Fréttablaðið - 15.10.2014, Blaðsíða 6

15. október 2014 MIÐVIKUDAGUR| FRÉTTIR | 6
1. Hversu hátt hlutfall fjármagns, sem
varið er til heilbrigðiskerfi sins, fer í
beinar forvarnir?
2. Hver er markatala íslenska liðsins í
A-riðli undankeppni EM 2016?
3. Hvað bíða margir eftir því að kom-
ast í meðferð á Vogi?
SVÖR:1. Eitt prósent 2. 8-0 3. 300
Sími 412 2500 - sala@murbudin.is - www.murbudin.is
Hitablásarar
Rafmagnshita-
blásari 2Kw 1 fasa
6.990
Rafmagnshita-
blásari 3Kw 1 fasa
8.990
Rafmagnshita-
blásari 5Kw 3 fasa
12.990
Rafmagnshita-
blásari 2Kw
2.190
Rafmagnshitablásari
15Kw 3 fasa
29.990
15 metra rafmagnssnúra
3.190
Rafmagnshitablásari
9Kw 3 fasa
17.990
Kletthálsi Reykjavík
Reykjanesbæ
SAMFÉLAGSMÁL „Við biðjum fyrir
vernd fyrir ófædd börn og stöðvun
á fóstureyðingum. Við biðjum fyrir
hugarfarsbreytingu til fóstureyð-
inga því við trúum að ófædd börn
séu líka manneskjur og þau eigi
að fá möguleika á að lifa,“ segir
Denis O’Leary, kaþólskur prestur
við Maríukirkju í Breiðholti, sem
ásamt þeim Ásdísi Terisitu Einars-
son frá Filippseyjum, April Frigge
frá Bandaríkjunum og Franc-
is Steinar er mættur fyrir utan
Kvennadeild Landspítalans til þess
að biðja fyrir þeim fóstrum sem er
eytt á degi hverjum og hugarfars-
breytingu kvenna til fóstureyðinga.
Öll eiga þau það sameiginlegt
að tilheyra kaþólsku kirkjunni
á Íslandi og koma í hverju ein-
asta þriðjudagshádegi saman við
Kvennadeild Landspítalans og fara
með bænir.
Þau drúpa höfði og fara með
hljóða bæn sem þau lesa af plast-
spjöldum sem skreytt eru mynd-
um af fóstrum. Þau segja misjafnt
hversu margir mæta á bænafund-
inn hverju sinni en oftast séu það
tveir til átta einstaklingar.
Það var kalt í veðri þegar blaða-
maður ræddi við hópinn en að sögn
April láta þau kulda og óveður ekki
á sig fá. Til að verjast kuldanum
eru April og Denis með húfur sem
eru merktar félaginu Lífsvernd og
búið er að sauma í slagorðið „stöðv-
um fóstureyðingar“.
Biðja fyrir fóstrum við
Kvennadeild Landspítalans
Hópur fólks kemur saman í hverri viku og biður fyrir fóstrum sem er eytt og viðhorfsbreytingu til fóstur-
eyðinga. Hópurinn nálgast konur sem leita á spítalann ekki að fyrra bragði en vill breiða út boðskapinn.
Félagsráðgjafi á Kvennadeild segir ekkert ónæði stafa af fólkinu.
BÆNAHÓPUR
Ásdís Terisita
Einarsson, Francis
Steinar, Denis
O’Leary og April
Frigge fyrir framan
Kvennadeild Land-
spítalans.
FRÉTTABLAÐIÐ/ERNIR
„Það mætir alltaf einhver hing-
að til að biðja, sama hvernig veðr-
ið er. Á síðasta ári voru jólin og
gamlársdagur á þriðjudegi og við
mættum hér alveg eins og aðra
þriðjudaga. Reyndar ekki í hádeg-
inu því að þá vorum við í messu,“
segir April.
Hópurinn hefur sig ekki mikið
í frammi og tekur fólk ekki tali á
spítalalóðinni að fyrra bragði. Að
sögn Denis kemur það þó fyrir að
fólk nálgist þau af forvitni og þá sé
rætt við fólkið og það fái að hlýða
á boðskap þeirra hafi það áhuga
á því. „Okkur finnst ekki í lagi að
eyða fóstri og við viljum gjarnan
koma þeim skilaboðum til annarra.
Þó að fóstureyðingar sé leyfðar í
dag viljum við fá fólk til að hugsa
og vonumst eftir því að með tím-
anum sjái það hversu rangar þær
eru. Eins og til dæmis með þræla-
hald. En við hlaupum ekki á eftir
fólki til þess að breiða út boðskap-
inn,“ segir Denis og kímir.
Francis bendir á að þrátt fyrir
að þau sem eru samankomin
þennan þriðjudag séu kaþólikkar,
séu allir velkomnir sama hverrar
trúar þeir eru. „Það er öllum vel-
komið með að biðja með okkur. Við
breytum þá bara bænunum,“ segir
hann.
Að sögn félagsráðgjafa við
Kvennadeildina hafa konur sem
þangað leita ekki orðið fyrir ónæði
af fólkinu.
hannarut@365.is
SAMGÖNGUR Nýr Baldur kom til
landsins síðastliðna nótt og mun
leysa gömlu Breiðafjarðarferjuna
með sama nafni af hólmi á næst-
unni. Skipið er stærra en gamla
ferjan og tekur 280 farþega og 55
einkabíla í ferð.
„Þetta hefur ekki gengið þrauta-
laust en núna er skipið loksins
komið heim. Nú verða smávægileg-
ar breytingar gerðar en hann verð-
ur tilbúinn til siglinga á Breiðafirði
eftir viku til tíu daga,“ segir Pétur
Ágústsson, framkvæmdastjóri
Sæferða í Stykkishólmi, en upp-
haflega átti skipið að hefja sigling-
ar í byrjun september. Unnið er að
því að búa skipið vörukrana til að
þjóna Flatey og einnig verða gerðar
breytingar á geymum skipsins fyrir
ferskvatnsflutninga til Flateyjar.
