Þjóðlíf - 01.07.1986, Side 6

Ný
Heilbrigðis
STEFNA:
Hvers
Vegna?
Eftir Vilhjálm Árnason
Teikningar: Brian Pilkington
Umræða um hlutverk heilbrigðisþjónustu og
forgangsverkefni innan hennar hefur verið að
aukast hér á landi að undanförnu. Skemmst er að
minnast ráðstefnu á vegum Alþjóðaheilbrigðis-
málastofnunarinnar (WHO) um stefnumótun í
heilbrigðisþjónustu til aldamóta. Á ráðstefnunni
kom fram, að heilsu Evrópubúa hefði hrakað á
undanförnum áratugum — þrátt fyrir umtals-
verðar framfarir í læknavísindum á sama tímabili.
Af þessu má ráða, að háþróuð, tæknivædd nú-
tímalæknisfræði stuðlar ekki endilega að bættu
heilsufari almennings, þótt hún geti komið að
ómetanlegu gagni í einstökum tilvikum þegar slys
eða sjúkdóma ber að höndum.

6 ÞJÓÐLÍf-