Skessuhorn - 03.07.2013, Page 26

26 MIÐVIKUDAGUR 3. JÚLÍ 2013
Það er að verða sífellt vinsælla hjá
Íslendingum sem nota mikið reið-
hjólið sér til gamans og heilsubót-
ar að fara í hjólreiðaferðir út fyrir
landssteina og ferðast langar leið-
ir á hjólunum. Gísli Guðmunds-
son rakarameistari á Akranesi er
einn þeirra sem tekur hjólið gjarn-
an fram eftir vinnu á daginn og fer
í góða hjólatúra um bæinn eða ná-
grennið. „Þetta hefur verið mín
aðal heilsurækt í um 20 ár og ég
hef rosalega gaman af þessu,“ seg-
ir Gísli sem á dögunum lét verða
af því að fara í sinn fyrsta hjólatúr
út fyrir landssteinana. Hann fór til
Svíþjóðar og tók þar þátt í mikilli
hjólakeppni. Þar hjólaði Gísli 300
kílómetra í kringum stórt stöðu-
vatn í grennd bæjarins Motola sem
er um 100 km frá Jönköping. Þessi
keppni var allsöguleg fyrir Gísla
sem m.a. hjólaði í myrkri um þriðj-
ung leiðarinnar.
Fékk hvatningu frá
konunni
„Ég hef verið með hjóladelluna
lengi og hjólaði til dæmis mik-
ið á námsárunum í Reykjavík. Þá
gekk ég í bæði Fjallahjólaklúbb-
inn og Hjólreiðafélag Reykjavíkur.
Ég hef samt ekkert verið að keppa,
bara hjólað mér svona til gamans
og heilsubótar. Áður fyrr var ég
meira á fjallahjólum og eru búinn
að eiga þau mörg. Fyrir nokkrum
árum keypti ég mér svo „racer“ og
það er enn skemmtilegra að hjóla
á svo hröðu hjóli. Ég var lengi bú-
inn að gæla við að fara í hjólreið-
artúr erlendis og hafði frétt af þess-
ari keppni í Svíþjóð í gegnum vin
minn. Í lok síðasta sumars sá ég
svo auglýstan fund um þessa hjóla-
keppni frá hópi í Fjallahjólaklúbbn-
um sem hafði hug á að fara þessa
ferð. Ég fór á þennan fund og ákvað
að skella mér í þessa ferð. Sérstak-
lega eftir að konan mín hvatti mig
til þess, enda er hún búin að þola
þessa dellu í mér allan þenna n tíma,
að ég skelli mér í hjólatúr strax eftir
vinnu á daginn,“ segir Gísli. Hann
segist fljótlega hafa byrjað undir-
búning. „Það má segja að hann hafi
staðið alveg frá nóvembermánuði
og ég hafi æft nánast daglega. Þeg-
ar ekki viðraði til að hjóla úti fór ég
í spinning í ræktinni. Af og til fór
ég í lengri hjólatúra hérna um ná-
grennið til að þjálfa mig upp í að
hjóla svona langa vegalengd. Þessi
300 km hjólaleið í Vatternrundan,
eins og keppnin heitir, en lengsta
dagleið í hjólakeppni í heiminum.“
Hrepptu mótvind
Það var 16 manna hópur frá Íslandi
sem fór í þessa ferð til Svíþjóðar á
dögunum, nær eingöngu skipaður
fólki af höfuðborgarsvæðinu. Flog-
ið var út miðvikudaginn 12. júní og
komið heim að morgni þjóðhátíð-
ardagsins 17. júní. Keppnin byrj-
aði að kvöldi föstudagsins 14. júní
og lauk daginn eftir. Hjólakeppn-
in Vatternrundan heitir eftir sam-
nefndu vatni sem hjólað er kring-
um. Keppnin var fyrst haldin 1966
og lengst af hafa þátttakendur ver-
ið um og yfir 20 þúsund. Gísli seg-
ir að hópurinn frá Íslandi hafi ekki
kannað leiðina áður en lagt var af
stað heldur stuðst við upplýsing-
ar og leiðsögn frá þeim sem farið
höfðu í keppnina áður. Startað er út
um 50 manna hópum með tveggja
mínútna millibili í Vatternrund-
an. Gísli lagði af stað um klukkan
níu um kvöldið. „Fyrsti þriðjungur
leiðarinnar var erfiður að því leyti
að við hrepptum mótvind, um níu
metra á sekúndu, en við sluppum
þó við rigningu alla 300 kílómetr-
ana í keppninni. Fljótlega eftir að
ég var lagður af stað tók að rökkva
og það var komið kolniðamyrkur
þegar ég var búinn að hjóla í tvo
tíma. Mér fannst æðislega flott að
hjóla í myrkrinu, að sjá þessi rauðu
ljós eins langt og augað eygði. Það
var líka ýmislegt skemmtilegt sem
bar fyrir augu. Þegar ég var búinn
að hjóla rúmlega þriðjung leiðar-
innar fór ég fram úr þátttakanda
sem var á einhjóli, sirkushjóli. Fólk
var á allskonar hjólum í þessum
keppnum. Margir Svíarnir halda
greinilega tryggð við gömlu ryðg-
uðu hjólin.“
Lenti á veggnum
Gísli segir að sér hafi miðað vel
í keppninni en drykkjar- og nær-
ingarstöðvar voru átta á leiðinni.
