Fréttablaðið - 28.08.2014, Blaðsíða 50

28. ágúst 2014 FIMMTUDAGUR| MENNING | 34
„Sýningin Ég elska Reykjavík
fjallar um hvernig börn upplifa
borgina. Það er oft fjallað um
tengsl barna við náttúruna og
lögð áhersla á þau en sjaldnar
minnst á tengsl þeirra við borgina
og hvernig þau haga sér þar. Þó
búa flest börn í borg,“ segir Aude
Busson leikkona.
Listakonan segir könnun sem
hún gerði í Vesturbæjarskóla og
leiklistardeild Leikfélags Akur-
eyrar hafa orðið kveikjuna að verk-
inu. „Ég rannsakaði hvernig börn
búa til sögur. Svo spái ég í hvern-
ig þau haga sér. Þau eru ekki eins
og fullorðna fólkið sem gefur sér
ekki tíma til að fara út fyrir mark-
aða leið þegar það fer á milli staða.
Börnin búa til ævintýri kringum
sig, leika sér að því að labba ekki
á línum, príla upp á litla veggi og
hvað sem er og fara leynileiðir, til
að uppgötva eitthvað nýtt. Jafnvel
þó þau séu bara að fara í skólann.“
Aude viðurkennir að sýning-
in byggist líka á hennar eigin
reynslu. Hún flutti hingað fyrir
tíu árum frá Frakklandi og man
vel fyrstu kynni sín af Reykjavík.
Reyndar kveðst hún alltaf vera að
upplifa eitthvað nýtt í borginni.
„Það er dæmigert fyrir útlending
í borg að taka eftir nýjum hlutum.
Ég reyni líka að uppgötva stöðugt
eitthvað nýtt svo ég þurfi ekki allt-
af að flytja þegar ég er orðin leið
á einhverju!“ segir hún hlæjandi.
Ég elska Reykjavík er liður í
leiklistarhátíðinni Lókal. Frum-
sýning er í dag klukkan 16.30 og
mæting er við Hörpu. „Við förum
með börnin út og þá sem eru í fylgd
með þeim. Þess vegna verður fólk
að vera klætt eftir veðri en ekki í
leikhúsfötum,“ segir Aude og tekur
fram að Ég elska Reykjavík sé ein-
ungis sýnt í dag og á morgun klukk-
an 16.30 og á laugardag og sunnu-
dag klukkan 14. Miða þarf að panta
fyrirfram á www.lokal.is því tak-
markaður fjöldi kemst að hverju
sinni. gun@frettabladid.is
Börn kunna að búa til
ævintýri kringum sig
Í verkinu Ég elska Reykjavík sér Aude Busson leikkona borgina með augum barna.
Hún frumsýnir það í dag við Hörpu og fer leynileiðir með börn og fullorðna.
LEIKKONAN Krakkarnir fá að velta fyrir sér skipulagsspurningum eins og „hvers konar hús gera fólk hamingjusamt“, segir Aude
Busson. FRÉTTABLAÐIÐ/VALLI
„Hugmyndin að sýningunni
kviknaði út frá heimspekilegum
samræðum okkar á milli um hluti
og uppruna þeirra. Öll verkin á
sýningunni fjalla á einhvern hátt
um slíkar skilgreiningar en við
vinnum verkin hvert í sínu lagi,“
segir Hildigunnur Birgisdóttir.
Hún er ein þremenninganna sem
eiga verk á sýningunni Eins og
Eins í Hverfisgalleríi sem verður
opnuð í dag milli klukkan 17 og
19. Hinir eru Bjarki Bragason og
Claudia Hausfeld. Þegar forvitn-
ast er meira um hinar heimspeki-
legu vangaveltur listafólksins
sem leiddu til sýningarinnar segir
Hildigunnur. „Við fundumst í
fjöru, nánar tiltekið á Gullströnd-
inni sem er millistykkið milli Sel-
tjarnarness og Reykjavíkur. Þar
hófum við þessar umræður þegar
við rákumst á ryðhrúgur, plast og
glerdrasl sem hafði þó öll svip-
brigði náttúrunnar. Eftir þetta
fórum við nánast í pílagríms-
ferðir í fjöruna til áframhaldandi
pælinga og sá staður varð heim-
ili samræðna okkar. Þó er ekkert
okkar að fjalla um þennan stað
á sýningunni, heldur eiginleika
hans. Út frá honum spruttu fram
hugmyndir að verkum hjá hverju
og einu og samræðan varð að
framkvæmdum.“
Bjarki er með vídeóverk og
teikningar á sýningunni, Hildi-
gunnur með skúlptúra og Claudia
með ljósmynd og þrívíð verk.
Þau ætla að halda samræðu sinni
áfram og taka þátt í ráðstefn-
unni Art in Translation í Háskóla
Íslands 18. september.
- gun
Fundir í fj örunni urðu
að framkvæmdum
Hildigunnur Birgisdóttir, Bjarki Bragason og Claudia
Hausfeld opna samsýninguna Eins og Eins í dag í
Hverfi sgalleríi á Hverfi sgötu 4 í Reykjavík.
LISTAFÓLKIÐ Hildigunnur, Bjarki og Claudia fundust í fjöru og duttu í djúpar sam-
ræður. Afrakstur þeirra pælinga er á sýningunni Eins og Eins.
FRÉTTABLAÐIÐ/ANDRI MARINÓ KARLSSON
Í
Þjóðleikhúsinu: Brúðustjórnandi í Sindri Silfurfiskur 2009
Með Mind group: Lék í Map of the world 2012
Með Við og við: Assassinating the foreigner og leiklistarnámskeið fyrir
innflytjendur í Borgarholtsskóla 2012
➜ Meðal fyrri verkefna Aude Busson á Íslandi
Opið
hús
Laugardaginn
30. Ágúst
milli 13 og 16
Miðasala | 568 8000 | borgarleikhus.is
„Við ætlum að prófa í fyrsta skipti að bjóða
almenningi að syngja með sveitinni. Okkur
finnst það tengjast þema Akureyrarvök-
unnar svo vel, al-menning fyrir almenning,“
segir Brynja Harðardóttir, framkvæmda-
stjóri Sinfóníuhljómsveitar Norðurlands um
tónleika sveitarinnar í Hofi annað kvöld.
„Við vonumst til að fá fjölbreyttan hóp af
fólki til að vera með og upplifa stemninguna
í húsinu. Svo verða Óskar Pétursson sem
allir Norðlendingar þekkja og elska, og
Ragnheiður Gröndal sem kemur lengra að,
Hjalti og Lára, hjón sem hafa komið fram
víða og náð miklum vinsældum. Listamenn-
irnir troða upp einir líka. Óskar Péturs
syngur til dæmis Hamraborgina.
En hvernig lög verða í hópsöngnum?
„Klassísk íslensk lög eins og Í fjarlægð,
Vikivaki, Síldarvalsinn, Með þér og fleiri
slík. Við verðum með textana á tjaldi og
hlökkum hrikalega til að fylgjast með
hvernig gengur að fá fólk til að taka undir.“
- gun
Söngur og gleði í Hamraborg
Búast má við einstakri stemningu í Hamraborg í Hofi á Akureyri annað kvöld
þegar Sinfóníuhljómsveit Norðurlands efnir til tónleikanna Syngdu með.
FRAMKVÆMDASTJÓRINN Við hlökkum mikið til að fá fólk til að
syngja með okkur,“ segir Brynja. MYND/ÚR EINKASAFNI
MENNING