Akureyri - 27.11.2014, Blaðsíða 21

27. nóvember 2014 44. tölublað 4. árgangur 21
breytti lífi mínu. En mér er sagt að ég hafi
verið mjög iðinn við að teikna áður en ég
man eftir mér.“
Hvaðan kemur innblásturinn?
„Ég hef mestan áhuga á að vinna út frá
einhverju sem ég tek eftir á ytra borðinu,
ég fæ helst innblástur frá einhverju sem ég
rek augun í og vekur áhuga, hvort sem það
er myndbygging, litur eða eitthvað annað.
Það er frekar þannig en að innblásturinn
komi innan frá.“
En við erum að tala um að andlit séu þitt
uppáhald – ekki satt?
„Jú, andlit og líkamar. Mér finnst í raun
flest fólk vera áhugavert viðfangsefni en ég
er hrifnastur af svolítið grótesku fólki, eldri
karlmönnum sem dæmi. En samt... Þegar ég
undirbjó sýninguna mína í sumar reyndi ég
vísvitandi að fást alltaf við sama mótívið.“
Þú talar um hið gróteska. Ég hef rekið augun í
hnyttna mynd sem þú málaðir af pabba þínum,
hann notar þá mynd sem prófílmyndina sína á
facebook. Er andlitið á pabba þínum dæmi um
hið „gróteska“ sem vekur áhuga þinn?
„Já það má alveg segja það.“
Við hlæjum báðir. Úlfur hefur afslappaða og
þægilega viðveru. Hann virkar hógvær og
gerir heldur minna úr sjálfum sér og eigin
hæfileikum en hitt.
Nokkur orð um mikilvægi þess að missa
tímaskyn
En þú sem sagt bæði málar og teiknar. Hver
er galdurinn á bak við árangurinn? Mikil
vinna? Ertu lengi að vinna málverkin?
„Mér finnst teikningarnar heppnast
best ef manni tekst að nota sem fæsta
drætti. Málverkin geta verið allavega. Ég
hætti yfirleitt í málverki annað hvort þegar
mér finnst það orðið gott eða þá bara ef
maður nær myndinni ekki og málverkið er
dautt. Þá er það bara búið, maður fer að
gera eitthvað annað. Stundum heppnast
mynd á stuttum tíma, stundum heppnast
að vinna hana í einni umferð en stundum
tekur margar umferðir að klára mynd. En
oft finnst mér þó sem málverk missi eitthvað
ef maður þarf að taka það í mörgum áhlaup-
um, að það missi einhvern ferskleika.“
Þegar þú ert á kafi inni í málverkinu, hverfur
tímaskynið þá eins og dögg fyrir sólu?
„Já klárlega! Ég hlusta töluvert mikið
á músík þegar ég mála. Það er helst að ég
átti mig á að tíminn hafi liðið þegar platan
er búin og ég heyri ekkert lengur.“
Málarðu oft og iðulega fram á rauðan morgun
þegar þú dettur í stuð?
„Sko, ég ætla ekki að halda því fram
að ég sé alltaf vel sofinn þegar ég mæti í
skólann á morgnana en það er ekki endilega
vegna þess að ég sé að mála allar nætur.“
Ég veit þú hófst nám við MA en hættir þar og
skiptir yfir í VMA eftir eina önn. Hvers vegna?
„Ég skráði mig fyrst í VMA en snerist
svo hugur og fór í MA. Eyddi þar einni önn,
líkaði ágætlega en ég áttaði mig strax á að
ég ætti heima á listnámsbraut og þess vegna
færði ég mig þangað. Ég er mjög ánægur á
listnámsbrautinni í VMA. Í fyrsta lagi finnst
mér námið skemmtilegt. Í öðru lagi líkar
mér mjög vel við kennarana. Mér finnst ég
hafa lært mjög mikið, það að vera í mód-
elteikningum tvisvar í viku í skólanum er
svo dæmi sé tekið gríðarlega lærdómsríkt.“
Sjónlistir málið í einni mynd eða annarri
Svo við reynum að horfa fram í tímann. Ligg-
ur fyrir í þínum huga að þú munir helga þig
myndlistinni í framtíðinni og að ekkert fái
þeim áætlunum raskað?
„Ég veit ekki enn að hve miklu leyti það
er í mínum höndum en ég sannfærður að
í einhverri mynd langar mig að starfa við
sjónlistir í framtíðinni, sjónlistir eru mjög
vítt hugtak.“
Gætirðu hugsað þér hönnun?
„Já.“
Hvað með kvikmyndagerð? Þú hefur aðeins
fengist við hana.
