Akureyri - 20.02.2014, Blaðsíða 18
18 7. tölublað 4. árgangur 20. febrúar 2014
- snjallar lausnir
545 3200 wise.is sala@wise.isGold Enterprise Resource Planning
Silver Independent Software Vendor (ISV)
TM
Borgartún 26, Reykjavík » Hafnarstræti 102, Akureyri
sími: 545 3200 » wise@wise.is » www.wise.is
Dynamics NAV er einn mest seldi
bókhaldshugbúnaður á Íslandi í dag.
Wise er í fararbroddi í upplýsingatækni með sérstaka áherslu á
ráðgjöf, hugbúnaðargerð og innleiðingar ásamt öflugri og
persónulegri þjónustu.
Fjölbreyttar lausnir á sviði ármála, viðskiptagreindar, verslunar,
sérfræðiþjónustu, sjávarútvegs, sveitarfélaga og flutninga, sem
einfalda þér þitt hlutverk.
Lísa og Lísa – góðar saman!
Áhorfendur sem fylltu Rýmið sl.
föstudagskvöld og nutu frumsýn-
ingar á Lísu og Lísu í boði leik-
stjórnar Jóns Gunnars og Leikfélags
Akureyrar voru sumir hverjir ögn
tvístígandi áður en sýningin hófst.
Gleði í hjörtum bæjarbúa yfir því að
tvær af leikstjörnum Akureyrar til
langs tíma, Saga Jónsdóttir og Sunna
Borg, fengju á ný að nýta krafta sína
eftir nokkurt hlé í þágu metnaðar-
fullrar listsköpunar. En myndi verkið
tala inn í morgundaginn? Væri svona
verk meira aktúelt í landi kaþólikk-
anna, Írlandi, þaðan sem það er ætt-
að en á Íslandi sem hraðspólaði í átt
til viðhorfsbreytingar og aukinna
mannréttinda fyrir samkynhneigða
fyrir ekki svo mörgum árum? „Þarf
enn að sýna svona leikrit?“ Sagði
einn leikhúsgesta fyrir sýninguna?
Í spurningunni fólst nettur fordómur.
Eitt svarið er að samkynhneigð er
enn forvitnilegur „feluleikur“ eins
og önnur aðalleikkona sýningarinn-
ar sagði í blaðaviðtali fyrir frum-
sýningu. Leikritið er látið gerast
á Akureyri. Að tefla fram tveimur
leikkonum úr heimabyggð er enn
sniðugra en ella því það færir a.m.k.
heimakunnum áhorfendum aukna
nánd. Glíman við trúverðugleika
endar í stuttu máli sagt með sigri.
Lísa og Lísa eru ólíkar persónur
en báðar býsna áhugaverðar þótt bó-
hemtýpan sem flutti til Reykjavíkur
um skeið og virðist örlítið flóknari
persóna verði e.t.v. minnisstæðari.
Túlkun tókst almennt vel. Smávægi-
legar hnökrar eru á textanum, t.d. er
erfitt að ná fram áhuga áhorfandans
og samúð út af fyrrum dánu fólki
sem maður aldrei kynnist í aðeins
of löngum senum. Það er þó ekki
uppfærslunni að kenna.
Búið er að breyta black boxinu,
Rýminu, þannig að áhorfendur horfa
frá fjórum hliðum niður á sviðið.
Leikmyndin er einföld og á leikritið
sér allt stað inni í íbúð Lísu og Lísu.
Leikararnir eru á sviðinu þegar
gestir ganga í salinn og er nokkur
upptaktur að sýningarbyrjun að
fylgjast með Sunnu og Sögu ræða
saman í hlutverkum samkynheigðu
sambýliskvennanna sem ekki þora að
opinbera leyndarmál fyrr en í sýn-
ingunni sjálfri. Kannski væri betra
að láta áhorfendur ekki heyra tal
þeirra áður en sýningin hófst, mér
fannst útkoman ögn gervileg og
vandræðaleg í blábyrjuninni meðan
gestir komu sér fyrir. Frá og með opn-
un sýningarinnar fóru góðir hlutir
að gerast. Svolítið hægt reyndar og
hefði mátt hugsa sér fleiri klippingar,
fleiri hvörf. Styttri sviðsetningar og
meira flæði á köflum. En eigi að síður
öðlast áhorfandinn fljótt samkennd
með persónunum. Samleikur Sögu
og Sunnu er fyrirtak og maður fer
að hugsa. Sú spurning sem ekki hafði
áður sótt á þann sem hér skrifar er að
þótt samkynhneigðum beri sumpart
skylda til að standa með sjálfum sér
í því skyni að breyta heiminum til
hins betra og varpa af sér byrðum
feluleikjanna er ekki sjálfgefið að
fólk vilji verða sýningargripir. Þeir
sem búa á Akureyri vita að samfé-
lagið er fremur varfærið og flestir
íbúanna með. Glíman við að koma
út úr skápnum öðlaðist sérstaka vídd
vegna þess að leikritið fer fram í ekki
stærra samfélagi en okkar. Stund-
um mátti heyra saumnál detta þegar
athygli leikhúsgesta var öll bundin
við einstaka orð og viðbrögðin við því.
