Fréttablaðið - 30.05.2013, Page 54

30. maí 2013 FIMMTUDAGUR| MENNING | 42
Rottentomatoes
„Ef það sem gerðist í Vegas hefði bara orðið eftir í Vegas.“
Metacritic
„Galifianakis er lykillinn. Hann býr yfir þeim hæfileikum að
negla senu með einföldustu línum. Gamanmyndin er jafn
ófyrirsjáanleg og fyrri myndirnar, en leikstjórinn Todd Phillips
bætir hér um betur.“
Rolling Stone
„Lærðuð þið ekkert af vonbrigðunum sem fylgdu The
Hangover Part II? Ætli það.“
Imdb.com
„Ég ætla ekki að fegra umsögnina; þessi kvikmynd er hroða-
leg.“
Roger Ebert
„The Hangover Part III er annað óþarft framhald myndarinnar
The Hangover frá 2009.“
The Hangover Part III segir sem
fyrr frá ævintýrum karlmannanna
í Úlfagenginu. Fyrsta myndin í þrí-
leiknum sló óvænt í gegn árið 2009.
Tvær síðari myndirnar hafa hlotið
frábæra aðsókn í kvikmyndahúsum
en töluvert slakari dóma.
Sem fyrr leikstýrir Todd Phillips
myndinni og Bradley Cooper, Ed
Helms, Zach Galifianakis, Ken
Jeong og Heather Graham fara með
helstu hlutverk. Í myndinni komast
vinirnir að því að Alan, sem leik-
inn er af Galifianakis, hefur ekki
verið að taka geðlyfin sem honum
er skylt að taka og ákveða að fylgja
vini sínum í meðferð til Arizona.
Gengið kemst þó ekki á leiðarenda
því þeim er rænt af harðsvíruðum
glæpamönnum og upphefst þá enn
eitt ævintýri þeirra félaga.
Gagnrýnendur lýsa myndinni
sem ofbeldisfullri, kvikindislegri
og hamslausri og þykir sumum hún
innihalda of mikið af Mr. Chow og
Alan; persónum sem eru skemmti-
legri í smærri skömmtum. Sem
fyrr segir kom fyrsta myndin í
Hangover-myndaröðinni út árið
Hamslaust úlfagengi
Gamanmyndin The Hangover Part III er frumsýnd í kvikmyndahúsum annað
kvöld. Fyrsta myndin, The Hangover, varð óvæntur smellur árið 2009.
KOMNIR AFTUR Meðlimir Úlfagengisins lenda enn og aftur í ævintýrum í kvikmyndinni The Hangover Part III.
1,5
6,3
30%
21%
★
2009 og velti um 34 milljörðum
króna í Bandaríkjunum einum
saman. Seinni myndin hlaut heldur
slakari dóma meðal gagnrýnenda en
halaði þrátt fyrir það inn tæpa 72
milljarða á heimsvísu.
Leikstjóranum Phillips bregður
fyrir í öllum þremur myndunum í
þríleiknum. Í fyrstu myndinni lék
hann persónuna Mr. Creepy, sem
klæddur var í íþróttagalla og bar
svarta hárkollu. Hann endurtekur
rulluna bæði í annarri og þriðju
myndinni. - sm
Sjónvarpsstöðin National Geo-
graphic hyggst framleiða kvikmynd
um forsetahjónin John og Jacquel-
ine Kennedy. Myndin hefur hlotið
titilinn Killing Kennedy og skart-
ar Rob Lowe og Ginnifer Goodwin
í aðalhlutverkum.
Handritið er byggt á samnefndri
bók Bills O‘Reilly og Martins Dug-
ard og hefst árið 1959, árið sem
John F. Kennedy tilkynnti framboð
sitt. Myndinni verður leikstýrt af
Nelson McCormick og hefjast tökur
í júní. „Við erum spennt fyrir sam-
starfinu með Goodwin og Lowe,“
sagði Howard T. Owens, forstjóri
National Geographic-stöðvarinnar.
Fer með hlutverk
Jacqueline Kennedy
Ginnifer Goodwin leikur forsetafrúna heimsþekktu.
