Fréttablaðið - 06.10.2014, Qupperneq 6

6. október 2014 MÁNUDAGUR| FRÉTTIR | 6
Verkir?
Verkjastillandi og
bólgueyðandi!
SKIPTING ATVINNUTEKNA ÍSLENDINGA
Hagstofan raðar skattgreiðendum niður í tíu jafnstóra hópa eft ir tekjum árið 2013. Hver litur táknar 10% skattgreiðenda og hlutfall hvers hóps af heildartekjum Íslendinga
20% skattgreiðenda afl a 56,3% teknanna, 479 ma. kr.
TEKJUHÆSTU
40% skattgreiðenda afl a 8,1% teknanna, 69,8 ma. kr.
TEKJULÆGSTU
35,5% af heildartekjum Íslendinga20,8%14,1%9,5%6,9%5,0%
0,5% 2,1% 2,6% 2,9%
4,4 ma.
17,9 ma.
25,1 ma.
22,4 ma
42,6 ma. 59,1 ma. 80,5 ma. 119,8 milljarðar króna 176,9 milljarðar króna 302,6 milljarðar króna
TEKJUHÆSTI HÓPURINN
330 ÞÚSUND
Meðalárstekjur
einstaklings í fyrsta
tekjuhópnum
1,26 milljónir
Meðalárstekjur
einstaklings í
öðrum tekjuhópnum
2,16 milljónir
Meðalárstekjur
einstaklings í
þriðja tekjuhópnum
2,87 milljónir
Meðalárstekjur
einstaklings í
fj órða tekjuhópnum
3,65 milljónir
Meðalárstekjur
einstaklings í
fi mmta tekjuhópnum
4,73 milljónir
Meðalárstekjur
einstaklings í
sjötta tekjuhópnum
6,06 milljónir
Meðalárstekjur
einstaklings í
sjöunda tekjuhópnum
8,05 milljónir
Meðalárstekjur
einstaklings í
áttunda tekjuhópnum
10,95 milljónir
Meðalárstekjur
einstaklings í
níunda tekjuhópnum
20,25 milljónir
Meðalárstekjur
einstaklings í
tíunda tekjuhópnum
HEILDARTEKJUR 2013 851 MILLJARÐUR HEILDARFJÖLDI 193.231 LAUNÞEGI
VINNUMARKAÐUR Heildartekjur
launahæstu tíu prósenta Íslend-
inga hafa hækkað um 80 milljarða
frá árinu 2010. Þessi hópur var
með yfir 20 milljónir að meðaltali
í árslaun í fyrra og laun þeirra
voru 35,6 prósent allra greiddra
launa á Íslandi það ár. Þetta kemur
fram í tölum Hagstofu Íslands
yfir heildar atvinnutekjur Íslend-
inga sem Fréttablaðið hefur tekið
saman. Vilhjálmur Birgisson, for-
maður Verkalýðsfélags Akraness,
telur þetta sláandi.
Hagstofan raðar einstak lingum
niður í tíu jafnstóra hópa eftir
tekjum. Þeir sem minnstar hafa
tekjurnar raðast í fyrsta hópinn
og svo koll af kolli. 19.324 einstak-
lingar eru í hverjum tekjuhópi.
Efstu tveir tekjuhóparnir eru
með samtals um 479 milljarða í
atvinnutekjur á síðasta ári borið
saman við 22,2 milljarða heildar-
tekjur neðstu tveggja hópanna.
Atvinnutekjur efsta hópsins, hæst
launuðu einstaklinganna, hafa
hækkað um 26 prósent frá árinu
2010 eða um 80 milljarða króna.
Efstu tveir tekjuhóparnir, aðeins
fimmtungur allra launþega lands-
ins, fengu greidd yfir helming
allra launa á landinu árið 2013.
