Fréttablaðið - 26.04.2013, Page 16

26. apríl 2013 FÖSTUDAGUR| FRÉTTIR | 16
Sumardagurinn fyrsti
Sumar-
komu
fagnað
Vetur og sumar frusu saman víðs-
vegar um landið, sem þykir vita á gott
sumar. Sumarkomunni langþráðu var
fagnað um allt land í gær.
FÁNABERI Það er ekki auðvelt verk að bera íslenska fánann
í skrúðgöngu á sumardaginn fyrsta, og nauðsynlegt að vera
með vettlinga.
MIKIL KÁTÍNA Í KASTALANUM Hoppukastalar vekja alltaf mikla lukku fólks á öllum aldri, og ekki síður þegar bæði rennibraut og lítil þrautabraut
leynast í kastalanum. FRÉTTABLAÐIÐ/DANÍEL
STUÐ Þessar tvær ungu dömur skemmtu sér vel og voru þjóðlegar með fána í hönd.
SVALUR Í KLIFRINU Það var nóg fyrir börnin að gera bæði í Grafarvogi og Árbæ,
þar sem ljósmyndari Fréttablaðsins kíkti á stemninguna. Þessi átti auðvelt með
klifurbrautina.
NAPURT Á FYRSTA DEGI SUMARS Þessum strák virtist
ekkert sérlega hlýtt þrátt fyrir að sumarið sé tæknilega
komið til landsins.
SKRÚÐGANGAN Skrúðgöngur tilheyra hátíðahöldunum á sumardaginn fyrsta um allt landið. Lúðrasveitir og íslenskir fánar eru
bestu fylgihlutirnir, auk þess sem það borgar sig að vera vel klæddur eins og þessir göngumenn vissu.
VIÐ STÝRIÐ Kassabílar sjást ekki svo oft á götum borgarinn-
ar, en þessar stelpur áttu ekki erfitt með að fara um á einum
slíkum.