Skessuhorn - 10.12.2014, Blaðsíða 17

17MIÐVIKUDAGUR 10. DESEMBER 2014
Greindist með MS í
upphafi árs
Nú þegar við erum farin að tala
um heilsutengd efni segir Þórdís
sína eigin sögu. Fyrir rétt tæpu ári,
aðeins tveimur mánuðum eftir að
hún opnaði verslun sína veiktist
hún. „Ég lamaðist allt í einu öðru
megin í janúar á þessu ári. Ég jafn-
aði mig aftur smám saman á nokkr-
um vikum. Fyrst var talið að þetta
væri klemmd taug eða eitthvað í þá
áttina. Ég hafði verið undir miklu
vinnuálagi, desembermánuður ný-
liðinn og allt það. En síðan var það
í mars-apríl að ég tapaði sjón. Ég
var blinduð af birtu, mér fannst ég
vera að horfa í sól en það lagaðist
ekkert og auðvitað mjög slæmt fyr-
ir manneskju í þessum blómageira.
Ég gerði hins vegar ekki mikið úr
þessu og reyndi eins og ég gat að
stunda mína vinnu. Það vissu ekki
margir í mínu umhverfi af þessu
en ég fór til Arnar Sveinssonar
augnlæknis sem er alger snilling-
ur. Hann sá að ekki var allt eins
og það átti að vera. Ég var send á
bráðamóttökuna og við tóku nokk-
urra vikna rannsóknir. Svo fékk ég
greiningu nú í vor að ég væri með
MS taugasjúkdóminn,“ segir Þór-
dís.
Þessi sjúkdómur er ólæknandi en
getur lagst misþungt á fólk. Ein-
kenni hans eru sömuleiðis marg-
vísleg. MS getur leitt til lömun-
ar og ótímabærs dauða, en það eru
líka fjölmörg dæmi um að fólk lifi
jafn lengi og annað fólk með væg
einkenni sjúkdómsins sem geta
komið og farið á víxl. „Mér finnst
ég heppin að hafa fengið greiningu
svona snemma svo ég geti fengið
þau lyf sem þarf til að halda sjúk-
dómnum í skefjum. “
Uppgjöf ekki valkostur
Þórdís segist glíma við sjúkdóm-
inn og læra að lifa með honum. „Ég
sprauta mig einu sinni í viku. Sum-
ir dagar eru þó erfiðari en aðrir. En
það þýðir ekkert að vera að velta
sér upp úr því, enda hef ég geng-
ið í gegnum mun erfiðari hluti sem
voru veikindi dóttur minnar. Ég er
svo þakklát fyrir að vera með búð-
ina. Það er auðvelt þegar svona að-
stæður koma upp að missa kjark-
inn. Verslunarreksturinn gerir það
að verkum að ég held mér gangandi
með opnunartíma hér frá klukkan
14 til 18 daglega. Sjálfsagt hefði ég
aldrei farið út í þetta umstang ef ég
hefði verið komin með þessa sjúk-
dómsgreiningu í fyrrahaust. Það að
hafa þessa búð er að gefa mér svo
mikið.“
Uppgjöf kemur ekki til greina
þrátt fyrir veikindin. Þórdís svarar
ákveðið þegar hún er spurð hvort
aldrei hafi hvarflað að henni að
hætta rekstri Blómavers. „Nei, nei.
Ég er rosalega ákveðin það er ekki í
boði að gefast upp en að sjálfsögðu
þarf ég að huga að og hlúa að mér.
En ég læt ekki sjúkdóminn stjórna
mér. Það að reka svona verslun í
svona samfélagi er ákaflega gefandi
þó enginn verði ríkur af því að reka
blómabúð í krónum talið. Hingað
kemur fólk bæði í gleði og í sorg til
að kaupa blóm. Í þessu litla sam-
félagi þekkja allir alla. Allt verður
miklu persónulegra, ekki jafn fjar-
lægt og í stærri samfélögum eins og
til dæmis fyrir sunnan. Mér finnst
þetta skipta máli. Mitt markmið er
að gera hlutina með hjartanu. Já-
kvætt hugarfar og kærleikur skil-
ar sér alltaf til baka, “ segir Þórdís
Björgvinsdóttir brosandi að lokum.
