Fréttablaðið - 30.05.2013, Blaðsíða 16

30. maí 2013 FIMMTUDAGUR| FRÉTTIR | 16
Heimilið rifi ð í austurhluta Jerúsalem
HEIMILIÐ HORFIÐ Þessi palestínska kona horfði upp á ísraelskar jarðýtur leggja heimili fjölskyldu hennar í rúst í Beit Hanina-
hverfi í austurhluta Jerúsalem í gær. Ísraelskar sveitarstjórnir gefa oft skipanir um að heimili Palestínumanna sem byggð hafa
verið án leyfis séu rifin, þó að þar búi enn fólk. NORDICPHOTOS/AFP
Lést af stungusárum
1 BRETLAND Banamein hermannsins sem ráðist var á í London í síðustu viku var fjölmörg stungusár og skurðir sem hann hlaut. Þetta staðfesti
krufningalæknir. Hermaðurinn var ekki að sinna herskyldum þegar árásin átti
sér stað nálægt herbúðum breska hersins í höfuðborginni. Talið er að árásin
hafi verið gerð af íslömskum ofsatrúarmönnum með stóra hnífa og kjötaxir.
Scotland Yard, rannsóknarlögreglan í Bretlandi, segir að hermaðurinn hafi
verið á göngu nærri herbúðunum þegar hann varð fyrir blárri bifreið. Þá hafi
mennirnir ráðist á hann.
Tilræði við fullveldi Pakistan
2 PAKISTAN Bandarísk sprengjuflaug er sögð hafa grandað fjórum hátt settum talibönum, meðal annars næstæðsta stjórnarmanni hreyfingar-
innar, Wali-ur-Rehman. Pakistanskir talibanar hafna því að hann sé fallinn.
Ný ríkisstjórn tók við völdum í Pakistan eftir kosningar þar í þessum mánuði.
Nawaz Sharif, tilvonandi forsætisráðherra, segir árás Bandaríkjanna vera til-
ræði við fullveldi Pakistan.
Sækist ekki eftir endurkjöri
3 BANDARÍKIN Michelle Bachmann, þingmaður Minnesota-ríkis á Bandaríkjaþingi, ætlar ekki
að sækjast eftir embætti á ný eftir að hennar
fjórða kjörtímabili lýkur á næsta ári. Bachmann
tók þátt í forvali Repúblikanaflokksins fyrir
forsetakosningarnar á síðasta ári en hlaut ekki
brautargengi. Þá hefur hún gerst talsmaður skatt-
leysishugmynda innan Teboðshreyfingarinnar í
Repúblikanaflokknum. Hún útilokar þó ekki þátt-
töku í stjórnmálum í framtíðinni.
HEIMURINN
1
2
3