Fréttablaðið - 27.09.2013, Side 36

KYNNING − AUGLÝSINGBarnaafmæli FÖSTUDAGUR 27. SEPTEMBER 20138
SÍVINSÆLIR MUNNBITAR
Fáir krakkar fúlsa við súkkulaði-
húðuðum sykurpúðum á pinna. Þeir
kitla bragðlauka flestra en fram-
setningin þykir ekki síður lokkandi.
Það má leika sér með útfærsluna en
hráefnið er eftirfarandi:
500 g sykurpúðar
200 g suðusúkkulaði
Kökuskraut
Litlir pinnar eða litrík sogrör (má
klippa í tvennt)
Hellið kökuskrauti í skál.
Bræðið súkkulaðið yfir vatnsbaði.
Velgið aðeins. Stingið einum pinna
í sykurpúða og dýfið neðri hluta
hans í súkkulaðið. Dýfið síðan ofan í
kökuskraut. Komið pinnanum fyrir á
flötu undirlagi og látið stífna. Færið
svo upp á fallegan disk og berið
fram.
FRAMSETNINGIN SKIPTIR
SKÖPUM
Veitingar í barnaafmælum þurfa
ekki endilega að vera fullar af sykri.
Það má í það minnsta bjóða upp á
hollustu í bland.
Ef boðið er upp á niðurskorna ávexti
og grænmeti borða börn það yfirleitt
með bestu lyst og ekki síst ef fram-
setningin er skemmtileg.
Á meðfylgjandi myndum má sjá
tvær tillögur. Annars vegar gúrkuorm
með tómataugum sem er notaður
sem undirlag fyrir osta- og ananas-
pinna og hins vegar útskorna
melónu fyllta með jarðarberjum og
vínberum.
Það er um að gera að gefa hug-
myndafluginu lausan tauminn og
útbúa hollustu sem gleður lítil augu.
Þá eru allar líkur á að börnin hámi
hana í sig.
KARAMELLUPOPP
1 bolli smjör
2 bollar púðursykur
½ bolli síróp
1 tsk. salt
½ tsk. matarsódi
1 tsk. vanilludropar
5 l poppað popp
Hitið ofninn í 95 gráður. Setjið
poppið í mjög stóra skál eða bala.
Bræðið smjörið við lágan hita og
hrærið púðursykri, sírópi og salti
saman við. Hrærið þar til suðan
kemur upp og látið svo malla án
þess að hræra í fjórar mínútur. Takið
af hellunni og hrærið matarsóda og
vanillu út í. Hellið í mjórri bunu yfir
poppið og veltið því til á meðan.
Hellið poppinu í tvær grunnar
ofnskúffur og bakið í klukkustund.
Hrærið í á 15 mínútna fresti. Brjótið
poppið niður þegar það er orðið kalt.
www.allrecipes.com
Karamellupopp ofan í káta krakka
Einfalt og ódýrt afmælissnakk.