa snætt hádegis-
verð með mikilsvirtum demó-
krötum á fimmtudag og ýtir það
enn frekar undir getgátur manna.
Judd hefur lengi verið viðriðin
mannúðarstörf og stjórnmál
í heimalandi sínu og er meðal
annars ötull stuðningsmaður
Baracks Obama.
Ashley Judd
í framboð
Í FRAMBOÐ Leikkonan Ashley Judd
íhugar framboð til öldungadeildar
Bandaríkjaþings. NORDICPHOTOS/GETTY
Hollywood-stjörnurnar Josh
Brolin og Diane Lane hafa ákveð-
ið að enda hjónaband sitt. Brolin
og Lane gengu upp að altarinu
árið 2004 en hafa ekkert hist
síðan seint á síðasta ári. Blaða-
fulltrúi hjónanna staðfesti tíðind-
in við UsMagazine.com.
Þau voru síðust mynduð saman
í Los Angeles í desember á frum-
sýningu The Guilt Trip með
stjúpmóður Brolins, Barbra
Streisand, í aðalhlutverki. Lane
hefur áður gengið í gegnum
hjónaskilnað þegar hún hætti
með Christopher Lambert árið
1994. Sama ár hætti Brolin með
barnsmóður sinni Alice Adair.
Hjónabandið
á enda runnið
HÆTT SAMAN Josh Brolin og Diane
Lane eru hætt saman. NORDICPHOTOS/GETTY
Styrkir fyrir
námsmenn
Umsóknarfrestur er til 18. mars.
Sæktu um námsstyrki Lands-
bankans á landsbankinn.is.
landsbankinn.is 410 4000Landsbankinn
Námufélagar eiga nú kost á veglegum
námsstyrkjum á framhalds- og háskóla-
stigi fyrir skólaárið 2013-2014.
Veittir verða styrkir í fimm flokkum
 3 styrkir til framhaldsskólanáms, 200.000 kr. hver.
 3 styrkir til iðn- og verknáms, 350.000 kr. hver.
 3 styrkir til háskólanáms (BA/BS/BEd), 350.000 kr. hver.
 3 styrkir til listnáms, 450.000 kr. hver.
 3 styrkir til framh.náms á háskólastigi, 450.000 kr. hver.
J
Ó
N
S
S
O
N
&
L
E
’M
A
C
K
S

•

jl
.i
s

•

S
ÍA