LEIKUR JACKIE Ginnifer Goodwin fer
með hlutverk Jacqueline Kennedy í
nýrri kvikmynd National Geographic-
sjónvarpsstöðvarinnar. NORDICPHOTOS/GETTY
„Áhættan við að hrærast innan
kvikmyndaiðnaðarins er fyrst og
fremst tilfinningaleg. Þetta er nán-
ast eins og að kynna barnið þitt
fyrir eiturlyfjum,“ sagði leikar-
inn Will Smith um leiklistarferil
sonar síns, Jadens Smith. Feðgarn-
ir leika saman í vísindatryllinum
After Earth sem frumsýnd verður í
Bandaríkjunum um helgina.
Hinn fjórtán ára gamli Jaden
Smith hefur áður leikið í mynd-
inni The Pursuit of Happyness með
föður sínum. „Maður leiðist ekki út í
kvikmyndagerð vegna sjálfsánægju
heldur vegna þess að maður vill
gleðja aðra,“ sagði Will Smith um
uppeldisaðferðir sínar.
Feðgar leika feðga
Will og Jaden Smith leika saman í vísindatrylli.
LEIKA SAMAN Will Smith og sonur
hans, Jaden Smith, leika saman í
kvikmyndinni After Earth.
NORDICPHOTOS/GETTY
Teiknimyndin Epic verður frum-
sýnd næstkomandi föstudag. Um
er að ræða fjölskyldumynd frá
óskarsverðlaunahafanum Chris
Wedge sem er gerð eftir sögunni
The Leaf Men and the Brave Good
Bugs sem er eftir annan óskars-
verðlaunahafa, William Joyce.
Myndin segir frá hinni 17 ára
gömlu Mary Katherine sem er
oftast kölluð M.K. Þegar hún fer
í heimsókn til föður síns segir
hann henni frá agnarsmáum her-
mönnum sem hann trúir að séu
til í skóginum þar sem hann býr
og hann ætlar sér að finna þær.
M.K. tekur ekki mikið mark á
föður sínum, enda er sá léttgeggj-
aður vísindamaður. Hún á þó ekki
annarra kosta völ en að trúa föður
sínum þegar galdrar valda því að
hún er smækkuð niður í þeirra
stærð. Hún lendir í miklum ævin-
týrum með nýjum vinum sínum
þar sem hún tekur þátt í baráttu
þeirra gegn illum öflum og reyn-
ir að hjálpa þeim að bjarga heimi
sínum frá glötun, og í kjölfarið
heimi okkar mannfólksins líka.
Ensk talsetning myndarinnar er
í höndum stórstjarna á borð við
Amanda Seyfried, Colin Farrell,
Josh Hutcherson og Beyoncé
Knowles. Við Íslendingar drög-
um líka fram okkar stórskotalið
í talsetningunni og þar er meðal
annars að finna Láru Sveins-
dóttur, Sigurð Þór Óskarsson,
Björn Thors, Hjálmar Hjálmars-
son, Gísla Rúnar Jónsson, Ævar
Þór Benediktsson og Hilmi Snæ
Guðnason. Barnakvikmynda-
hátíðin heldur svo áfram í Bíó
Paradís og meðal þeirra mynda
sem eru sýndar þar á næstu dögum
eru Ernest & Celestine, E.T. The
Extra Terrestrial, Stikkfrí, Dugg-
holufólkið, Vegas, The Karate Kid
og Bestevenner. Nánari upplýsing-
ar og dagskrá má finna á heima-
síðunni bioparadis.is - trs
Nóg fyrir börnin um helgina
Ný teiknimynd og sérstök barnakvikmyndahátíð ætti að kæta barnafólkið.
➜ Þekktustu myndir Chris
Wedge til dagsins í dag eru
fyrsta Ice Age-myndin árið
2002 og myndin Robots árið
2005.
BJARGAR HEIMINUM M.K. er smækkuð og berst með agnarsmáaum hermönnum til að bjarga þeirra heimi og okkar í teikni-
myndinni Epic.
ÚTGÁFU-
PARTÍ
Léttar veitingar.
Uppistand og upplestur.
Bókin verður á sérstökum kynningarkjörum,
og höfundur áritar hana að sjálfsögðu fyrir þá sem
þess óska.

Hvar? Á Loftinu, Austurstræti 9
Hvenær? Í dag, 30. maí, kl. 17
Hlakka til að sjá þig og þína!
Björg Magnúsdóttir og Forlagið
í tilefni af útgáfu bókarinnar EKKI ÞESSI TÝPA
eftir Björgu Magnúsdóttur