Fréttablaðið - 14.08.2014, Side 36

KYNNING − AUGLÝSINGSkólablaðið FIMMTUDAGUR 14. ÁGÚST 20146
Þær eru efnilegt
og sívaxandi
hljóðfæri og munu
syngja í fimmta skipti
með Sinfóníuhljómsveit
Íslands á árlegum
jólatónleikum þeirra í
desember næstkomandi.
130 stúlkur hefja æfingar með
Stúlknakór Reykjavíkur nú í sept-
ember. Kórinn var stofnaður af
Margréti J . Pálmadóttur haust-
ið 1994 og þá sem syngjandi for-
skóli fyrir fimm til átta ára stúlk-
ur. Ári síðar festi Margrét nafnið
með kennitölu og gerði formlegan
kór. Þetta er því tuttugasta starfs-
ár kórsins og nokkrar stúlkur hafa
fylgt honum frá upphafi.
Fyrstu árin æfði kórinn í leigu-
húsnæði en er nú orðinn einn af
eigendum sönghússins DOMUS
VOX við Laugaveg 116. „Stúlknakór
Reykjavíkur er ómissandi í litrófi
borgarinnar og jafn mikilvægur
og tíu fótboltalið,“ segir stjórnand-
inn stoltur. „Þær eru efnilegt og sí-
vaxandi hljóðfæri og munu syngja
í fimmta skipti með Sinfóníuhljóm-
sveit Íslands á árlegum jólatón-
leikum þeirra í desember næst-
komandi. Þriðja Sinfónía Mahlers,
Pláneturnar, Carítas-tónleikarnir
í Kristskirkju, Frostrósir og Max-
ímús Músíkús eru einnig ógleym-
anleg verkefni undanfarinna ára
og unun að fá að syngja í Eldborg-
arsal Hörpu,“ segir Margrét.
Stúlknakórinn starfar einnig
í Grafarvogskirkju þar sem mjög
efnilegar söngkonur á aldrin-
um 9–13 ára er að finna. Stúlkna-
kórnum er skipt í nokkra aldurs-
hópa, frá fjögurra ára til 24 ára, og
nýtur leiðsagnar frábærra tónlist-
armanna. Þær Guðrún Árný Guð-
mundsdóttir, Hildigunnur Ein-
arsdóttir, Matthildur Hafliðadótt-
ir, Halldór Smárason og Antonía
Hev esi munu vinna með kórnum
og Margréti í vetur.
Kórinn hefur fengið fjölda er-
lendra kóra í heimsókn og fer
reglulega í söngferðir innan-
lands og utan. „Stúlkurnar heim-
sækja þekktan stúlknakór í Berlín
á næstunni sem síðan endurgeld-
ur heimsóknina og stefnir að tón-
leikaferð til Íslands 2016. Stúlkna-
kór Reykjavíkur á boð til Hong
Kong en þær eiga frábæran vina-
kór þar sem hefur heimsótt Ísland
tvisvar sinnum,“ segir Margrét.
Hún segir allar stúlkur í Reykja-
vík og nágrenni velkomnar í kór-
inn. „Þetta er svo fjölbreytt og
skemmtilegt nám, enda hef ég
verið í kór frá átta ára aldri og get
ekki hætt, andleg vellíðan og sterk
vináttubönd skapast og endast
sum hver ævina út.“
Ómissandi hljóðfæri
í Reykjavík
Stúlknakór Reykjavíkur hefur tuttugasta starfsár sitt í haust.
„Stúlknakór Reykjavíkur er ómissandi í litrófi borgarinnar og jafn mikilvægur og tíu
fótboltalið,” segir stjórnandinn Margrét J. Pálmadóttir.
Yngsta deild Stúlknakórs Reykjavíkur á
jólatónleikum í Hallgrímskirkju.
Þegar setið er lengi við tölvuskjáinn er mikilvægt að taka sér hlé, standa
á fætur og hreyfa sig. Rannsóknir hafa sýnt að langar, stöðugar setur eru
ekki góðar fyrir heilsuna.
■ Nauðsynlegt er að ganga um í örfáar mínútur á hálftíma fresti, gera
teygjuæfingar eða eitthvað annað til að brjóta upp heilan dag af setum á
óæðri endanum fyrir framan skjáinn.
■ Eftir heilan klukkutíma af vinnu er gott að taka sér hlé eða snúa sér að
nýju verkefni í að minnsta kosti fimm til tíu mínútur.
■ Mikilvægt er að fara frá skjánum þegar borðað er og gera eitthvað
annað en að læra á meðan.
■ Til að koma í veg fyrir þreytu í augum er gott að hvíla þau reglulega.
Lítið af tölvuskjánum og fókuserið á eitthvað sem er í nokkurri fjarlægð.
Einnig er gott að hvíla augun með því að halda fyrir þau í tíu til fimmtán
sekúndur.
■ Gott er að gera handaæfingar til að minnka líkur á doða í fingrum. Til
dæmis má þrýsta ofan á fingur annarrar handar á meðan þeim er ýtt upp á
móti hendinni. Gerið æfinguna nokkrum sinnum í einu, sex sinnum á dag.
■ Mjög mikilvægt er að líkamsstaðan sé rétt meðan setið er við tölvu-
skjáinn. Bakið á að vera upprétt, tölvuskjárinn í réttri hæð og lyklaborðið
nálægt líkamanum og beint fyrir framan hann.
Ekki gott að sitja of
lengi við tölvuskjáinn
Mikilvægt er að taka hlé frá
vinnu við tölvuskjá og teygja
á vöðvum og liðka sig.