Nýja ferjan, sem er norsk smíði
og hét Vågan, var sjósett árið 1979,
en endurbyggð árið 1989. Andstætt
fyrirrennara sínum eru öll ökutæki
flutt undir dekki og varin fyrir sjó-
roki.
Þörfin fyrir nýja ferju segir Pétur
að hafi ekki síst verið vegna breyt-
inga á innanlandsflutningum, en
bílar í gámaflutningum hentuðu
gamla skipinu illa.
Ekjubrýr í áætlunarhöfnum í
Stykkishólmi og Brjánslæk eru
byggðar eftir norskum stöðlum
og smellpassar því nýja ferjan við
brýrnar.
Skipið er lítið minna en Herjólfur
og getur því auðveldlega leyst Vest-
mannaeyjaferjuna af þegar þess
gerist þörf. - shá
Stærri Breiðafjarðarferja hefur rými fyrir 280 manns og 55 einkabíla:
Nýr Baldur kominn til landsins
BALDUR Skipið er 68 metra langt og 12 metrar á breidd. FRÉTTABLAÐIÐ/GVA
MENGUN Ísafjarðarbær á enn eftir
að semja við þá tvo bændur sem
urðu fyrir mestu tjóni vegna díox-
ínmengunar frá sorpbrennslustöð-
inni Funa í Engidal. Bændunum var
gert að slátra öllu búfé sínu í apríl
árið 2011.
Ísafjarðarbær bauð bændunum
fyrr á þessu ári samtals um þrjá-
tíu milljónir. Samningaviðræð-
ur standa enn yfir. Leysist málið
ekki á næstu vikum eru líkur á því
að málinu verði skotið fyrir dóm-
stóla að sögn Björns Jóhannesson-
ar, lögfræðings
bændanna.
Steingrímur
Ólafsson í Efri-
Engidal varð
fyrir mestu tjóni
og honum var því
boðinn stærsti
hluti fjárins.
Honum var gert
að skera allan
sinn búpening, tuttugu nautgripi
og áttatíu kindur.
Kristjáni Ólafssyni var svo gert
að slátra 210 kindum. Kristján telur
hæpið að niðurstaða fáist í málið án
þess að leita til dómstóla. Hann er
ekki sáttur við framkomu bæjar-
ins í málinu enda séu þrjú og hálft
ár síðan búfénu var slátrað. „Bær-
inn hefur ekki viljað hjálpa okkur
að koma upp bústofni á ný,“ segir
Kristján og þar að auki hafi fast-
eignagjöld hans verið send til inn-
heimtufyrirtækja.
Gísli Halldór Halldórsson, bæj-
arstjóri Ísafjarðar, segir að tilboð
bæjarins sé gert með þeim fyrir-
vara að fleira hafi valdið bænd-
unum tjóni en mengunin frá Funa.
„Það er ákvörðun Matvælastofnun-
ar að láta slátra gripunum, án þess
að hafa til þess nægjanleg gögn eða
rökstuðning,“ segir Gísli. Hann vill
ekki útiloka að Ísafjarðarbær sæki
þær bætur sem bændunum verði
greiddar til Matvælastofnunar.
Ísafjarðarbær komst í haust að
samkomulagi við þriðja bóndann,
Karl Bjarnason, sem varð fyrir
minnstu tjóni en hann þurfti að
slátra sjö kálfum. - ih
Lögfræðingur bændanna sem urðu fyrir tjóni segir líkur á að málið fari fyrir dómstóla náist ekki samningar:
Enn ósamið um bætur vegna díoxínmengunar
GÍSLI HALLDÓR
HALLDÓRSSON
UTANRÍKISMÁL Samkomulag hefur
tekist um hvernig þrjár reglu-
gerðir um evrópskar eftirlits-
stofnanir á fjármálamarkaði
verða innleiddar.
Gengið var frá samkomulaginu
á fundi fjármálaráðherra EFTA-
ríkjanna og ESB í Lúxemborg í
gær.
Samkomulagið byggist á
tveggja stoða kerfi EES-samn-
ingsins. Felur það í sér að allar
bindandi ákvarðanir gagnvart
EES/EFTA-ríkjunum þremur,
verða teknar af Eftirlitsstofnun
EFTA og að hægt verði að bera
þær undir EFTA-dómstólinn. - jme
Nýjar reglugerðir innleiddar:
Fjármálaráð-
herrar semja
LÖGREGLUMÁL „Ég á erfitt með
að fara yfir þessa atburðarás þar
sem ég er bundinn trúnaði gagn-
vart skjólstæðingi okkar,“ segir
Þórarinn Viðar Hjaltason, for-
stöðumaður meðferðarheimilisins
Stuðla. Starfsmaður Stuðla var
stunginn með hnífi í fyrradag.
Það var ungur skjólstæðingur
heimilisins sem stakk manninn.
Samkvæmt upplýsingum frá lög-
reglunni er málið á borði rann-
sóknardeildar en starfsmaðurinn
er ekki alvarlega slasaður. - sáp
Starfsmaðurinn ekki í hættu:
Árásin á Stuðl-
um til lögreglu
EYRARBAKKI
Vilja bæta ásýndina
Eftir yfirferð og skoðun á umgengni á
Eyrarbakka ætlar Hverfisráð Eyrarbakka
innan Árborgar að óska eftir því að utan-
aðkomandi aðili verði fenginn til að gera
úttekt á ásýnd þorpsins og því sem betur
mætti fara í almennri umgengni þar.
VEISTU SVARIÐ?