Vísbending - 23.12.2013, Síða 47

47
Stærsta sveitarfélagið að flatarmáli er aftur á móti Fljót-dalshérað, sem umvefur fimmta fámennasta sveitar-félagið, en í Fljótsdalshéraði búa 3.434, flestir á
Egilsstöðum eða 2.500 manns. Stærðin á sveitarfélaginu er
nákvæmlega sú sama og Púertó Ríkó eða 8.884 ferkílómetrar,
íbúar eyríkisins eru 3,7 milljónir.
Næststærsta sveitarfélagið er Skaftárhreppur í Vestur-Skafta-
fellssýslu, en á tæplega sjö þúsund ferkílómetrum búa 450
manns. Stærðin þúsund ferkílómetrum meiri en Vesturbakkinn
og Gaza, það sem við köllum Palestínu, en þar búa nú 4,3
milljónir.
Þriðja stærsta sveitarfélagið er Hornafjörður, rúmlega 6 þúsund
ferkílómetrar að stærð, svipað og Skútustaðahreppur, oftast
kallaður Mývatnssveit og svo kemur nágranninn Þingeyjar-
sveit. Þessi fimm sveitarfélög eru þau einu sem eru meira en
fimm þúsund ferkílómetrar að stærð. Seltjarnarnes, minnsta
sveitarfélag á Íslandi, er heilir tveir ferkílómetrar, fjórum sinn-
um stærra en minnsta ríki veraldar, Vatíkanið.