Fréttablaðið - 13.03.2014, Blaðsíða 86

13. mars 2014 FIMMTUDAGUR| MENNING TÓNLIST | 38
Ýmsir - SG Hljómplötur
Pharell Williams - Girls
Mono Town - In The Eye Of The Storm
Í spilaranum „Við fengum á dögunum stað-festingu á að plötunni hafi verið
streymt oftar en tveimur milljón
sinnum á Deezer,“ segir Börkur
Hrafn Birgisson, gítarleikari
hljómsveitarinnar Mono Town,
en fyrsta breiðskífa sveitarinnar,
In The Eye of the Storm kom út á
geisladiski og vínyl í vikunni.
Hún kom þó út á streymis-
síðunni Deezer fyrir um tveimur
mánuðum og hefur fengið
frábærar viðtökur, og hefur eins
og fyrr segir verið streymt yfir
tveimur milljón sinnum.
„Deezer er eins og Spotify
nema bara stærri á meginlandi
Evrópu. Samstarf okkar við
þá var mjög spennandi,“ segir
Börkur Hrafn.
Í kjölfarið hefur sveitin fengið
athygli út um allan heim. „Við
höfum ekki enn fengið uppgjör
frá Deezer en við fáum greitt
samkvæmt þeirra töxtum. Það
sem er okkur mjög mikils virði
er hins vegar það að nú er fullt
af fólki út um allan heim að
hlusta á plötuna. Það er rosalega
verðmætt,“ segir Börkur Hrafn
spurður út í arðinn af svo miklu
streymi á netinu.
Platan kom út á vegum Record
Records síðastliðinn þriðjudag á
geisladiski og vínyli og fæst því í
öllum helstu verslunum. Hljóm-
sveitin sá sjálf um upptökur á
plötunni í Reykjavík og ferðaðist
svo til New York-borgar þar
sem Grammy-verðlauna hafinn
Michael Brauer sá um hljóð-
blöndun.
Sveitin stefnir á að fara með
plötuna víðar og hefur í hyggju að
fara í tónleikaferðalag um Evrópu
með hækkandi sól. Hljómsveitin
Mono Town var stofnuð árið 2007.
„Sveitin hefur verið til síðan 2007.
Við byrjuðum að semja tónlist og
vinna að plötunni þá en þó ekki af
fullum krafti fyrr en árið 2010.“
Hana skipa bræðurnir Börkur
Hrafn og Daði Birgissynir
ásamt Bjarka Sigurðssyni en
þeir eru allir laga- og texta-
höfundar sveitar innar. Þeim til
aðstoðar eru meðal annars þeir
Guðmundur Óskar Guðmundsson
bassaleikari og Magnús Tryggva-
son Elíassen trommuleikari.
Mono Town hefur staðfest
tvenna útgáfutónleika í tilefni
af útgáfu plötunnar, annars
vegar þann 3. apríl í Gamla Bíói í
Reykjavík og hins vegar 12. apríl
á Græna hattinum á Akureyri.
„Á útgáfutónleikunum verðum
við með strengjasveit og kór með
okkur. Við leggjum mikið í tón-
leikana,“ bætir Börkur Hrafn við.
Hljómsveitin ætlar einnig að
spila í Lucky Records laugardag-
inn 15. mars. Miðasala á útgáfu-
tónleikana fer fram á Miði.is.
gunnarleo@frettabladid.is
Tvær milljónir manna
hafa streymt plötunni
Hljómsveitin Mono Town gaf út sína fyrstu plötu, In The Eye of the Storm, á geisladiski
og vínyl í vikunni. Plötunni hefur verið streymt 2 milljón sinnum á Deezer.
FAGNA ÚTGÁFU
FRUMBURÐARINS
Hljómsveitin Mono
Town heldur tvenna
útgáfutónleika í
næsta mánuði en
fyrsta breiðskífa
sveitarinnar, In The
Eye of the Storm,
kom út síðastliðinn
þriðjudag á geisla-
diski og vínyl.
MYND/HÖRÐUR SVEINSSON
Skýringar Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Þátttakendur í Lagalistanum Bylgjan, FM957, Xið 977, Rás 2, K100,5, tonlist.is. Verslanir í Tónlistanum Skífan, Hagkaup, Penninn/
Eymundsson, 12 tónar, Harpa, Smekkleysa plötubúð, Elko, tonlist.is.