mþh
Hugað að leiðum ástvina í
Ólafsvíkurkirkjugarði
Nú á aðventunni fara margir í
kirkjugarðana til að huga að leið-
um ástvina og setja upp krossa og
skreytingar á leiðin. Íbúar Ólafsvík-
ur eru engin undantekning á þess-
ari notalegu venju landsmanna. Jó-
hannes Hjálmarsson var að laga
krossinn á leiði tengdaföður síns,
Úlfars Víglundssonar, og tengja
ljós þegar fréttaritari Skessuhorns
átti leið um. Þá voru einnig feðg-
arnir Þorsteinn og Vöggur Ingva-
son að setja upplýstan kross á leiði
móður Vöggs.
af
Bjargasteinn verður kaffihús í Grundarfirði
Eldra hús af Akranesi fær hlutverk kaffihúss eftir endurgerð í Borgarnesi
Grundfirðingar ráku upp stór augu
á sunnudaginn þegar ekið var með
húsið á meðfylgjandi mynd á vöru-
bílspalli inn í bæinn. Þarna var ver-
ið að koma með og færa á nýsteypt-
an grunn væntanlegt kaffihús sem
til stendur að opna á næsta ári við
fjöruborðið í Grundarfirði. Flutn-
ingur hússins úr Borgarnesi gekk
klakklaust fyrir sig. Guðbrandur
Gunnar Garðarsson, veitingamað-
ur, sem jafnframt rekur Narfeyr-
arstofu og Plássið í Stykkishólmi,
stendur fyrir framkvæmdinni og
væntanlegri opnun kaffihússins.
Saga þessa húss er býsna athygl-
isverð. Það nefnist Bjargasteinn,
var byggt árið 1908 á Vesturgötu
64 á Akranesi af Magnúsi Ólafs-
syni sjómanni sem bjó þar til 1912
þegar hann drukknaði með Svan-
inum, báti sem sigldur var nið-
ur. Þar stóð húsið í 105 ár. Það
hafði staðið tómt um tíma og jafn-
vel stóð til að rífa það. Það var
Akraneskirkja sem keypti Bjarga-
stein árið 2008 af Christel Ein-
varðsson sem hafði þá búið þar í
áratugi ásamt manni sínum Jósef
Einvarðssyni og fjölskyldu. Húsið
þurfti að víkja af stalli sínum til að
hægt yrði að fjölga bílastæðum við
Akraneskirkju og safnaðarheimil-
ið Vinaminni. Í mars 2013 var það
hins vegar tekið af sökkli sínum við
Vesturgötu og flutt að iðnaðaðar-
húsnæði við Vallarás í Borgarnesi
þar sem það var lagfært af SÓ hús-
byggingum sem höfðu keypt það.
Stefán Ólafsson húsasmíðameist-
ari er mikill áhugamaður um end-
urbyggingu gamalla húsa og má
segja að hann hafi bjargað Bjarga-
steini frá eyðileggingu.
Þegar húsið var tekið af stalli
sínum á Akranesi kom í ljós að við-
ir þess voru í býsna góðu ástandi
miðað við aldur og ekki síður í
ljósi þess að það hafi verið múr-
húðað á sínum tíma. „Yfirleitt eru
þessi timburhús sem hafa verið
múrhúðuð ónýt af fúa og myglu en
þetta hús reyndist í fínu ástandi,“
sagði Stefán Ólafsson húsasmíða-
meistari í samtali við Skessuhorn
þegar hann tók húsið til endur-
gerðar vorið 2013. Þá kvaðst Stef-
án vonast til að finna húsinu verð-
ugt hlutverk í framtíðinni. Óhætt
er að segja að það hafi gengið eft-
ir, en vissulega er saga þessa vest-
lenska húss býsna athyglisverð.
mm
Komið var með Bjargastein til Grundarfjarðar um síðustu helgi þar sem húsið fær nú hlutverk kaffihúss við fjöruborðið.
Ljósm. tfk.
Jólatrjáa- og leiðisgreinasala
Opnunartími
Föstudagurinn 12. des. 16-19
Laugardagurinn 13. des. 12-18
Sunnudagurinn 14. des. 12-18
Mánudagurinn 15. des. Lokað
Þriðjudagurinn 16. des. Lokað
Miðvikudagurinn 17. des. 16-19
Fimmtudagurinn 18. des. 16-19
Föstudagurinn 19. des. 12-18
Laugardagurinn 20. des. 12-18
Sunnudagurinn 21. des. 12-18
Mánudagurinn 22. des. 16-22
Þorláksmessa 16-22
Sími: 841-9960
Kalmansvöllum 2b (húsnæði Björgunarfélagsins)
Aðfangadagur 10-12