Fréttablaðið - 30.05.2014, Side 12

30. maí 2014 FÖSTUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Friðrika
Benónýsdóttir
fridrikab@frettabladid.is
Á morgun veljum við Reykvíkingar
um hvernig samfélagi við viljum búa í.
Stefna Vinstri grænna er að gera gott
samfélag enn betra, með réttlæti, jöfnuð
og sjálfbærni að leiðarljósi.
Það þarf að útrýma fátækt og tryggja
börnum jöfn tækifæri til menntunar
óháð efnahag foreldra þeirra. Það vilj-
um við gera með því að afnema gjald-
heimtu fyrir leikskóla, skólamáltíða og
frístundaheimila og tryggja barnafjöl-
skyldum með því auknar ráðstöfunar-
tekjur.
Við verðum að standa vörð um
almannaþjónustuna og eigur almenn-
ings. Þannig er hægt að tryggja að
borgin bjóði upp á fjölbreytta og góða
þjónustu í samræmi við þarfir og vilja
borgarbúa en ekki einkaaðila og gróða-
sjónarmiða. Það er mikilvægt að standa
með starfsfólki í almannaþjónustu, bæta
kjör þess og aðstæður til starfsþróunar.
Margir borgarbúar eiga í vandræðum
með að finna sér öruggt og varanlegt
húsnæði á viðráðanlegu verði og það
er langt síðan húsnæðismál hafa verið
jafn mikilvægt viðfangsefni í stjórn-
málum. Borgarstjórn verður að leggja
sitt af mörkum til að jafna aðstöðumun
leigjenda og eigenda húsnæðis. Það vilj-
um við gera með því að stuðla að upp-
byggingu leigu- og búseturéttaríbúða á
félagslegum grunni með aðkomu borg-
arinnar. Auk þess þarf að mæta biðlist-
um eftir félagslegu húsnæði og hækka
húsaleigubætur.
Loftslagsbreytingar af mannavöldum
eru ein helsta ógnin við það samfélag
manna sem við þekkjum og við lítum á
það sem skyldu borgarinnar að bregðast
við. Í allri stefnumótun okkar og ákvarð-
anatöku á vettvangi borgarstjórnar
munum við hafa ábyrgari lifnaðarhætti,
minni neyslu og sóun, breytta sam-
gönguhætti og ábyrgari auðlindanýtingu
að leiðarljósi.
Það verður að virða mannréttindi og
frelsi allra borgarbúa. Það er óásætt-
anlegt að hugmyndafræði sem gengur
gegn mannréttindum og elur á fordóm-
um fái að hreiðra um sig í borgarstjórn.
Allir borgarbúar eiga að njóta sömu
réttinda, frelsis og tækifæra án undan-
tekninga.
Atkvæði greitt Vinstri grænum er í
þágu réttlætis í Reykjavík. Vinstri græn
eru reiðubúin til að stíga róttæk og
nauðsynleg skref til til að gera gott sam-
félag enn betra. Ef viljinn er fyrir hendi
er betra samfélag raunhæft markmið.
Réttlátari Reykjavík
STJÓRNMÁL
Sóley
Tómasdóttir
í 1. sæti Vinstri
grænna í Reykjavík
Hugsað á fjöllum
Það tók Sigmund Davíð Gunnlaugsson,
forsætisráðherra og formann Fram-
sóknarflokksins, rúmlega fimm daga
að bregðast við ummælum oddvita
Framsóknar og flugvallarvina um lóðir
undir mosku og byggingar annarra
trúfélaga. Sigmundur rauf loks þögnina
í gær, eftir að þrjár skoðanakannanir
höfðu mælt ótvíræða fylgisaukningu
framboðsins í borginni í kjölfar
ummælanna umdeildu. Ef einhver
reiknaði með kjarnyrtri yfirlýsingu eftir
allan þennan umþóttunartíma varð sá
hinn sami líklega fyrir vonbrigðum, því
yfirlýsingin var hvorki fugl né fiskur.
Kjarninn var sá að vont fólk væri
að gera framsóknarmönnum upp
skoðanir og tókst Sigmundi
Davíð með frumlegum hætti
að tengja málið Icesave.
Krúttlegt pönk
Ungliðahreyfingar flokkanna eru oft
óhræddar við að pönkast á forystunni
fyrir að ganga gegn stefnu flokkanna.
Það var því hressandi að sjá yfirlýsingu
frá stjórn Ungra framsóknarmanna
þar sem lýst var fullkomnu vantrausti
á Sveinbjörgu B. Sveinbjarnardóttur,
oddvita flokksins í Reykjavík. Þar sagði
að framganga hennar í moskumálinu
gengi í berhögg við grunnstefnu Fram-
sóknarflokksins um að fólki skuli ekki
mismunað eftir kynþætti, kynferði,
tungu, trú, þjóðerni, kynhneigð,
búsetu og stjórnmálaskoðunum. Yfir-
lýsingin var birt á Facebook. Fyrir
neðan skrifaði Guðfinna J. Guð-
mundsdóttir, sem skipar annað
sæti á lista Framsóknar í
borginni, aðeins eitt
orð: „Krúttlegt“.