MYND/GETTY
Samkvæmt fjöldatölum Há-skóla Íslands frá síðasta vormisseri voru langflest-
ir skráðir í viðskiptafræði eða
897, þar af 284 nýnemar. 776 voru
skráðir í verkfræðigreinar, þar af
245 nýnemar, en undir þær heyra
iðnaðar- og vélaverkfræði, hug-
búnaðarverkfræði, rafmagns- og
tölvuverkfræði og umhverfis- og
byggingarverkfræði. Þá voru 740
skráðir í lögfræði, þar af 194 ný-
nemar. 585 voru skráðir í sál-
fræði, þar af 216 nýnemar. Aðrar
vinsælar greinar voru hjúkrunar-
fræði, félagsráðgjöf, læknisfræði
og enska. Sömuleiðis grunnskóla-
kennarafræði og tölvunarfræði.
Metfjöldi umsókna barst Há-
skólanum í Reykjavík í ár. Mest
jókst aðsókn í tölvunarfræði og
viðskiptafræðideild. Þá jókst fjöldi
umsókna í tæknifræði umtals-
vert og fjöldi umsókna í Íslenska
orkuháskólann í HR margfald-
aðist á milli ára. Mikill fjöldi um-
sókna barst einnig um nám á þeim
fjórum nýju þverfaglegu náms-
brautum sem skólinn býður upp á
í fyrsta sinn í haust, en þar gegn-
ir viðskiptafræðin í öllum tilfell-
um veigamiklu hlutverki. Þetta
eru viðskiptafræði með lögfræði
sem aukagrein, lögfræði með við-
skiptafræði sem aukagrein, við-
skiptafræði með tölvunarfræði
sem aukagrein og tölvunarfræði
með viðskiptafræði sem aukagrein.
Í Háskólanum á Bifröst var mest
aðsókn í BS-nám í viðskiptafræði,
ef frá er talin Háskólagátt sem er
aðfaranám að háskólanámi á Bif-
röst. Umsækjendur voru 150. Flest-
ir sóttu um almenna línu eða um
sextíu, næst kom viðskiptafræði
með áherslu á markaðssamskipti
með um fjörutíu umsækjendur.
Af öðrum línum í grunnnámi var
BS í viðskiptalögfræði með þrjátíu
umsækjendur og BA í HHS (heim-
speki, hagfræði og stjórnmála-
fræði) með fjörutíu umsækjend-
ur. MS í forystu og stjórnun var svo
langvinsælasta meistaranámið,
með 95 umsækjendur. MA í menn-
ingarstjórnun kom þar á eftir með
45 umsækjendur.
Í Háskólanum á Akureyri var
mest aðsókn í hjúkrunarfræði,
sálfræði og viðskiptafræði en um-
sækjendur í þau fög voru vel á
annað hundrað, í hvert fyrir sig.
Mest aukning var þó í nám í fjöl-
miðlafræði eða um 82 prósent frá
árinu á undan. Eins var fjölgun í
sjávarútvegsfræði, líftækni, sál-
fræði, félagsvísindum, hjúkrun-
arfræði og í kennaradeild skólans.
Í Tækniskólanum er mest að-
sókn að tölvubraut og eru um-
sækjendur hátt í tvö hundruð
fyrir haustið. Þá eru greinar eins
og fataiðn og húsgagnasmíði allt-
af vinsælar. Í Tækniskólanum er
sömuleiðis alltaf fullt í gullsmíði
og yfirleitt 30 manns um hvert
sæti. Eins hefur aðsókn í skips-
stjórn og vélstjórn aukist mikið
eftir hrun.
Í Listaháskóla Íslands er mest
aðsókn í leikaranámið þegar það
er í boði, en þriðja hvert ár er ekki
tekið inn. Að jafnaði eru umsækj-
endur 120 til 140 en aðeins tíu
komast inn. Þá er mikil aðsókn
í grafíska hönnun en hún heyr-
ir undir hönnunar- og arkitekta-
deild skólans. Í ár eru umsækj-
endur 110 en tuttugu komast inn.
Þá er aðsókn í vöruhönnun sífellt
að aukast. Umsækjendur eru 45 í
ár en tíu komast inn. Í myndlist
eru 70 umsækjendur en 25 tekn-
ir inn. Að jafnaði eru þrír til fjórir
um hvert sæti í skólanum.
Í Keili, miðstöð vísinda, fræða
og atvinnulífs, er mest aðsókn í
Háskólabrúna, sem er meðal ann-
ars undanfari að námi við Háskóla
Íslands, í leiðsögunám í ævintýra-
ferðamennsku á háskólastigi og í
flugnám sem er ört vaxandi.
Viðskiptafræðin lokkar flesta
Námsframboð í skólum landsins er ríkulegt en sem fyrr eru sum fög vinsælli en önnur. Aðsókn í viðskiptafræði hefur löngum verið
mikil og er lítil breyting þar á ef marka má eftirgrennslan hjá helstu bóknámsskólum landsins. Þegar kemur að verknámi er aðsókn
í tölvunám, fataiðn, húsgagnasmíði og gullsmíði mikil en auk þess hefur aðsókn í skipsstjórn og vélstjórn aukist eftir hrun.
Leikaranám er jafnframt sívinsælt. Sömuleiðis nám í grafískri hönnun, myndlist og flugi svo dæmi séu nefnd.
Sum fög eru óneitanlega vinsælli en önnur.