Akureyri - 27.11.2014, Side 14

14 44. tölublað 4. árgangur 27. nóvember 2014
SPORTIÐ Akureyri.net
Sigfús bikarmeistari í kraftlyftingum
Um síðustu helgi fór fram Bik-
armót Kraftlyftingasambands Ís-
lands á Akureyri. Samhliða því var
Akureyrarmótið haldið í fertugasta
sinn. Kraftlyftingafólk frá Akur-
eyri stóð sig afar vel um helgina.
Stigahæsti keppandi mótsins var
Akureyringurinn Sigfús Fossdal
sem nú keppir undir merkjum Vík-
ings. Hann lyfti samtals 1018 kg og
hlaut 554,2 wilks stig.
Þessir keppendur frá KFA unnu
til verðlauna:
Í 72. kg flokki kvenna sigraði
Hulda B. Waage, lyfti samtals 370
kg og hlaut 361 wilks og. Í 84. kg
flokki varð Fríða Björk Einarsdótt-
ir hlutskörpust, hún lyfti 472,5 kg
og hlaut 422,9 stig. Þess má til gam-
ans geta að Fríða Björk er aðeins 16
ára gömul.
Í flokkum karla varð Darri Már
Magnússon hlutskarpastur, hann
lyfti 230,0 kg og hlaut 234,8 stig. Í
flokki 83 kg. sigraði ,“gamla“ brýn-
ið Freyr Aðalsteinsson sem er 56
ára gamall, hann lyfti samtals 620
kg og hlaut 398,5 stig. Í öðru sæti
varð Andri Már Jónsson, hann lyfti
355 kg og fékk 227,4 stig. Í flokki
120 kg sigraði Viktor Samúelsson,
hann lyfti 915 kg og hlaut 530,7
stig. Elsti keppandi mótsins var hin
62 ára gamla Dagmar Agnarsdótt-
ir, hún keppti í 57 kg flokki og lyfti
samtals 210 kg og hlaut 246,4 stig.
Glæsilegt mót, vel skipulagt og í
alla staði KFA til mikils sóma. a
Atli Jens og Sveinn El-
ías framlengja við Þór
Knattspyrnumennirnir Atli Jens
Albertsson og Sveinn Elías Jóns-
son verða áfram í herbúðum Þórs
en þeir framlengdu nýverið samn-
inga sína við félagið. Þar með er
ljóst að þessir sterku leikmenn
spila með Þór í fyrstu deildinni
næsta sumar.
Atli Jens sem er 28 ára gamall og
uppalinn í Þór á að baki 135 leiki
með Þór í efstu – og fyrstu deild.
Sveinn Elías er einnig 28 ára gam-
all á að baki 209 leiki með meist-
araflokki í 1., 2. og efstu deild með
Leiftri/Dalvík, KA og Þór, þar af
eru 126 leikir með Þór. a
Á DÖFINNI
Íslandsmót á ÍSS á skautum 2014 fer fram í Skautahöllinni á Akureyri dag-
ana 28. – 30. nóvember. Á föstudeginum klukkan 17:50 – 19:00 fara fram
stuttar æfingar. Á laugardeginum hefst keppni klukkan 08:00, keppni á
laugardeginum lýkur laust fyrir klukkan 21:00. Á sunnudeginum hefst
keppni klukkan 08:00 og lýkur um klukkan 12:35. Strax að keppni lokinni
verður verðlaunaafhending.
Laugardaginn 29. nóvember tekur KA á móti Stjörnunni í Mizuna deild
karla í blaki í leik sem fram fer í KA heimilinu klukkan 14:00. Þegar liðin mæt-
ast eru Stjarnan og KA menn í öðru og þriðja sæti deildarinnar með 7 stig.
Sama dag sækir Akureyri Val heim í Vodafonehöllina í Olísdeild karla í
handbolta, leikurinn hefst klukkan 16:15.
Þá sækir SA Björninn heim á íslandsmótinu í íshokkí karla í leik sem
fram fer í Egilshöll, leikurinn hefst klukkan 18:10
Ábendingar um efni í blaðið og á vefinn itrottir@akureyri.net
Halldór Hermann Jónsson gengur til liðs við KA
Knattspyrnumaðurinn Halldór
Hermann Jónsson er genginn í
raðir KA og mun spila með liðinu
í fyrstu deild næsta sumar. Halldór,
sem er þrítugur miðjumaður kem-
ur frá Val þar sem hann lék síðasta
sumar. Þar áður lék hann með Fram
og með Safamýrarliðinu lék hann
141 leik í efstu deild og bikar. Hall-
dór er uppalinn í Fjarðarbyggð þar
sem hann hóf ferilinn með meist-
araflokki árið 2001.
Frá undirritun. Eiríkur Jóhannsson formaður knattspyrnudeildar, Halldór Her-
mann og Bjarni Jóhannsson þjálfari. www.ka-sport.is
Atli Jens Albertsson og Sveinn Elías Jónsson. Fyrir aftan þá stendur Donni Sigurðs-
son, þjálfari Þórs. Palli Jóh
Sigfús Fossdal fer hér upp með 380 kg í
hnébeygju
Viktor Samúelsson lyfti 300 kg í rétt-
stöðulyftu.
Hinn 56 ára gamli Freyr Aðalsteinsson
tekur á því í hnébeygju