Fréttablaðið - 13.03.2014, Blaðsíða 36

KYNNING − AUGLÝSINGFermingar FIMMTUDAGUR 13. MARS 20144
Helena Heiðdal Geirsdóttir, nem-
andi í Garðaskóla, fermist 13. apríl.
Hún er mikill dansari, var lengi vel
í ballett en æfir nú nútímadans af
kappi. Hún á þrjú systkini, bæði
eldri og yngri. Helena hefur gaman
af fótbolta og fer gjarnan að horfa á
systkini sín keppa. Á sumrin þykir
henni sérstaklega gaman að fara í
Vindáshlíð með vinkonunum.
Helena var tekin tali og spurð út í
fermingarundirbúninginn og stóra
daginn.
Í hvaða kirkju fermist þú? Ég
fermist í Laugarneskirkju þótt ég
búi í Garðabæ. Ég hef sótt fræðsluna
þar en ég tengist Laugarneskirkju
sterkum böndum frá því að ég var
lítil og langaði því að fermast þar.
Bróðir minn gerði þetta líka fyrir
nokkrum árum.
Af hverju ætlar þú að fermast?
Ég er alin upp á kristnu heimili. Við
förum í kirkju og þegar ég var yngri
störfuðu mamma og pabbi í Laug-
arneskirkju. Ég hef því alltaf ætlað
að fermast og finnst eðlilegt að stað-
festa trúna á þessum tímamótum.
Hvar verður veislan haldin?
Hún verður haldin í Baðhúsinu þar
sem mamma mín vinnur. Það var
verið að opna nýtt og rosalega flott
Baðhús í Smáralind með veitinga-
aðstöðu og þar verður veislan.
Hvernig verður veislan? Við
ætlum að vera með smárétti og
kökur. Pabbi minn er kokkur og sér
um veitingarnar.
Er von á mörgum gestum? Þeir
verða í kringum sextíu.
Verða skemmtiatriði? Nei, engin
skemmtiatriði en kannski afi minn,
Þorgeir Ástvaldsson, spili á píanó.
Hvernig eru fermingarfötin?
Ég er ekki enn búin að ákveða kjól-
inn. Ég var í fermingarmyndatöku
fyrir Gallerí 17 og þar var ég í mjög
fallegum kjól en ég á erfitt með að
ákveða mig.
Hvað langar þig í í fermingar-
gjöf? Ferðalag og pening.
Hvernig hefur fermingarfræðsl-
an verið? Hún hefur verið ágæt. Ég
hef líka stundum farið í fræðslu í
Fíladelfíukirkjunni.
Tekurðu þátt í undirbúningnum
fyrir ferminguna? Já, já, en það er
samt ekkert brjálað að gera.
Ertu stressuð fyrir stóra dag-
inn? Nei, nei, alls ekki.
Alltaf ætlað að fermast
Helena býr svo vel að
pabbi hennar er kokkur
og mun hann sjá um
veitingarnar í veislunni.
Ég fékk uppskriftina frá systur minni, sem fékk hana frá samstarfskonu
sinni, sem fékk hana frá, tja
enginn man það lengur,“ segir
Berglind Mari Valdemarsdótt-
ir en hún deilir með lesendum
einfaldri uppskrift að brauð-
tertu, sem hún kallar Norðan-
Heiðu.
„Tertan hafði svo sem ekk-
ert fast nafn en það má kalla
hana Norðan-Heiðu ef svo ber
undir.“
Eins og gengur gæti inni-
haldið hafa breyst frá uppruna-
legri uppskrift segir Berglind
en það þurfi þó ekki að vera til
vansa. Þessi útgáfa sé afar ljúf-
feng og matarmikil og girnilega
skreytt tertan sómir sér vel á
veisluborði.
„Norðan-Heiða“
80 g gorgonzola
1 dl svartar ólífur
1 dós sýrður rjómi
1 hvítlauksgeiri
1 dl söxuð basilika
1 dl klettasalat
Allt saxað og hrært saman,
smurt innan í rúllubrauð og
því svo rúllað upp.
Skreyting:
1 bolli sýrður rjómi
klettasalat
parmaskinka
kirsuberjatómatar
Smyrjið rúlluna með sýrð-
um rjóma og dreifið klettasal-
ati yfir. Leggið parmaskinkuna
eftir endilangri rúllunni
og raðið niðurskornum tóm-
ötum eftir smekk ofan á og í
kringum rúlluna. Kælið tert-
una áður en hún er borin fram.
Norðan-Heiða
með gorgonzola
Brauðtertur, heitir brauðréttir og snittur tilheyrðu fermingarveislum gjarnan
á áttunda og níunda áratugnum. Um tíma duttu brauðterturnar úr tísku og
kökuveislunum var víða skipt út fyrir heitan mat á borðum. Brauðtertan hefur
síðan laumað sér aftur á veisluborðin og nýtur vinsælda. Berglind Mari
Valdemarsdóttir, MA í hagnýtri menningarmiðlun og matgæðingur, varð sér
úti um uppskrift að einfaldri brauðtertu sem kallast Norðan-Heiða.
Uppskriftin hefur gengið manna á milli.
Fagurlega skreytt brauðterta sómir sér vel á veisluborði. MYND/BERGLIND MARI VALDEMARSDÓTTIR
Flestir hafa verið viðstaddir fermingu einhvern tíma á
ævinni. Fyrir þá sem hafa hins vegar ekki reynslu af slíku
er ef til vill forvitnilegt að vita hvernig hefðbundin ferm-
ing fer fram.
Á vef kirkjunnar, kirkjan.is, kemur fram að fermingar fari
oftast fram í venjulegri messu. Að loknu hefðbundnu upp-
hafi messunnar er komið að því er tengist fermingunni. Þá
er byrjað á fermingarræðu eða predikun. Síðan er komið
að sálmi sem oft tengist fermingarathöfninni. Næst minnir
presturinn fermingarbörnin á að þau séu komin til að játast
Jesú Kristi sem þau voru helguð í skírninni. Síðan rísa allir
á fætur og fara saman með trúarjátninguna. Þá er komið
að sjálfri fermingunni. Börnin ganga eitt í einu upp að alt-
arinu. Presturinn spyr hvort þau leitist við að hafa Jesú Krist
að leiðtoga lífsins og börnin svara játandi. Síðan krjúpa þau
á gráturnar, presturinn leggur hönd á höfuð barnsins og
blessar það. Barnið rís á fætur og presturinn réttir því hönd-
ina og segir „Friður sé með þér“. Þá flytur barnið (eða prest-
urinn) minnisvers sem barnið hefur valið. Eftir fermingu
allra barnanna hefst svo altarisganga þar sem fermingar-
börnin ganga til altaris með fjölskyldum sínum.
Svona fer ferming fram
Í fermingunni krjúpa fermingarbörnin á gráturnar
þegar presturinn blessar þau. MYND/STEFÁN