Akureyri - 27.11.2014, Blaðsíða 20

20 44. tölublað 4. árgangur 27. nóvember 2014
leikur
sér
að andlitum
„Ég veit ekki hvort myndlistinni var beinlínis haldið að mér í æsku, en það var
mikil myndlist í kringum mig þegar ég var barn, málverk á öllum veggjum og
svona. Ég hafði líka mjög snemma aðgang að pappír og litum. Afi minn, Einar
Helgason, sem var myndlistarmaður sagði mér mikið til, ég heimsótti hann
um árabil einu sinni til tvisvar í viku og það var nánast formleg kennsla. Svo
er pabbi arkítekt og hluti þess að vera artítekt er að teikna, hann hjálpaði mér
líka. Svo er líka til alveg hellingur af bókum um myndlist heima,“ segir Úlfur
Logason, 16 ára nemi við listnámsbraut VMA.
Þegar einhver segir: úlfur, úlfur, þýðir það
gjarnan að sá sem mælir þyki ómarktækur.
Er þar vitnað til gamals ævintýris sem kenn-
ir manni að vara ekki við hættu sem engin
er. En það er full ástæða til að taka mark á
Úlfi Logasyni. Athygli vakti síðastliðið sum-
ar þegar hann hélt fyrstu myndlistarsýningu
sína í Kartöflugeymslunni, einmitt í sýn-
ingarsal hjá föður sínum Loga Má Einars-
syni arkitekt. Öll verkin hans Úlfs seldust á
nokkrum klukkutímum og þótti fádæmi.
Það skal bara viðurkennt að ég hef
ekki áður tekið opnuviðtal við svo ungan
mann. Hvokri veit ég nákvæmlega hvers ég
á spyrja né á hann kannski auðvelt með að
svara mér. Samkvæmt löglegri skilgreiningu
er Úlfur barn en samt eru myndirnar hans
afsprengi hins þroskaða og mótaða.
Hann segist hafa mest gaman af að mála
manneskjur, andlit og fólk. Myndlistin eigi þó
ekki ein huga hans. Hann hafi einnig starfað
við lifandi myndir, hann lesi bækur, hlusti á
tónlist og eigi hóp skapandi vina eins og vera
ber á framhaldsskólaárunum.
Drjúgur hluti spurninganna miðar að
því að reyna að ná fram af hverju hann
sé svona góður en samt svo ungur. Honum
finnst augljóslega pínu vandræðalegt að
ræða það en nefnir ekki bara hvatningu
pabba hans og föðurafa heldur einnig þátt
móður sinnar, Arnbjargar Sigurðardóttur
lögmanns, í því að móta hann sjálfan sem
manneskju. Svo hafi hann einnig sótt ýmis
námskeið, t.d. í olíumálun hjá Stefáni
Boulter í Myndlistarskólanum á Akureyri.
Það gagnist honum mjög vel. Úlfur bæði
teiknar og málar með olíulitum. Hann segist
síst gefinn fyrir að mála með vatnslitum
en stefni að því að auka færni sína á því
sviði síðar.
Ekki beint agaður – og þó!
„Ég er ekki beinlínis öguð manneskja en ég
hef samt eitthvað, held ég, sem dugar til að
beisla kaótíkina þegar maður þarf að koma
mynd saman.“
Lífið er blanda af aga og kaótík. En þegar allt
kemur til alls eigum við okkur öll áhrifavalda.
Man Úlfur eftir einhverri reynslu, einhverju
augnabliki sem breytti lífi hans í árdaga eða
þróaðist myndlistargáfan hægt og hljótt?
„Nei, það var ekkert eitt móment sem
„Mér finnst í raun flest fólk vera áhugavert viðfangsefni en ég er hrifnastur af svolítið grótesku fólki, eldri karlmönnum sem dæmi,“ segir Úlfur Logason. Táningurinn sem málar myndir sem allir vilja eiga.