„Skilti voru á tíu kílómetra fresti
sem sögðu okkur þátttakendum hve
löng vegalengd væri eftir að hjóla.
Ég var búinn að ákveða að kíkja
ekkert eftir því fyrr en liði á keppn-
ina. Njóta þess bara að hjóla og
það virkar ekki vel ef maður fer að
telja niður of snemma. Ég drakk og
nærðist á öllum stöðvum og á sum-
um stöðvunum hvíldi ég mig aðeins.
Það var til dæmis mjög gott að láta
þreytuna líða úr sér þegar 200 kíló-
metrar voru að baki eða tveir þriðju
leiðarinnar. Fram að því var hæðar-
munur á hjólaleiðinni lítill, svona
svipaður og frá Reykjavík til Kefla-
víkur. Þennan síðasta þriðjung var
heldur meiri hæðarmunur einkum
síðustu fimmtíu kílómetrana. Það
var einmitt þegar þessi hæðarmun-
ur byrjaði sem ég kom á vegginn
eins og stundum er talað um í þol-
keppnum. Það reyndi talsvert á sál-
fræðina þessa síðustu fimmtíu kíló-
metra, þá fór ég að hugsa þannig að
ég yrði að sigrast á hverjum þeim
fimm kílómetrum sem fram undan
voru. Lokakaflinn var mjög erfiður
og óskaplega var maður glaður þeg-
ar hjólað var yfir endamarkslínuna.
Mér leið þá eins og sigurvegara,
enda var sagt fyrir keppnina að sæti
og verðlaun skiptu í sjálfu sér ekki
máli. Það væri bara sigur að komast
alla vegalengdina og ég naut þess
virkilega að ná því takmarki.“
Næsta áskorun
Gísli kom í mark rétt upp úr klukk-
an hálf ellefu á laugardagsmorgni,
en þá voru 13,36 klst liðnar frá því
hann lagði af stað. Hjólatíminn var
11,40 klst og meðalhraðinn 26 km.
Gísli kvaðst á leiðinni hafa hjól-
að fram úr fólki sem lagði einum
og hálfum tíma á undan honum af
stað. Aðspurður segist hann hafa
verið merkilega fljótur að jafna sig
eftir keppnina og strax er hann far-
in að huga að næstu áskorun. „Mig
langar óskaplega mikið til að hjóla
á Ísafjörð á tveimur dögum. Hjóla
þá á Hólmavík fyrri daginn og það-
an vestur seinni daginn. Ég gæti
trúað að það væri mjög skemmti-
legt að hjóla þessa leið, sérstaklega
um Djúpið. Það er aldrei að vita
nema ég leggi í hann næsta vor. Það
er ágætt að hafa árið á milli svona
áskorana,“ sagði Gísli þegar blaða-
maður Skessuhorns ræddi við hann
á rakarastofunni í vikunni sem leið.
þá
Síðastliðinn fimmtudag fór fram
kynningarfundur um áform Borg-
arbyggðar um endurbætur í Skalla-
grímsgarði. Um 60 manns mættu
til fundarins sem fór fram í garð-
inum og var um upplýsandi fund
að ræða. Töluverðar umræð-
ur spunnust um þau verkefni sem
standa fyrir dyrum í garðinum og
þær aðgerðir sem Samson Harðar-
son landslagsarkitekt lagði til í út-
tekt sinni á Skallagrímsgarði, sér-
staklega hversu mikla grisjun hann
leggur til að þurfi að framkvæma.
Sumar af þeim tillögum sem lagðar
eru til grundvallar í úttekt Samson-
ar hafa vakið nokkuð hörð viðbrögð
meðal íbúa í bænum eins og lesa má
í pennagrein Þorleifs Geirssonar
sem birtist í Skessuhorni í síðustu
viku. Aðrir mæla fyrir breytingum á
garðinum, þó kannski ekki eins rót-
tækum og lagt er til í úttekt Sam-
sonar, og er dæmi um slíkt viðhorf
að finna í grein Björns Bjarka Þor-
steinssonar formanns byggðarráðs
Borgarbyggðar á vef Skessuhorns
sl. miðvikudag.
