Fréttablaðið - 14.08.2014, Side 2

14. ágúst 2014 FIMMTUDAGUR| FRÉTTIR | 2
Smiðjuvegi 2, Kóp - S. 554 0400
3 brennarar úr ryðfríu stáli
Opið laugardaga til kl. 16
FJÖLMIÐLAR Ríkisútvarpið hefur
ákveðið að hætta að útvarpa morg-
unbæn, morgunandakt og Orði
kvöldsins á Rás 1 frá og með 28.
ágúst næstkomandi.
„Mér líst afar illa á þetta. Ég
efast ekki um að fólk á eftir að
sakna þessara dagkrárliða,“ segir
Hjálmar Jónsson dómkirkjuprest-
ur. Hann segir ekkert koma í stað-
inn fyrir bænahald. Fólki á öllum
aldri hafi þótt gott að byrja daginn
á að hlusta á morgunbæn og sömu-
leiðis að ljúka deginum með því að
hlusta á Orð kvöldsins. Hjálmar
segist líta svo á að bænirnar séu
ákveðin þjónusta við fólkið í land-
inu.
Jóna Valgerður Kristjánsdóttir,
formaður Landssambands eldri
borgara, segir að eldra fólk sé
dyggustu hlustendur Rásar eitt.
„Það er ósvinna að taka bænirnar
af dagskránni. Fólk hlustar á Rás
eitt, þar á meðal bænirnar,“ segir
Jóna Valgerður.
„Ég vona að biskupinn og prest-
ar landsins mótmæli þessari
ákvörðun og það verði hætt við
hana,“ segir Jóna Valgerður.
Þröstur Helgason, dagskrár-
stjóri Rásar eitt, segir að um
næstu mánaðamót fari vetrar-
dagskrá RÚV í loftið og þá verði
nokkrar breytingar.
„Hluti breytinganna snýr að því
að skerpa á dagskrárframsetn-
ingu og fækka stuttum uppbrot-
um á dagskránni,“ segir hann. Á
meðal dagskrárliða sem falli út
séu áðurnefndir bænaþættir en í
staðinn verði efnt til nýs þáttar á
besta útsendingartíma eftir kvöld-
fréttir á sunnudögum þar sem
fjallað verður um trú, menningu
og samfélag.
„Um er að ræða pistlaröð þar
sem prestar, guðfræðingar og
annað fólk innan þjóðkirkjunnar
hafa orðið ásamt fleirum sem hug-
leitt hafa samspil trúar, menning-
ar og samfélags fyrr og nú,“ segir
Þröstur.
Hann segir að með þessu sé
stefnt að því að umrætt efni nái
eyrum fleiri landsmanna en þeir
dagskrárliðir sem falla burt.
Hlustun á þá hafi verið afar lítil.
Þröstur segir að samhliða breyt-
ingunum verði bænaefni gert
aðgengilegt á nýjum vef sem fari í
loftið í haust og þannig verði fjöldi
bæna gerður aðgengilegur fyrir
almenning. johanna@frettabladid.is
Lestri bæna hætt
í Ríkisútvarpinu
Dagskrárstjóri Rásar eitt segir litla hlustun á bænir, nýr þáttur muni leysa þær af
hólmi. Dómkirkjuprestur segir bænalesturinn þjónustu við fólkið í landinu. For-
maður Landssambands eldri borgara vill að biskup og prestar landsins mótmæli.
BÆNALESTUR Um næstu mánaðamót fer vetrardagskrá Ríkisútvarpsins í loftið.
Bænastundir kvölds og morgna falla þá niður en þeirra í stað kemur nýr þáttur á
sunnudagskvöldum. FRÉTTABLAÐIÐ/GVA
Ríkisútvarpið hefur áður tekið dagskrárliðinn Orð kvöldsins af dagskrá,
það var árið 2007. Orð kvöldsins er kvöldbæn Rásar eitt. Margir mótmæltu
hástöfum þegar bænin var tekin af dagskrá. Þremur mánuðum síðar til-
kynnti Páll Magnússon útvarpsstjóri að Orð kvöldsins yrði sett aftur á dag-
skrá og fór það aftur í loftið 7. janúar 2008. Í frétt sem birtist af því tilefni
í Fréttablaðinu segir að eldri borgarar hafi átt fund með útvarpsstjóra og í
kjölfarið hafi verið ákveðið að setja bænina aftur á dagskrá.
