Fréttablaðið - 30.05.2014, Blaðsíða 36

KYNNING − AUGLÝSINGGolf FÖSTUDAGUR 30. MAÍ 20148
Rafmagnsgolf kerrurnar eru orðn-ar nokkuð vinsælar,“ segir Magnús Ólafsson annar eigandi netverslun-
arinnar Icegolf.is. Verslunin býður meðal
annars upp á rafknúnar golfkerrur sem
hægt er að fá með eða án fjarstýringar.
Léttir fólki sporin
„Hægt er að ganga með fjarstýringu í hend-
inni og stjórna kerrunni þannig. Þó er al-
gengara að fólki haldi í kerruna en þar sem
hún er rafknúin tekur hún ekkert í,“ segir
Magnús og bendir á að kerran létti fólki
sporin og spari kraftana. „Með þessu móti
fær fólk að njóta golfsins betur og nýtir
orkuna í golfið en ekki að ýta kerrunni á
undan sér.“
Kerrurnar eru búnar lithium-batteríi sem
er minna, léttara og meðfærilegra en aðrir
rafgeymar auk þess sem það er ekki eins við-
kvæmt fyrir hleðslu. Þá dugar hleðslan í þrjá
golfhringi.
Magnús segir kerruna auðvelda í notk-
un. „Hún er brotin saman svipað og venjuleg
kerra. Þá er hraðastillir á kerrunum svo
hægt sé að stilla á þann gönguhraða
sem hverjum og einum hentar. Síðan
fylgir með mælir sem sýnir hversu
mikið er eftir á batteríinu,“ segir
Magnús og bætir við að kerruna
megi fá með aukahlutum á borð
við glasa- og regnhlífahaldara.
„Við höfum verið með
kerrurnar í nokkuð mörg
ár og hafa þær reynst
mjög vel. Þá sakar ekki
að þær eru á afar góðu
verði, aðeins 95 þús-
und krónur.“
Golfbílar á góðu
verði
Excar-golfbílarnir
sem Icegolf hefur til
sölu hafa verið í notk-
un á Íslandi í fjögur
ár og hafa reynst afar
vel. „Svona bílar hafa
til dæmis verið notað-
ir hjá GKG, á Hellishól-
um og í Vestmannaeyj-
um. Þar hafa þeir verið
notaðir samhliða golf-
bí lu m f rá öðr u m
merkjum. Bílarnir
frá okkur hafa verið
algjörlega gallalausir
og ekki hefur komið
upp eitt einasta við-
gerðartilfelli. Þá eru
þeir yfirleitt teknir
fram yfir aðra bíla,“
lýsir Magnús.
Bílarnir eru raf-
knúnir og búnir am-
erískum Trojan-raf-
geymum sem þykja
þeir bestu á markaðn-
um að sögn Magnús-
ar. „Þeir halda mjög vel
hleðslu og fara auðveld-
lega tvo golfhringi á einni
hleðslu.“
Verð bílanna segir Magn-
ús áður óþekkt fyrir nýja golf-
bíla. „Við erum að selja þá á 899
þúsund krónur.“
Vinsælir við sumarbústaði
Excar-golfbílarnir hafa bæði
verið keyptir af golfklúbbum
og einstaklingum. „Það hefur
færst mjög í vöxt að einstak-
lingar eigi slíka bíla, bæði
hér í bænum en ekki síst þar
sem golfvellir eru við sum-
arhús, til dæmis við Kiðja-
berg, Öndverðarnes og víða
í Biskupstungum. Þar ekur
fólk bara á golfbílunum frá
sumarbústöðunum niður á
völl og til baka,“ segir Magnús.
Geta stundað golfið lengur
Ástæður fyrir því að ein-
staklingar fjárfesta í golf-
bíl eru nokkrar. „Þetta eru
eins og ég sagði áður sum-
arbústaðaeigendur en einn-
ig eldra fólk, með skerta
hreyfigetu,“ segir Magn-
ús og bendir á að golfbíll-
inn opni golfíþróttina
fyrir stærri hópi. „Hann
gerir til dæmis eldra fólki
kleyft að stunda golfið
mikið lengur en það gat
áður gert.“
Lítill munur á brennslu
Magnús segir útbreiddan mis-
skilning að golfarar vilji heldur
ganga brautirnar til að fá hreyf-
ingu út úr golfinu. „Búið að kanna
hversu miklu menn brenna við að
ýta kerrunni á undan sér. Þann-
ig fara um 1500 kaloríur á einum
golfhring. En, að fara svipaða leið
á golfbíl útheimtir 1200 kaloríur.
Munurinn er því lítill,“ upplýsir
Magnús. Ástæðuna fyrir þessum
litla mun segir hann vera að þrátt
fyrir bílinn þurfi að ganga heilmikið,
í leit að kúlum eða til að komast á teig.
Tískulegur golffatnaður
Dýrleif Arna Guðmundsdóttir, eigin-
kona Magnúsar, er hinn eigandi Ice-
golf og á veg og vanda af því að velja
þau glæsilegu föt sem fá má í netversl-
uninni.
„Við flytjum inn fatnað frá Nivo Kanada,
Poodle Hollandi og G-Mac í Bretlandi. Þetta
er allt hágæðafatnaður en á mjög góðu verði,“
segir Dýrleif.
Fötin eru ekki hin hefðbundnu golfföt.
„Þetta eru ekki þessar týpískar pólóskyrtur
og peysur heldur minna meira á tískufatnað.
Til dæmis erum við með mjög vinsæla golf-
kjóla , pils, peysur og leggings sem hægt er að
nota bæði í golfið og utan vallar,“ segir Dýr-
leif og bendir á að fötin séu ekki aðeins vin-
sæl meðal golfara enda þyki þau bæði smart
og mjög þægileg. Allir ættu að finna eitthvað
fyrir sig enda er hægt að fá föti í stærðum frá
0 og upp í 16.
Tískustraumar eru áberandi í golffatnaðin-
um frá Nivo og Poodle. „Bestu meðmælin eru
kannski þau að margar atvinnukonur klæð-
ast fatnaði frá þessum merkjum svo og að við-
skiptavinir okkar koma aftur og aftur,“ segir
Dýrleif.
Icegolf býður einnig upp á golfhanska
frá Kakadu í Ástralíu. „Þeir eru
úr ekta kengúruleðri og
endast mun betur en
aðrir hanskar auk þess
sem þeir virka bæði í
rigningu og sól.“
Dýrleif heldur reglulega opið hús í heildsöl-
unni til að fólk geti komið að skoða og máta.
Nánari upplýsingar má
finna á Facebook undir
Icegolf Netverslun og á
www.icegolf.is.
Rafknúnar kerrur, gæðalegir
bílar og tískufatnaður hjá Icegolf
Icegolf netverslun býður upp á rafmagnsgolfkerrur með eða án fjarstýringar, Excar-golfbíla sem reynst hafa mjög vel á íslenskum
golfvöllum og tískufatnað í golfið á góðu verði. Hjónin Magnús Ólafsson og Dýrleif Arna Guðmundsdóttir eru eigendur Icegolf.
Icegolf er með fatnað frá Nico, Poodle og G-Mac.
Rafknúnar golfkerrur
auðvelda fólki göng-
una á golfvellinum.
„Bílarnir frá okkur hafa verið algjörlega gallalausir og ekki hefur komið upp eitt einasta viðgerðartilfelli,” segir Magnús Ólafsson sem stendur hér við einn af
bílunum sem hægt er að kaupa í gegnum Icegolf. MYND/ VILHELM