Þá hefur hópur íbúa hrundið af
stað undirskriftasöfnun þar sem
mótmælt er róttækum breyting-
um í Skallagrímsgarði. Að sögn
Geirlaugar Jóhannsdóttur, fulltrúa
í sveitarstjórn Borgarbyggðar, og
eins þeirra sem stendur að söfn-
un undirskrifta, álítur hópurinn
að með róttækum breytingum sé
átt við tillögur á borð við flutning
Skátahússins og meiriháttar rask
í trjágöngunum, beint innaf inn-
gangi garðsins. Hún segir hópinn
sem stendur á bak við undirskrifta-
söfnunina telja að vitaskuld sé full
þörf á grisjun í garðinum, eins og
átt hefur sér stað undanfarin ár, en
einnig sé áhugi fyrir ýmsum tillög-
um Samsonar um t.d. plöntun fleiri
skrautrunna og endurgerð stytt-
unnar í gosbrunninum eftir Guð-
mund frá Miðdal. Geirlaug seg-
ir markmið hópsins að stofna inn-
an skamms grasrótarfélag sem fái
nafnið „Vinir garðsins“ og hefði
það hlutverk að vinna að hag garðs-
ins, aðstoða við t.d. grisjun, tiltekt
á vorin og koma að ákvarðanatöku
um mál sem snúa að Skallagríms-
garði.
Verðum að vanda okkur
Steinunn Pálsdóttir hefur frá árinu
1995 unnið við hirðingu Skalla-
grímsgarðs en hennar hlutverk hef-
ur verið að hreinsa garðinn á vor-
in, snyrta beð, planta blómum,
grisja og sinna almennri garðvinnu.
Steinunn segir aðspurð um úttekt
Samsonar að vissulega sé aðkall-
andi að gera ýmislegt í garðinum
til að bæta hann og laga. „Eitt af
mest aðkallandi verkefnum í garð-
inum er að setja upp gamla gos-
brunninn aftur og laga frárennslið
frá honum. Þá þarf nauðsynlega að
drena svæði á norðvesturenda gras-
flatarinnar stóru sem alltaf er blautt
en þar er líklega vatnsuppspretta.
Ég held að það sem hafi farið fyr-
ir brjóstið á fólki hafi verið orða-
lagið að grisja allt að helmingi trjáa
í garðinum. Það þarf ekki endilega
að gera til að bjarga honum, þó það
þurfi að grisja eitt og eitt tré eins og
gert hefur verið á hverju ári,“ seg-
ir Steinunn.
Hún segir hins vegar blóm þríf-
ast ágætlega í garðinum í sumar í
núverandi ástandi hans en varðandi
aspargöngin umtöluðu segir hún að
þau séu seinni tíma vandamál. „Þau
mega alveg vera áfram næstu árin.
Kannski mætti taka eina og eina
ösp úr þeim, sérstaklega mjóu trén,
en heildargöngin mættu halda sér.“
Steinunn segir garðinn afar vel
sóttan af heimamönnum og fjölda
gesta og segir hún að yfir sumar-
tímann stoppi 2-3 rútur á dag við
garðinn. „Allir sem hingað koma
hafa látið í ljós ánægju með garðinn
og telja hann með fallegustu stöð-
um í Borgarnesi. Við verðum því að
vanda okkur afar vel,“ bætir Stein-
unn við.
Byggðarráð tekur
ákvörðun
Samkvæmt upplýsingum frá Borg-
arbyggð hefur verið gefin 800.000
kr. heimild vegna endurbóta í
Skallagrímsgarði á þessu ári og seg-
ir Björg Gunnarsdóttir, umhverf-
is- og landbúnaðarfulltrúi sveitar-
félagsins, að ætlunin sé sú að nota
upphæðina til að klára tillögugerð
Samsonar og til grisjunar. Björg
tekur fram að ekki sé búið að gefa
heimild til framkvæmda en það er
sveitarstjórn og byggðarráð í henn-
ar umboði sem taka ákvörðun í
málinu. Hún gerir ráð fyrir því að
málið verði tekið fyrir á næsta fundi
byggðarráðs sem er á fimmtudag-
inn. hlh
Hjólaði lengstu dagleið í hjólakeppni í heiminum
Gísli Guðmundsson rakari er nýkominn úr hjólakeppni í Svíþjóð
Gísli sæll og glaður að lokinni keppni.
Steinunn Pálsdóttir hefur sinnt
garðyrkjustörfum í Skallagrímsgarði
í 18 ár. Hér er hún við aspargöngin
umtöluðu.
Skiptar skoðanir um endurbætur í Skallagrímsgarði
Frá kynningarfundinum í Skallagrímsgarði á fimmtudaginn. Samson Harðarson
kynnir tillögur sínar fyrir gestum.