Bænahlé í þrjá mánuði
Andrés, eru lög um verndar-
tolla á kjöti kýrskýr?
Nei, þau eru nautheimsk.
Andrés Magnússon, framkvæmdastjóri Sam-
taka verslunar og þjónustu, er gagnrýninn
á lög um verndartolla á innflutt kjöt. Hann
segir tollana bitna á neytendum því innlend
framleiðsla annar ekki eftirspurn.
VIÐSKIPTI Lífræni heildsalinn Kaja
organic ehf. hefur kært fyrrver-
andi stjórnendur Lifandi mark-
aðar fyrir fjársvik og blekkingar.
Þar með fylgir fyrirtækið í fótspor
heildsölunnar Innness ehf. sem
kærði stjórnina í síðasta mánuði
fyrir sömu sakir.
Eins og Fréttablaðið greindi
frá þann 28. júlí síðastliðinn snúa
ásakanir heildsalanna að viðskipt-
um Lifandi markaðar eftir að fyr-
irtækið óskaði eftir því að vera
tekið til gjaldþrotaskipta. Gerðar
voru pantanir
hjá báðum heild-
sölunum þrátt
fyrir að Lifandi
markaði mætti
vera ljóst að
ekkert yrði af
greiðslu þeirra
skulda sem fyr-
irtækið stofnaði
til. Jafnframt
gerir Kaja org-
anic ehf. kröfu um endurgreiðslu
á eldri skuld fyrir tækisins. Krafa
Kaja organic í þrotabú Lifandi
markaðar hljóðar upp á rúmar 900
þúsund krónur.
„Ástæða þess að ég kæri er að
vinnubrögð varðandi þetta gjald-
þrot eru óskaplega skrítin. Maður
er svo ósáttur við að það skuli líð-
ast að stjórnendur geti lokað virð-
isaukaskattsnúmerinu en haldið
viðskiptum áfram,“ segir Karen
Emilía Jónsdóttir, eigandi Kaja
organic ehf.
Eigandi Lifandi markaðar var
verðbréfafyrirtækið Virðing.
„Þegar ég frétti þetta þá sendi ég
bréf á forstjóra Virðingar, stjórn-
arformann Lifandi markaðar og
framkvæmdastjóra eignastýring-
ar og spurði hvernig stæði á því
að fyrirtæki sem gefur sig út fyrir
að vera betra en önnur fyrirtæki
hvað varðar viðskiptasiðferði skuli
haga sér svona. Ég fékk svar þess
efnis frá stjórnarformanninum
að þetta væri ekki lengur í þeirra
höndum því þetta væri komið til
gjaldþrotaskipta,“ segir Karen.
- ssb
Heildsali telur Lifandi markað hafa beitt blekkingum og svikum í aðdraganda gjaldþrots fyrirtækisins:
Fleiri kæra fyrrverandi stjórn Lifandi markaðar
SAMGÖNGUR „Við einfaldlega neitum að trúa því að
íslenskir þingmenn séu afskiptalausir um velferð
íbúa Vestfjarða,“ segja þeir Ólafur Sæmundsson,
formaður Patreksfirðingafélagsins, og Guðmundur
Bjarnason, formaður Arnfirðingafélagsins. Í bréfi
sem þeir rituðu öllum þingmönnum krefjast þeir
þess að Vestfjarðavegur verði boðinn út ekki seinna
en 1. febrúar 2015.
„Lífsnauðsynlegar samgöngubætur sitja á hak-
anum og eru á byrjunarreit, rétt eins og fyrir mörg-
um árum. Ekkert þokast áfram og stjórnvöld taka
ekki af skarið eins og nauðsynlegt er og höggva á
hnútinn. Hér er horft til vegabóta í Gufudalssveit en
þar kasta stofnanir ríkisins hugmyndum á milli sín
sem allir, utan örfárra svo kallaðra umhverfissinna,
eru sammála um að séu ekki aðeins skynsamleg-
ar heldur og bráðnauðsynlegar. Þessar vegabætur
eru kjarninn í því að viðhalda og efla samfélagið en
örfáir og háværir einstaklingar halda þeim í herkví
og ekkert gerist,“ segir í bréfinu.