Pönkið andvana fætt
Það reyndist hins vegar lítið pönk í
ungliðunum þrátt fyrir þessa yfirlýs-
ingu, því hún var fjarlægð stuttu eftir
að hún birtist. Internetið gleymir hins
vegar engu, og skjáskot af yfirlýsing-
unni gengu því á netinu. Ungliðarnir
voru í felum í gær og gekk netmiðlum
ekkert að ná í þá til að fá skýringar
á þessum viðsnúningi. Landsmenn
verða því að giska á hvers vegna
ungliðunum snerist hugur. Össur
Skarphéðinsson, fyrrverandi ráðherra,
var stundum sagður orðhvass í
bloggpistlum sem hann skrifaði
seint að nóttu. Má velta fyrir
sér hvort framsóknarmennirnir
ungu, sem birtu yfirlýsinguna
seint á miðvikudagskvöld,
hafi fallið í sömu gildru.
brjann@frettabladid.is
S
koðun oddvita Framsóknarflokksins í borgar-
stjórnarkosningunum á morgun á lóðaúthlutunum
til trúarsafnaða er umtalaðasta mál kosningabarátt-
unnar. Á því leikur ekki vafi. Umfjallanir um það
nánast einoka allan fréttaflutning af baráttumálum
flokkanna og hvort sem fólk er hneykslað, reitt, hrætt eða
ánægt vegna þessara ummæla er ljóst að með þeim hefur
Framsókn tekist það sem flestir töldu ómögulegt fyrir
mánuði; að vera nærri því að koma fulltrúa í borgarstjórn á
næsta kjörtímabili.
Flesta rak í rogastans þegar
Sveinbjörg Birna Sveinbjörns-
dóttir, Kópavogsbúinn sem
skipar efsta sæti lista Fram-
sóknarflokksins í Reykjavík,
sagði í viðtali við Vísi að hún
vildi afturkalla úthlutun lóðar
undir mosku í Reykjavík.
Íslenskir pólitíkusar hafa ekki
hingað til haft sig í frammi þegar rætt er um rétt fólks til að
stunda sína trú, enda trúfrelsi á Íslandi. Í fyrstu var almenn
skoðun að þetta væri einkaskoðun Sveinbjargar sem hún hefði
gloprað út úr sér án þess að einhver hugmyndavinna lægi þar
að baki. En smátt og smátt hefur komið í ljós að þessi afstaða er
síðasta hálmstrá flokks með örfylgi til að koma sér í sviðsljósið
og höfða til þeirra sem aðhyllast aðskilnaðarstefnu og mis-
munun fólks eftir trúarskoðunum og litarhætti.
Þótt ýmsir framsóknarmenn hafi lýst því yfir að þessi skoð-
un samræmist engan veginn stefnu flokksins hefur formaður
hans, sjálfur forsætisráðherrann, þagað þunnu hljóði þangað til
í gær þegar hann sendi frá sér pistil á Facebook þar sem hann
ásakar andstæðinga flokksins um að gera framsóknarmönnum
rangt til með ásökunum um rasisma og fer mikinn í hneykslan
sinni á þeim öflum sem geri flokknum upp skoðanir að ósekju.
Spurningunni um það hvort hann sé sammála þeirri skoðun
oddvitans í Reykjavík að afturkalla eigi lóð undir mosku svarar
hann ekki einu orði, þannig að hinn almenni kjósandi er engu
nær um það hvort þetta hitamál sé í samræmi við skoðanir
þeirra sem Framsóknarflokknum stjórna eða ekki. Pistillinn er
því ekki á nokkurn hátt innlegg í þá umræðu og vandséð hvaða
tilgangi hann þjónar.
Guðrún Bryndís Karlsdóttir, sem skipaði annað sætið á
upphaflegum lista Framsóknarflokksins, fullyrðir í grein í
Kvennablaðinu að það hafi alltaf verið stefnan að berjast gegn
byggingu mosku í borginni. Þeirri fullyrðingu hefur auðvitað
verið svarað neitandi úr herbúðum flokksins, en það er erfitt
að leggja trúnað á þá neitun í ljósi þess sem fram hefur komið
undanfarnar vikur.
Og hverju hefur svo þetta upphlaup og einokun Framsóknar
á umræðunni á síðustu vikum kosningabaráttunnar skilað?
Samkvæmt nýjustu könnunum er einn maður inni í borgar-
stjórn og flokkurinn hefur aukið fylgi sitt úr fimm prósentum
upp í rúm níu. Ágætis árangur, myndi einhver segja, en níu
prósenta fylgi flokks forsætisráðherra getur ómögulega kallast
góður árangur ári eftir stórsigur í alþingiskosningum. Og
engan veginn árangur sem réttlætir það að gera þennan gamla
miðjuflokk að vígi þeirra fordómafyllstu í landinu.
Mikið lagt á sig fyrir athyglina:
Að stela sviðsljósinu