Skessuhorn - 23.10.2013, Qupperneq 28

28 MIÐVIKUDAGUR 23. OKTÓBER 2013
Meðal starfsmanna Vegagerðarinn-
ar í Borgarnesi er vinnuflokkur sem
annast línumerkingar vega. Pét-
ur Guðmundsson sem hefur leitt
þennan flokk frá árinu 2005 seg-
ir að nýliðið sumar sé það erfiðasta
veðurfarslega síðan hann byrjaði
í vegamáluninni. „Við vorum að
klára megnið af okkar svæði núna
um miðja vikuna. Fórum þá á Vest-
firðina, en venjulega höfum við ver-
ið búnir í júlíbyrjun nema með þá
kafla sem þá hefur átt eftir að setja
yfirlögnina á,“ sagði Pétur þegar
blaðamaður Skessuhorns hitti mál-
unarflokkinn í porti Vegagerðar-
innar í Borgarnesi sl. fimmtudag.
Þeir Magnús Magnússon og Davíð
Sigþórsson eru að mála veglínurn-
ar með Pétri. Þeir sjá um svæðið frá
Hvalfjarðarbotni austur á Reyðar-
fjörð, að Vestfjörðum, Tröllaskaga
og vegum á Héraði meðtöldum.
Pétur segir að síðasta sumar hafi
verið mjög erfitt vegna mikilla rign-
inga. „Við komum okkur fyrir á Ak-
ureyri um tíma og sættum svo færis
út frá veðurspám í hvaða átt skyldi
halda,“ segir Pétur. Svæðið sem þeir
Borgnesingar eru með er mjög stórt
og á framkvæmdakorti sumarsins
mátti sjá að víða var lagt nýtt slitlag
á smáköflum. Þá eru einnig margir
staðir þar sem mikið álag er á veg-
um og mála þarf þykkari línur, svo
sem í gegnum þéttbýli og á heiðum
og fjallvegum þar sem mikið reyn-
ir á m.a. vegna snjómoksturs. Ann-
ars segir Pétur að megnið af veg-
línunum sé plastefni sem mjög fljótt
er að þorna, en nýmáluð miðlína
vegar er jafnan varin í smátíma eft-
ir að hún er komin á. Pétur segir að
nú sé aðeins eftir að mála á Borg-
arfjarðarbrú þar sem framkvæmdir
standa enn yfir og einnig smákaflar
í yfirlögnum á Vesturlandi. þá
Mikið stóð til í Grunnskóla
Borgarfjarðar á Kleppjárnsreykj-
um sl. fimmtudag. Krakkarn-
ir höfðu í áhugasviðsvali í 8. og 9.
bekk á fimmtudögum í haust unn-
ið að verkefnum tengdum flótta-
mannahjálp. Ástandið í Sýrlandi
hefur vakið athygli þeirra svo og
þær fréttir sem berast af fleiri
stríðshrjáðum svæðum í heimin-
um. Til að veita þessum málefn-
um lið ákváðu nemendur skólans
að efna til flóamarkaðar. Í samstarfi
við starfsfólks skólans og heimilin
í nágrannasveitunum söfnuðu þau
ýmsum munum sem til sölu voru á
flóamarkaðnum. Haft var samband
við Rauða krossinn og þaðan var
fengið flóttamannatjald sem stað-
sett var við inngönguna í skólann.
Krakkarnir útbjuggu súpu sem var
til sölu við tjaldið og rann hún ljúf-
lega ofan í gesti.
Mikið af fatnaði, bókum og ýms-
um varningi safnaðist og var til
sölu. Veggir skólans voru skreytt-
ir og ýmislegt að sjá. Nemendur
voru líka á nytjamarkaðinum með
hluti til sýnis sem þeir höfðu gert í
áhugasviðsvali og uppboð var á list-
munum sem þau höfðu gert. Nem-
endur í 1.-8. bekkur voru með tón-
listaratriðið „cup song“, en það er
lag sem er spilað á glös. Þá léku
nemendur á píanó og 10. bekkur
var með kaffisölu til að safna fyrir
skólaferðalaginu í vor.
Á heimasíðu skólans kemur
fram að afrakstur hafi verið góður
af markaðinum. Súpa seldist fyrir
20.000 krónur og alls seldist varn-
ingur fyrir um 89.000 á flóamark-
aðinum. Auk þess lagði byggðar-
ráð Borgarbyggðar til 100 krónur
fyrir hvern nemaenda í sveitarfé-
laginu í söfnunina, sem rennur til
Rauða krossins og að hluta til Uni-
cef barnahjálpar Sameinuðu þjóð-
anna.
Þá
Alexandra Chernyshova söngkona,
Jónína Erna Arnardóttir píanó-
leikari og Guðrún Ásmundsdótt-
ir leikkona koma fram á næstu tón-
leikum Tónlistarfélags Borgar-
fjarðar. Tónleikana, sem bera yfir-
skriftina Stúlka frá Kænugarði, hafa
þær stöllur flutt áður, meðal ann-
ars í Hörpu og Selinu á Stokkalæk.
Á efnisskrá eru úkraínsk þjóðlög,
sum hver frá 16 öld. Þessi lög eru
venjulega sungin án undirleiks eða
með undirleik á kobza, sem er gam-
alt þjóðlegt hljóðfæri. Lögin verða
hér flutt í útsetningum frægra úkra-
ínskra tónskálda á borð við Lisenko,
Ljatoshinskiy, Zaremba, Chisko,
Verjevki og Kaufmana. Dagskráin
er létt og skemmtileg og tekur um
klukkustund í flutningi.
Tónleikarnir verða í Borgar-
neskirkju miðvikudagskvöldið 30.
október næstkomandi og hefjast kl.
20.00. -fréttatilkynning
Erfitt sumar til vegmálunar
Pétur Guðmundsson til hægri ásamt Magnúsi Magnússyni og Davíð Sigþórs-
syni sem kom til starfa í haust í stað Þiðriks Arnar Viðarssonar sem var í
vinnuflokknum í sumar.
Stúlka frá Kænugarði á tónleikum
Tónlistarfélags Borgarfjarðar
Nemendur GBF á Kleppjárnsreykjum með flóamarkað
Stúlkurnar tilbúnar í súpusöluna við tjaldið.
Flóttamannatjald var fengið frá Rauða krossinum og var það staðsett við inngang
skólans.
Úrval fatnaðar var meðal þess sem til sölu var á flóamarkaðinum.
Talsverður fjöldi bóka var til sölu á
markaðnum.
Ýmis varningur var til sölu.
Nemendur hafa smíðað ýmislegt í
skólanum í vetur. Guðmundur Friðrik
Jónsson smíðaði sér þessa byssu.
Veggir skólans voru skreyttir.
Þessir strákar hafa dundað við að taka sundur tölvur í vetur og vita nú margt um
hvernig þær eru byggðar.