Þá segir að fjallvegir séu stórhættulegir á vetrum
og margir hreinlega treysti sér ekki til að aka um
þá í snjó og hálku. „Þetta á ekki síður við um ferða-
menn sem sleppa svæðinu og fara þess í stað eitt-
hvert annað,“ segir í bréfinu. Ekki þurfi að liggja
sérlega lengi yfir kortum til að sjá að núverandi fyr-
irkomulag gangi ekki upp, kyrrstaðan sé óviðunandi
og framtíðin liggi í nýjum vegi. - jhh
Formenn Patreksfirðingafélagsins og Arnfirðingafélagsins krefjast úrbóta:
Segja fjallvegina stórhættulega
ÞINGFUNDUR Skorað er á þingmenn að beita sér fyrir því að
Vestfjarðavegur verði lagður. FRÉTTABLAÐIÐ//DANÍEL.
ÍRAK, AP Núrí al Malíki, forsætisráðherra Íraks, hyggst bíða úrskurðar
stjórnlagadómstóls Íraks áður en hann tekur ákvörðun um það hvort
hann gefi embættið eftir.
Í sjónvarpsávarpi í gær ítrekaði hann ásakanir sínar um að forseti
landsins hefði brotið stjórnarskrá landsins með því að fela Haider al
Abadi, varaforseta þingsins, að mynda nýja ríkisstjórn.
„Það er bæði siðferðileg skylda og skylda við föðurlandið að halda í
embættið til að verja réttindi kjósenda,“ sagði hann, og bætti því við að
með þessu væri hann að verja íraska ríkið.
Hann hefur misst nánast allan stuðning bæði á þingi og meðal leiðtoga
annarra landa eftir að vígamenn náðu undir sig stórum hluta landsins.
Sameinuðu þjóðirnar hafa varað við því að neyðarástand vofi yfir
flóttafólki, sem hrakist hefur undan sókn vígamannanna í norðanverðu
Írak. - gb
Forsætisráðherra Íraks segist þurfa að verja ríkið:
Malíki bíður dómsúrskurðar
HJÁLPINNI FEGIÐ Flóttafólk flykkist til að ná sér í vatnsflöskur í Bajid Kandala-
flóttamannabúðunum, þar sem þúsundir Jasída eru niður komnar. FRÉTTABLAÐIÐ/AP
EFNAHAGSMÁL Hagfræðideild
Landsbankans spáir því að pen-
ingastefnunefnd Seðlabankans
haldi stýrivöxtum óbreyttum á
næsta vaxtaákvörðunardegi þann
20. ágúst næstkomandi.
Í spá bankans er bent á að litlar
breytingar hafa orðið frá síðustu
vaxtaákvörðunum á þeim megin-
hagstærðum sem kallað gætu á
vaxtabreytingu. Þar er einnig
rifjað upp að stýrivextirnir hafa
staðið óbreyttir frá nóvember-
mánuði 2012. - hg
Ekki verið breytt í nær tvö ár:
Spáir óbreytt-
um stýrivöxtum
LÖGREGLUMÁL Ákæra hefur verið
birt lögreglumanni sem grunaður
er um að hafa flett upp í upplýs-
ingakerfi lögreglunnar, svoköll-
uðu Löke-kerfi. Hann er ákærður
fyrir að hafa haustið 2013 flett
upp nöfnum 45 kvenna í mála-
skrárkerfi lögreglu og skoðað þar
upplýsingar um konurnar. Einnig
að hafa í ágúst 2012 sent tölvu-
skeyti á Facebook með upplýs-
ingum sem leynt áttu að fara, þ.e.
nafn og lýsingu á aðila sem lög-
regla hafði afskipti af. - jhh
Grunaður um ítrekuð brot:
Ákæra birt
lögreglumanni
KAREN EMILÍA
JÓNSDÓTTIR
SPURNING DAGSINS