Hafa ber í huga að fjölmargir í
lægstu hópunum eru námsmenn á
námslánum og nemar sem búa enn
hjá foreldrum, sem gæti skekkt
töluvert laun neðstu hópanna. Því
gefa tekjur þeirra ekki glögga
mynd af fjárhagsstöðu hópsins í
heild.
Þegar allar tekjur eru skoð-
aðar sést að meðalárstekjur ein-
staklinga í efsta tekjuhópnum eru
rúmar 20 milljónir, tvöfalt hærri
en í næsta hóp. Lægsti tekjuhópur-
inn er með um 330 þúsund krónur
í árslaun og næsti fyrir ofan með
um 1.26 milljónir í árslaun.
Meðalárslaun Íslendinga sam-
kvæmt þessu er því 6,03 milljónir.
Vilhjálmur Birgisson telur
þessar tölur sláandi og vera til-
efni til að verkalýðshreyfingin í
heild fari vandlega í gegnum þess-
ar tölur.
„Þetta eru sláandi tölur og
kannski staðfesting á því gífur-
lega launaskriði sem við höfum
verið að sjá hjá þeim launahæstu
í landinu. Ég vona að við munum
fara vandlega í gegnum þessar
tölur en við fyrstu sýn virðist
þetta vera ákveðin staðfesting
þess sem maður hefur haft tilfinn-
ingu fyrir, að misskiptingin sé að
aukast aftur í íslensku þjóðfélagi,“
segir Vilhjálmur. Hann bendir á
að hlutur Alþýðusambandsins sé
nokkur. „Sú láglaunastefna sem
Alþýðusambandið hefur verið að
reka undanfarin ár er kannski að
þrotum komin.“
Fram kemur í frétt Hagstof-
unnar að eiginfjárstaða allra fjöl-
skyldugerða batnaði á árinu 2013.
Þetta á einkum við um einstæða
foreldra en staða eiginfjár hjá þeim
jókst um tæp 36 prósent árið 2013.
Hins vegar þegar skoðaðar eru
launatekjur Íslendinga og hlutur
þeirra í heildarlaunatekjum kemur
í ljós að launatekjur efstu tekju-
hópanna hafa hækkað frá hruni
en laun annarra hópa hafa staðið
í stað eða lækkað sem hlutfall af
heildartekjum landsmanna.
Árni Páll Árnason, formaður
Samfylkingarinnar, segir þessar
tölur sýna að haga þurfi skattlagn-
ingu á Íslandi þannig að hún jafni
tekjur landsmanna.
„Þessar tölur sýna hversu mikil-
vægt það er að halda tekjumun í
samfélaginu í lágmarki. Um allan
heim er að vaxa skilningur á því
að skattleggja verður sérstaklega
allra hæstu tekjur og allra mestan
auð, ef vel á að fara. Misskipting
grefur undan jöfnum tækifærum
og félagslegu réttlæti,“ segir Árni
Páll Árnason.
Sveinn
Arnarsson
sveinn@frettabladid.is
Hæstu laun hækkað um 80 milljarða
Þau tíu prósent landsmanna sem hafa hæstar tekjur eru með um 35,6 prósent af heildaratvinnutekjum. „Sláandi tölur,“ segir Vilhjálmur
Birgisson, formaður Verkalýðsfélags Akraness. Tölur Hagstofunnar benda til þess að meðalárslaun Íslendinga séu rétt yfir sex milljónum.
MISJÖFN KJÖR ÞJÓÐAR Sextugfaldur munur er á meðaltekjum hæsta og lægsta launahópsins á Íslandi. FRÉTTABLAÐIÐ/DANÍEL
Ég vona að við munum fara vandlega
í gegnum þessar tölur en við fyrstu
sýn virðist þetta vera ákveðin staðfesting
þess sem maður hefur haft
tilfinningu fyrir, að misskiptingin
sé að aukast aftur í íslensku þjóðfélagi.
Vilhjálmur Birgisson, formaður Verkalýðsfélags Akraness.