Mikið var hlegið á frumsýningunni
og Sunna og Saga voru með salinn
með sér. Leikritið dansar milli drama
og kómíkur. Er augljóst að reynsla
og næmi leikstjórans, Jóns Gunnars,
á hér mikinn þátt í að vel tekst til.
Amy Conroy hlaut verðlaun
Dublin Fringe-hátíðarinnar 2010
fyrir leikritið um Lísurnar tvær. Hún
lék sjálf í eigin verki og var tilnefnd
til írsku leiklistarverðlaunanna 2012,
bæði sem höfundur og leikkona.
Karl Ágúst Úlfsson hefur þýtt
verkið vel og staðfært það til Akur-
eyrar af natni. Sú spurning kann að
leita á yngra fólk sem alið er upp við
minni fordóma en við hin eldri hvort
það sé virkilega ennþá „þörf“ á að
setja upp svona verk? Niðurstaðan
er að sýningin varpi ljósi á heim sem
svo sannarlega er vert að fjalla um.
Þar skiptir miklu innileiki persón-
anna sjálfra, hvernig þær takast á
við gleði og átök, þeirra eigin sem
annarra.
TÓNLEIKAR Í HOFI
Sunnudaginn 2. mars kl 20 munu Þóra Kristín Gunnarsdóttir, Barbara Hess og Stephanie Sutt-
erlüty flytja verk eftir Claude Debussy, Francis Poulenc, Rebecca Clarke und August Klughardt
fyrir píanó, óbó og víólu. Tónleikarnir verða í salnum Hömrum í Hofi. Þær stunda allar nám við
tónlistarháskólann í Luzern í Sviss, en þessir tónleikar eru hluti af námi Þóru Kristínar, sem stefnir
á útskrift úr BA-námi í píanóleik í vor. Aðgangseyrir er 1000 krónur og forsala miða á midi.is.
Nánari upplýsingar um tónleikana er að finna á vefsíðu Hofs.
Björn Þorláksson
skrifar um leikhús
Þjóðfræði á Þorraþræl
Fyrirlestrar um margvísleg þjóðfræðileg við-
fangsefni í Safnahúsinu á Húsavík, laugar-
daginn 22. febrúar frá kl. 14-17.
Árleg dagskrá Menningarmiðstöðvar
Þingeyinga í samstarfi við þingeyska þjóð-
fræðinga og þjóðfræðinema verður haldin
á þorraþræl, síðasta dag þorra. Sex þjóð-
fræðingar og þjóðfræðinemar halda erindi.
Dagskráin hefst á þremur stuttum erindum,
Sif Jóhannesdóttir fjallar um tröllin í ís-
lensku þjóðsögunum í erindi sínu Mátulegt
er meyjarstig. Búi Stefánsson kynnir efni BA
verkefnis sem hann vinnur að, erindið ber
yfirskriftina Dauðatónar. Viðfangsefni rit-
gerðarinnar er m.a. birtingarmynd tónlistar
í tengslum við dauðann í sögulegu sam-
hengi. Fyrst og fremst er þó horft til þeirra
breytinga innan hefðarinnar sem átt hafa
sér stað á undanförnum árum. Sigurlaug
Dagsdóttir mun síðan kynna Kreddur, vefrit
um þjóðfræði sem fór í loftið fyrir tæpu
ári síðan. Í erindi sínu Landslag þjóðsagna
fjallar Trausti Dagsson um kortlagningu
íslenskra þjóðsagnasafna. Guðrún Sædís
Harðardóttir verður einnig á þjóðsagnaslóð-
um en hún talar um reykdælskar þjóðsögur
og vísbendingar sem þær gefa um þjóðtrú
á svæðinu í erindinu Hvar er reykdælska
huldufólkið? Lokaerindi dagsins “Frá bleytu
til breytu: Af veðurspám almennings fyrr,
nú og æ síðan”flytur Eiríkur Valdimarsson
MA þjóðfræðingur. Í því segir hann frá
rannsókn sinni á alþýðlegum veðurspám
Íslendinga, sem er þekking fjölmargra kyn-
slóða þessa lands sem þróuðu spár sínar um
aldir. Nokkrar slíkar spár verða gerðar að
umtalsefni, sérstaklega spár úr S-Þingeyj-
arsýslu. Að auki verður horft til framtíðar
og rætt hvernig við upplifum veðrið í dag
og hvernig upplifir almenningur stórar
breytingar á borð við loftslagsbreytingar
og hlýnun jarðar.”
Dagskráin er öllum opin enginn. Nánari
upplýsingar má finna á heimasíðu Menn-
ingarmiðstöðvar Þingeyinga www.husmus.
is. a
SAGA OG SUNNA eiga eftirminnilegan samleik í Rýminu og Jón Gunnar leikstjóri má
vera stoltur af.