Fréttablaðið - 18.04.2013, Blaðsíða 72

SPORT 18. apríl 2013 FIMMTUDAGUR
SUND Fjarvera Jakobs Jóhanns
Sveinssonar á Íslandsmeistara-
mótinu í sundi í 50 metra laug um
liðna helgi vakti athygli. Sund-
maðurinn þrítugi hefur verið
fastagestur á mótinu frá unga
aldri en nú gengur skólinn fyrir.
„Hefði ég ekki verið svo upp-
tekinn í skólanum hefði örugg-
lega verið skrítið að sitja heima og
gera ekki neitt,“ segir Jakob, sem
nemur umhverfis- og bygginga-
verkfræði við Háskóla Íslands.
Hann er í skólanum allan daginn
en heldur sér þó í góðu formi.
„Ég lyfti þrisvar í viku, syndi
þrisvar í viku og fer í fimleika
þrisvar í viku,“ segir Jakob en
leggur áherslu á að hann sé bara
að leika sér. Hvernig níu æfingar
í viku geti flokkast sem leikur er
líklega erfitt fyrir alla að skilja
nema þá sem þekkja til Jakobs.
Agi og metnaður hafa einkennt
sundferil hans enda er hann einn
fimm Íslendinga sem farið hafa
fjórum sinnum á Ólympíuleika
fyrir Íslands hönd.
Heyrst hefur að Jakob Jóhann
stefni ótrauður á leikana í Ríó 2016
en hann vill þó spara yfirlýsing-
arnar að sinni.
„Ég hef sagt það en ég er að sjá
til. Það er mjög freistandi að fara
þangað,“ segir Jakob. Hann er að
skoða hvernig hann geti æft öðru-
vísi fram að leikunum. Hvað hann
geti gert betur og sækir í reynslu-
banka íþróttafólks í sundinu, lyft-
ingunum og fimleikunum í þeim
tilgangi.
„Það er oft þannig þegar íþrótta-
fólk hættir að það hugsar hvernig
það hefði getað gert hlutina öðru-
vísi,“ segir Jakob. Hann viður-
kennir að það kitli að verða fyrsti
Íslendingurinn til að fara á fimm
Ólympíuleika. Hann myndi ekki
aðeins skrá sig í sögubækurnar
hér á landi því aðeins sjö sund-
menn og sex sundkonur hafa farið
svo oft á leikana.
„Nú hugsar maður bara um
skólann. Ef hann gengur vel
getur maður haldið áfram,“ segir
Jakob, sem hefur tekið einn og
einn áfanga í náminu undanfarin
ár. Nú er hann svo gott sem búinn
með námsefni fyrsta ársins og í
fullu námi á öðru ári. Hann stefnir
á að klára umhverfisverkfræðina
og fara í meistaranám í landslags-
skipulagi. Sundið er þó langt í frá
komið á hilluna.
„Þegar maður er að hvíla sig
getur maður séð alla þá hluti sem
maður gæti gert betur.“
kolbeinntumi@365.is
Ríó kitlar Kobba
Ólympíufarinn fj órfaldi Jakob Jóhann Sveinsson hefur tekið háskólanámið föstum
tökum. Á meðan er sundið í öðru sæti. Hann horfi r þó til Ríó og langar að skrá nafn
sitt í sögubækurnar. Enginn Íslendingur hefur farið fi mm sinnum á Ólympíuleika.
METHAFI Jakob Jóhann á Íslandsmetin í 50, 100 og 200 metra bringusundi bæði í
25 og 50 metra laug. FRÉTTABLAÐIÐ/ANTON
Þeir hafa farið fjórum sinnum
Bjarni Friðriksson
1980 Moskva, 1984 Los Angeles,
1988 Seúl, 1992 Barcelona
Guðmundur Gíslason
1960 Róm, 1964 Tókýó,
1968 Mexíkóborg, 1972 MünchenJakob Jóhann Sveinsson
2000 Sydney, 2004 Aþena,
2008 Peking, 2012 London
Kristinn Björnsson
1992 Albertville, 1994 Lillehammer,
1998 Nagano, 2002 Salt Lake City
Vésteinn Hafsteinsson
1984 Los Angeles, 1988 Seúl,
1992 Barcelona, 1996 Atlanta
Fæst án lyfseðils
Verkjastillandi
bólgueyðandi

ÁNÆGJA
EÐA END
URGREIÐSLA!
Gildir frá 1. apríl - 30. júní 2013