LAGALISTINN TÓNLISTINN
6.3.2014 ➜ 12.3.2014
1 Ed Sheeran I See Fire
2 Pharrell Happy
3 Pollapönk Enga fordóma
4 Greta Mjöll Eftir eitt lag
5 John Legend All Of Me
6 Baggalútur Ég fell bara fyrir flugfreyjum
7 Mono Town Peacemaker
8 Rudimental / Emeli Sandé Free
9 Aloe Blacc The Man
10 U2 Ordinary Love
1 Ýmsir Söngvakeppnin 2014
2 Midori Mendelssohn & Bruch: Violin Concertos
3 Skálmöld og Sinfó Skálmöld og Sinfó
4 Ásgeir Trausti Dýrð í dauðaþögn
5 Kaleo Kaleo
6 Ásgeir In The Silence
7 Baggalútur Mamma þarf að djamma
8 Samaris Samaris
9 Ýmsir Hot Spring: Askja
10 Ýmsir This Is Icelandic Indie Music
Deezer er eins og
Spotify nema bara
stærri á meginalandi
Evrópu. Samstarf okkar
við þá var spennandi og
gáfu þeir okkur út.
Börkur Hrafn Birgisson
Skoðanir manna eru misjafnar. Þessi fullyrðing hefur bundið enda á
fjölmargar rökræður í gegnum tíðina. Það sem sumum finnst gott finnst
öðrum slæmt. Þannig er það bara. En svo eru hlutir sem við sammælumst
öll um að séu slæmir. Nasismi, hælsæri, að drekka appelsínusafa eftir
tannburstun, já og hljómsveitin Creed. Það hélt ég að minnsta kosti.
Alvarlegt atvik kom upp hér á fréttastofunni á þriðjudag. Leiðindamál
sem gæti grafið undan trúverðugleika okkar allra. Ég sat í mötuneytinu að
japla á hádegismatnum mínum þegar það gerðist. Þegar ekki einn, ekki
tveir, heldur þrír samstarfs-
menn mínir lýstu dálæti
sínu á Creed. Eins og ekkert
væri sjálfsagðara. Ég ætla
ekki að nafngreina mennina
af tillitssemi við aðstand-
endur þeirra, en allir voru
þeir á því að Creed væri
alveg hreint ljómandi góð
hljómsveit.
Ég sendi tölvupóst um
málið til minna yfirmanna
og afrit af póstinum á alla
fréttastofuna. Ég er vana-
lega ekki „sá sem kjaftar
frá“ en þarna blöskraði mér
algjörlega. Heitar umræður
spunnust um málið þar sem
einhverjir sögðu það vera
augljósa brottrekstrarsök.
Sjálfur var ég hófstilltari og
lagði til að þremenningarnir
yrðu settir til hliðar um
stundarsakir.
En síðan skriðu undan
steinum enn fleiri sem
virtust aðhyllast þessar viðurstyggilegu skoðanir þeirra, og aðrar náskyldar.
Einn viðurkenndi ást sína á hljómsveitinni Nickelback á meðan annar rifj-
aði glaður í bragði upp lagið Outside með þeim Fred Durst og Aaron Lewis.
Sá þriðji kvartaði sáran undan einelti í garð þessara hljómsveita, bæði á
internetinu og víðar. Hvaða fólk er þetta? Látum vera ef þetta hefði komið
frá íþróttadeildinni, en þetta voru meira og minna almennir fréttamenn.
Enn bíð ég eftir viðbrögðum yfirmanna minna. Handboltinn er hjá
ykkur. Verður þetta virkilega látið viðgangast?
TÓNNINN
GEFINN
Haukur Viðar Alfreðsson
HETJURNAR TÓNLIST Creed er tekið opnum
örmum á fréttastofunni. FRÉTTABLAÐIÐ/GETTY
Handbolti í Skaft ahlíð
Til leigu gott 48 fm skrifstofurými á
6. hæð í Borgaratúni 30
Húsnæðið er í lyftuhúsi og skiptist í þrjár lokaðar skrifstofur með
síma- og tölvutengjum, ásamt móttöku og með sér inngangi.
Aðgangur er að fundarsal sem rúmar 80 manns í sæti ásamt
fullbúinni fundaraðstöðu.
Aðgangur að tækjarými og símsvörun. Sameiginleg snyrting
og matar- og kaffiaðstaða eru á hæðinni. Húsnæðið tilvalið fyrir
félagasamtök og er laust til afhentingar strax.

Upplýsingar í síma 8611449.
TIL LEIGU