Akureyri - 27.11.2014, Side 16

16 44. tölublað 4. árgangur 27. nóvember 2014
AÐSEND GREIN
Forgengileiki
tilverunnar
Af jörðu – De Terrae
Listasafnið á Akureyri, Ketilhús
8. nóvember – 7. desember
Nú stendur yfir í Ketilhúsinu sýn-
ingin Af jörðu – De Terrae. Mynd-
listarmaðurinn Bryndís Kondrup
hefur gert margþætta mynd- og
hljóðinnsetningu sem fyllir sýn-
ingarrými Ketilhússins. Bryndís
fléttar saman þrívíðum verkum sem
hún hengir á veggi, ásamt málverk-
um og lituðum ljósmyndum. Á báð-
um hæðum er sitthvort videoverkið
og yfir sýningunni ómar hjartsláttur
Bryndísar. Sterk og fáguð hugmynd
hennar sem titillinn vísar í, Af
jörðu, leiðir hugann strax til Biblíu
tilvitnunar; „af jörðu ertu kominn
og að jörðu skaltu aftur verða“.
SAMHLJÓMUR
Kynningarmynd sýningarinnar er
grípandi ljósmynd af skóm sem
ásamt öðrum skópörum hanga á
veggjum sýningarrýmisins. Á skóna
eru límd landakort og þeir standa
á landakorti á kynningarmyndinni.
Hér harmónera listaverkin, tit-
illinn og inntak sýningarinnar
saman á eftirminnilegan hátt og
áhorfandinn tengir strax við for-
gengileika tilverunnar. Sýningin
er annars vegar mjög persónuleg
fyrir Bryndísi og hins vegar slær
hjarta hennar þar í margvíslegum
skilningi. Röntgenmyndir af hluta
líkama hennar eru kveikjan að sýn-
ingunni sem sjá má á efri hæðinni.
En vegna hinnar víðu skírskotunar
verða þær einnig sammannlegar og
varða okkur öll.
ÞAÐ SAMMANNLEGA
Sýningin vísar til þess að mann-
kynið fær afnot af jörðinni, þaðan
sem við erum sprottin og hverfum
svo aftur til. Við höfum, hvert og
eitt, afmarkaða stund og nýtum
hana á mismunandi máta. Sýn-
ingin lyftir áhorfandanum á æðra
stig mannlegrar hugsunar um til-
vist okkar samhliða því sem hjart-
slátturinn tengir okkur við eigið
hjarta, líf og tilfinningar. Þó læðist
að manni dálítill ótti við tilhugs-
unina um að tíminn verði styttri
en maður óskar og liggur við að
vangavelturnar framkalli hjart-
sláttartruflanir; kannski er maður
ekki alltaf að nýta hann sem best.
Þetta leiðir svo af sér nýja hugsun
og samviskuspurningar um hvern-
ig beri að nýta tímann. Tilvalið er
að staldra aðeins við slíkar heim-
spekilegar vangaveltur og hugsa
um eigin gönguskó og lífsleið.
TENGING HLUTANNA
Fegurð sýningarinnar er, auk
samspilsins, fólgin í því hvernig
hlutirnir tengjast saman. Einkum
eru það skórnir með landakortun-
um og löngu reimunum. Þær lið-
ast niður vegginn eins og öldur og
mynda áhugaverða teikningu sem
birtist líka í endurvarpi sem skuggi
á veggjunum. Hægt er að lesa eitt
og annað úr þessum reimum; hvaða
leið við förum, hvað við skiljum eft-
ir okkur þegar við göngum áfram
og hvað bindur okkur jarðvistinni.
Einnig læðist að manni vitneskjan
um að öllum gönguleiðum lýkur
að lokum og við þurfum að sleppa
bindingum okkar við jörðina og
það sem er okkur kært, gefa eftir
og sameinast jörðinni á ný.
MISMUNANDI VIÐBRÖGÐ
Hjartslátturinn hefur greinilega
sterk áhrif á áhorfandann sem
tengist honum og jafnvel örvast
eða verður ómótt og finnst erfitt að
eigin hjartsláttur sé ekki í takt við
þann sem ómar í salnum. Því má
segja að sýningin láti engan ósnort-
inn. Samspil skónna og videósins
með gangandi fótum myndar blæ-
brigðaríka og eftirminnilega heild.
Eftir heimsókn 3-4 ára barna frá
einum leikskóla bæjarins spurði ég
þau hvað væri eftirminnilegast við
þessa sýningu og sýninguna Mynd-
list Minjar - Minjar Myndlist í
Listasafninu. Svör barnanna komu
mér svo á óvart að ég læt þau fylgja
hér með. Af 11 börnum voru 7 sem
nefndu hljóðið en ekki það sjón-
ræna, þ.e. hjartsláttinn í Ketilhús-
inu og umhverfishljóð við videóverk
Haraldar Jónssonar í Listasafninu.
Mér finnst þetta mjög áhugavert
og gefa tilefni til bæði rannsókna
og umræðu um mismunandi vægi
skynfæranna og áhrifanna af sam-
vinnu þeirra.
Guðrún Pálína Guðmundsdótt-
ir, fræðslufulltrúi Listasafnsins á
Akureyri.
Af jörðu – De Terrae stendur til
7. desember og er opin þriðjudaga -
sunnudaga kl. 12-17. Aðgangur er
ókeypis. Leiðsögn verður fimmtu-
daginn 28. nóvember kl. 12.15 - 12.45.
Steinsmiðja Akureyrar
Glerárgata 36, S: 466 2800
Opið mán.-föst. kl. 13-17
Lampar frá:
4.900-
Kertastjakar:
1.900-
Falleg lýsing í skammdeginu
Einstök og hlýleg jólagjöf