Fréttablaðið - 18.04.2013, Blaðsíða 12

18. apríl 2013 FIMMTUDAGUR| FRÉTTIR | 12
Fastir
vextir
Óverðtryggðir
innlánsvextir m.v.
 mánaða bindingu
Fastir
vextir
Verðtryggðir
innlánsvextir m.v.
 mánaða bindingu
Við bjóðum ölbreytt úrval innláns-
reikninga með föstum vöxtum.
Hafðu samband og kynntu þér málið.
Ármúli 13a / Borgartún 26 / 540 3200 / www.mp.is
Óverðtryggðir innlánsreikningar með föstum vöxtum.
Verðtryggðir innlánsreikningar með föstum vöxtum.
3 mánuðir 4,8%
6 mánuðir 5,0%
12 mánuðir 5,2%
24 mánuðir 5,4%
36 mánuðir 6,3%
60 mánuðir 6,4%
36 mánuðir 2,5% 60 mánuðir 2,75%
Miðað við útgefna vaxtatöflu MP banka 11. apríl 2013.
SAMFÉLAGSMÁL Kaffistofa Sam-
hjálpar hlaut aðalverðlaun Sam-
félagsverðlauna Fréttablaðsins
í ár. Verðlaunin voru afhent við
hátíðlega athöfn í gær, áttunda
árið í röð. Verðlaunin eru veitt
í fjórum flokkum, auk heiðurs-
verðlauna.
Samfélagsverðlaunin
Kaffistofa Samhjálpar, sem er
fyrir utangarðsfólk og aðstöðu-
lausa, hefur verið starfrækt frá
árinu 1982. Fyrstu árin var hún
aðeins opin virka daga og á stórhá-
tíðum. Haustið 2001 bættist helg-
aropnun við og hefur kaffistofan
verið opin alla daga ársins síðan.
Þakklátt starf er unnið á kaffi-
stofu Samhjálpar. Að jafnaði sækja
um hundrað manns kaffistofuna á
degi hverjum, svo það liggur nærri
að gestirnir séu um 40 þúsund á
hverju ári.
Tveir starfa á kaffistofunni, sem
að auki nýtur liðsinnis sjálfboða-
liða sem margir hverjir koma frá
fyrirtækjum og stofnunum.
Ari Edwald, forstjóri 365,
afhenti fulltrúum Kaffistofu Sam-
hjálpar verðlaunin og verðlaunafé
að upphæð 1,2 milljónir króna.
Aðrir sem voru útnefndir til
Samfélagsverðlaunanna voru Katt-
holt og Alzheimer-kaffi. Kattholt
þarf vart að kynna en þar er stað-
inn vörður um gott atlæti katta,
að þeir eigi sér húsaskjól og mat.
Alzheimer-kaffi er kaffihús fyrir
fólk með Alzheimer og aðra skylda
sjúkdóma og aðstandendur þess.
Hvunndagshetja
Hvunndagshetja ársins er Sigur-
laug Hermannsdóttir, sem hefur
verið ötul um árabil í félags lífinu á
Blönduósi. Meðal annars býður hún
ásamt eiginmanni sínum, Hlyni
Tryggvasyni, eldri borgurum á
Blönduósi til árlegrar veislu heima
hjá sér. Er haft á orði að heimsókn
til Sigurlaugar og Hlyns jafn-
gildi árshátíð fyrir gamla fólkið á
staðnum.
Aðrir sem voru tilnefndir í
þessum flokki voru Guðmund-
ur Stefán Gunnarsson, íþrótta-
kennari við Akurskóla í Reykja-
nesbæ, og Halldór Gunnar
Pálsson, sem hefur stuðlað að auk-
inni samkennd þjóðarinnar með
upptöku á Þjóðarlaginu; 35 þús-
und Íslendingar hafa tekið þátt í
söngnum til þessa.
Frá kynslóð til kynslóðar
Verðlaun í þessum flokki fær Mar-
grét Pálmadóttir kórstjóri, sem
hefur unnið mikilsvert starf með
kórum og um árabil stuðlað að
söngmennt stúlkna og kvenna.
Aðrir tilnefndir í þessum flokki
er Félag eldri borgara á Suður-
nesjum og grunnskólabörn í
Reykjanes bæ, sem tóku höndum
saman um að brúa bil kynslóðanna
með ýmsum verkefnum. Steindór
Andersen var tilnefndur fyrir
ómetanlegt starf við framgang og
kynningu íslenskrar rímnahefðar.
Til atlögu gegn fordómum
Projekt Polska hlýtur verðlaun
fyrir atlögu gegn fordómum.
Hópur ungra Pólverja vinnur að
aðlögun og eflingu félagsstarfs og
bættum aðstæðum innflytjenda á
Íslandi.
Aðrir tilnefndir í þessum flokki
eru ADHD-samtökin fyrir baráttu
sína fyrir því að börn og fullorðnir
með athyglisbrest og skyldar rask-
anir njóti sannmælis í samfélaginu
og Sendiherrar Sameinuðu þjóð-
anna um réttindi fatlaðra.
Heiðursverðlaun
Heiðursverðlaun Samfélags-
verðlauna Fréttablaðsins hlýtur
Óli H. Þórðarson. Hann hefur um
margra áratuga skeið verið ötull
talsmaður bættrar umferðar-
menningar og lagt sitt af mörkum
til að fækka umferðarslysum á
Íslandi.
Byggt á tilnefningum lesenda
Á fjórða hundrað tilnefningar bár-
ust frá lesendum Fréttablaðsins að
þessu sinni. Markmið með Sam-
félagsverðlaununum er að beina
sjónum að þeim góðu verkum sem
unnin eru í samfélaginu. Sam-
félagsverðlaun Fréttablaðsins eru
sem fyrr segir tólf hundruð þús-
und krónur, aðrir verðlaunahafar
fengu tíu tommu United spjaldtölvu
frá Tölvulistanum auk verðlauna-
gripa sem eru hannaðir og smíðað-
ir af Ásgarði í Mosfellsbæ.
Hjálparhellur lítilmagnans heiðraðar
Fréttablaðinu bárust á fjórða
hundrað tilnefningar til Sam-
félagsverðlaunanna. Dómnefnd
sem var skipuð Arndísi Þorgeirs-
dóttur fréttastjóra Frétta-
blaðsins, Önnu Kristinsdóttur,
mannréttinda stjóra Reykjavíkur-
borgar, og Þorsteini J. Vilhjálms-
syni dagskrárgerðarmanni vann
úr tilnefningum lesenda.
Á fjórða hundrað
tilnefninga bárust
TIL ATLÖGU GEGN FORDÓMUM Projekt Polska er hópur ungra Pólverja sem vinna
að bættum aðstæðum innflytjenda á Íslandi. FRÉTTABLAÐIÐ/VALLI
HEIÐURSVERÐLAUN Óli H. Þórðarson
hlýtur verðlaun fyrir ævistarf sitt í þágu
bættrar umferðarmenningar.
FRÁ KYNSLÓÐ TIL KYNSLÓÐAR Margrét Pálmadóttir kór-
stjóri hefur unnið mikilsvert starf með kórum og stuðlað að
söngmennt stúlkna og kvenna.
HVUNNDAGSHETJAN Sigurlaug Hermannsdóttir hefur opnað
heimili sitt fyrir eldri borgurum á Blönduósi. Með henni eru
þeir Halldór Gunnar Pálsson og Guðmundur Stefán Gunnars-
son, sem einnig voru tilnefndir.