„Hún er mjög áhugaverð, ég gæti alveg
hugsað mér að vinna við kvikmyndir en þá
einkum út frá myndlistinni. Ég horfi ekki
mikið á kvikmyndir, en góð kvikmyndada-
gerð eins og ég sé hana er góð tónlist, góðar
bókmenntir og góð myndlist allt í senn
þannig að það ekkert er útilokað.“
Sækirðu listsýningar til að fylgjast með
straumum og stefnum?
„Já, ég reyni að sækja allar sýningar
hér á Akureyri og einnig í útlöndum
þegar maður er á ferðinni þar, sérstaklega
í stærri borgum. Svo notar maður netið líka
mikið og bækur.“
Ertu félagslyndur?
„Ég er hvorki félagslyndur né andfé-
lagslyndur en mér finnst gaman að vera í
góðra vina hópi. Ég þarfnast félagsskapar
en ég nýt mín líka einn og þarf á því að
halda stundum að vera einn.“
Já, ekki málar maður myndir með hjörð af
fólki í kringum sig – eða hvað? Er ekki líka
sagt að það kalli á einangrun að helga sig
listinni?
„Ég veit það ekki.“
Hrifnari af manneskjum en landslagi
Sérðu fyrir þér að þú munir búa á Akureyri í
framtíðinni?
„Sko, ég er hrifnari af stærri þéttbýl-
iskjörnum.“
Er Akureyri kannski á mörkum þess að dæla
í þig nægu súrefni?
„Ja, ég veit það ekki. Eiginlega hef ég
meira gaman af mannlífi en náttúru. Ég
nýt mín best með fóki þegar eitthvað er
að gerast.“
Viltu hafa dýmamík í kring?
„Já. Ég er eiginlega alveg viss um að ég
fari út fyrir landsteinana a.m.k. um tíma
svona meðan maður er að gera upp við sig
framtíðina.“
Þar sem þú hefur a.m.k. fram til þessa helst
heillast af því að mála fólk. Kemur fyrir þegar
þú sérð nýtt andlit að þú segir: Ég verð að
mála þessa manneskju!?
„Ja, það kemur fyrir þegar ég hitti fólk
að mig langar að glíma við að mála það,
en þótt ég hafi eitthvað fengist við að ná
karakter fólks er það eins og ég sagði áðan
fyrst og fremst einkenni, skuggi, birta, litur,
eitthvað abstrakt, sem heilar mig og kemur
mér af stað.“
Frekar en að við séum að tala um að þú sért
bullandi skyggn og sjáir mismunandi liti í
árum fólks og allt það?!
„Já. (hlær). Ég nota andlit sem vettvang
til að leika mér. Vettvang til að leika mér
með liti eða form.“
Ungt fólk í úreltu stjórnmálakerfi
Við ræðum að síðustu nokkur ytri mál. Úlfur
segist pólitískur og á ekki langt að sækja það,
enda faðir hann varaþingmaður og bæjarfull-
trúi.
„Pólitíkin brýst ekki fram í myndun-
um mínum, en ég hef gaman af að tala um
pólitík og hugsa mikið um hana. Ég reyni
að vera meðvitaður.“
Hvers vegna?
„Það er erfitt að svara því, en ég veit
ekki hvernig hægt að aðskilja pólitík frá
öðru í heiminum – kannski er það þess
vegna sem maður hlýtur að hafa áhuga á
pólitík.“
Hvernig slær það þig að aðeins helmingur
ungs fólks hafi sótt kjörstaði í síðustu þing-
kosningum?
„Ég myndi sjálfur alltaf fara á kjörstað
og nota atkvæðið mitt en ég skil vel að sumt
ungt fólk nenni ekki á kjörstað, það verður
að gera greinarmun á þeim sem ekki mæta
á kjörstað vegna áhugaleysis og hinna. Það
getur verið að ein ástæða þess að ungt fólk
kýs ekki sé að fólk sé mjög óánægt með
kerfið, það má halda því fram að með því að
mæta á kjörstaðð og kjósa sértu að viðhalda
kerfi sem þér líkar ekki.“
Hvar staðseturðu sjálfan þig í pólitíkinni?
„Ég held það sé óhætt að segja að ég sé
mjög langt til vinstri.“
Hefurðu áhuga á að blanda þér í pólitík eins
og pabbi þinn?
„Ekki sé ég það fyrir mér, en ég held ég
muni alltaf taka þátt í pólitík með því að tjá
skoðanir mínar og vera aktívur.“
VIÐTAL Björn Þorláksson
MYNDIR Völundur Jónsson
Ég nota and-
lit sem vettvang
til að leika mér.
Vettvang til að
leika mér með
liti eða form.