Akureyri - 30.01.2014, Blaðsíða 21

2130. janúar 2014
Grófin - Geðverndarmiðstöð
Valdefling, þjálfun og samstaða á jafningjagrunni
(millifyrirsagnir eru blaðsins)
Geðverndarfélag Akureyrar og
Grófin Geðverndarmiðstöð héldu
fræðsludaga 17. 18. janúar sem voru
öllum opnir. öllum. Mæting var góð
og greinilegur áhugi á starfseminni.
Grófin Geðverndarmiðstöð
er nýtt úrræði fyrir fólk með
geðraskanir. Grófin vinnur eft­
ir hugmyndarfræði valdeflingar
og batamódels á jafningjagrunni.
Batamódelið felur í sér að hægt er
að ná bata af geðröskunum. Vald­
eflingin er verkfæri sem stuðlar að
bata. Við vinnum með notendum,
aðstandendum og þeim sem hafa
áhuga á geðheilbrigðismálum hér
norðan heiða. Við vitum af eigin
reynslu og annarra að ákvörðun um
að taka ábyrgð á eigin líðan, skiptir
sköpum í að snúa sjúkdómsferli yfir
í bataferli. Við nýtum okkur m.a.
reynslu Hugarafls sem við höfum
verið í samstarfi við undanfarin ár
við mótun Grófarinnar. Hugarafl
notar valdeflingamódelið og starf­
semi þeirra sýnir fram á mikinn ár­
angur og hafa þau fjölmörg dæmi
um að einstaklingar ná bata og
auka lífsgæði sín.
STARF SEM GEFUR GÓÐA RAUN
Grófin Geðverndarmiðstöð var
formlega stofnuð 10. október sem
er Alþjóðlegi geðheilbrigðisdagur­
inn. Á þessum stutta tíma er starfið
farið að gefa góða raun og fólk far­
ið að virkja sig í að hjálpa öðrum
að takast á við eigin geðraskanir,
meðal annars er komin hópastarf­
semi sem notendur sjá alfarið um
og hefur virkað vel. Því tókum við
næsta skref sem voru fræðsludagar
17.og 18. janúar. Er óhætt að segja
að mikil vakning er í þessum málum
hér norðan heiða og mættu um 100
manns til okkar þessa daga sem var
meira en við áttum von á. Fengum
við Auði Axelsdóttur forstöðumann
Hugarafls og Þóreyju Guðmunds­
dóttur sem er einn af stofnendum
Unghuga Hugarafls til að fræða
okkur um þeirra starf sem hefur
hjálpað mörgum að öðlast betra líf.
MARGIR NÁ BATA
Margir einstaklingar hafa náð bata
af sínum geðröskunum. Einnig höfðu
Brynjólfur Ingvarsson geðlæknir og
Kristján Jósteinsson félagsráðgjafi
framsögu á fræðsludögunum. Seinni
dagurinn var meira tileinkaður að­
standendum og það var ekki að sök­
um að spyrja að aðstandendahópur
var stofnaður eftir þennan dag og er
strax byrjaður að hittast á þriðju­
dögum kl.17.30 til 19.00. Unghugarn­
ir eru einnig byrjaðir með sitt starf
og fengu aukinn kraft með tilkomu
Þóreyjar norður og fer fjölgandi í
þeirra röðum. Fundirnir hjá Ung­
hugum Grófarinnar eru á miðviku­
dögum kl. 16.00 fyrir 18 ára og eldri
og eru öllum opnir. Þegar talað er
um forvarnir og fræðslu teljum við
að þetta eitt það sterkasta vopn sem
við getum notað til að upplýsa fólk
um geðraskanir.
MIKLIR FORDÓMAR
Grófin er samfélagsverkefni. Með
fræðslu og forvörnum er hægt að
hjálpa mörgum til að taka skrefið m.a.
til að ná bata! Forvarnir geta líka
stuðlað að því að ungt fólk leiti ekki
í fíkniefni og fari út af sporinu. For­
dómar eru enn miklir í samfélaginu
og ekki síður hjá notendum þar sem
fólk er matað af einhverri geðveikri
ímynd sem er sýnd í fjölmiðlum en
á ekkert skylt við raunveruleikann.
Við erum ósköp venjulegt fólk sem
á við geðraskanir að stríða og ekki
hættulegri en hver annar eins og
fólk heldur oft um geðveikt fólk því
miður. Við mælum með að fólk skoði
heimasíðu okkar og slái til og stigi
skrefið í átt að bata. Notendur Gróf­
arinnar vonast til að þessi starfsemi
eigi eftir að blómstra um ókomna tíð
og hjálpa mörgum til að ná bata af
sínum geðröskunum. Með samstilltu
átaki er hægt að lyfta grettistaki og
þarf ekki að kosta mikið til að auka
lífsgæði okkar. Og vonumst við til að
stjórn Akureyrarbæjar sjái hag sinn
í því að taka þátt í að auka lífsgæði
ungs fólks og fólks með geðraskanir
með því að styðja þetta nýja úrræði.
ÞAKKIR TIL NORÐURORKU
Að endingu viljum við þakka Norður­
orku fyrir þann styrk sem þeir veittu
okkur 10. janúar sl. sem gerði okkur
kleift að halda fræðsludagana með
kaupum á skjávarpa og tjaldi fyrir
kennsluaðstöðu i Grófinni.
Fyrir hönd Grófarinnar
Eymundur Eymundsson
Alma Axfjörð
Leó Sigurðsson
Grófin er í Hafnarstræti 95 á 4 hæð í
göngugötunni. (fyrir ofan Þekkingu).
Sími 462 3400.
Opið frá kl. 13-16 alla virka daga.
grofin.wordpress.com
facebook.com/valdefling
AÐSEND GREIN ÓLAFUR KJARTANSSON
Sveitarfélag, til hvers?
Upphafið
Eftir því sem ég best veit er
hreppurinn, og síðan arftaki þess
sveitarfélagið, ein elsta skipulagða
opinbera samfélagseining hér á
landi. Þegar ég var að grufla upp
eitthvað um tilganginn með því að
setja svona nokkuð á fót fannst
mér það merkilegast að þarna var
meðal annars vettvangur fyrir
skipulagða samhjálp. Að sjálf­
sögðu í takt við aðstæður og anda
hvers tíma en samhjálp engu að
síður. Hreppurinn bar sameigin­
lega ábyrgð á því að enginn átti að
þurfa að veslast uppi bjargarlaus.
Ef einhver íbúi gat sannarlega
ekki séð sér farborða áttu yfirvöld
viðkomandi hrepps að sjá til þess
að þessi einstaklingur dæi ekki úr
vesöld. Skýr samfélagsleg pólitísk
meining.
Þróunin
Síðan eftir því sem tímar hafa liðið
hefur hlutverkum sveitarfélaganna
fjölgað. Andinn hefur verið alla jafna
sá að það sem skiptir miklu
máli fyrir heildina á hverj­
um stað kemur til greina
sem verkefni sem sveitar­
félagið tekst á við. Þar má
finna býsna fjölbreytilegan
lista. Framfærslutryggingu,
skólamenntun barna, um­
önnun aldraðra, heilsugæslu,
samgöngubætur, hreint
neysluvatn í hvert hús, rafmagn, upp­
hitun húsa, að fjarlægja sorp og skít,
útgerð til sköpunar atvinnu og verð­
mæta, stuðning við listalíf, mannbæt­
andi tómstundastarfsemi og fleira og
fleira. Þetta finnst mér algerlega full­
nægjandi réttlæting á því að standa
vörð um þessa samfélagseiningu sem
sveitarfélagið er.
Hvað svo?
Næstu spurningar: Hvað er mik­
ilvægast af þessu öllu og hver á að
borga þetta allt saman?
Er eitthvað sem má
missa sig eða vantar eitt­
hvað? Viljum við borga jafnt
á haus eða meira eftir því
sem tekjurnar verða hærri
hjá fólki eða eiga notendur
að borga hver fyrir sig? Eða
einhverskonar mismunandi
eða blandað greiðslufyrir­
komulag og þá hvernig?
Þar kemur pólitíkin enn einu
sinni til sögu og röðin er komin að
að kjósandanum. Hann þarf að átta
sig á því hvernig útfærslu honum líst
best á og reyna síðan að meta hverjir
eru líklegastir til að framfylgja því.
Höfundur er áheyrnarfulltrúi
vinstri grænna í umhverfisnefnd Ak-
ureyrar og starfsmaður í Hlíðarfjalli.
fólk er matað af ein-
hverri geðveikri ímynd
sem er sýnd í fjölmiðl-
um en á ekkert skylt
við raunveruleikann.
AUÐUR AXELSDÓTTIR FORSTÖÐUMAÐUR Hugarafls og iðjuþjálfi fræðir Norðlendinga.
HLUTVERK SVEITARFÉLAGA ERU mjög fjölbreytt.
ÓLAFUR
KJARTANSSON