Víkurfréttir - 03.11.2011, Blaðsíða 6

6 FIMMTudagurInn 3. nÓVEMbEr 2011 • VÍKURFRÉTTIR
Nýja björgunar- og eftirlitsskipið Þór var svo sannarlega uppi í landsteinum þegar skipherrann Sigurður Steinar Ketilsson
heiðraði sinn gamla heimabæ í hádeginu sl. fimmtudag.
Skipherrann þeytti skipslúðrana þrisvar sinnum við Vatnsnesið en í
fylgdarliði Þórs voru björgunarbátar frá björgunarsveitunum á Suður-
nesjum. Þeir fylgdu varðskipinu til Reykjavíkur þar sem móttökuathöfn
fór fram.
Tvær efstu myndirnar af Þór tók Einar Guðberg Gunnarsson en
neðstu myndina af skarfinum að fylgjast með skipinu tók Jón William
Magnússon.
Reykjanesbær hefur ítrekað boð til Landhelgisgæslunnar
um að heimahöfn hins nýja björg-
unar- og eftirlitsskips, Þórs, verði
í Reykjanesbæ. Í bókun á fundi
bæjarráðs Reykjanesbæjar sl.
fimmtudagsmorgun var eftirfar-
andi bókun samþykkt:
„Bæjarráð Reykjanesbæjar sam-
fagnar Landhelgisgæslunni við
komu hins stórglæsilega varðskips
Þórs og ítrekar um leið boð um
heimahöfn í Reykjanesbæ“.
Skipherra á Þór er Keflvíkingurinn
Sigurður Steinar Ketilsson.
Bjóða Þór heimahöfn í Reykjanesbæ
Þór uppi í landsteinum
Skarfurinn fylgist með nýja Þór. Mynd: Jón Willam Magnússon
Nýi Þór er glæsilegur hvernig sem á hann er horft.
Mynd: Einar Guðberg Gunnarsson
Tillaga um stofnun ungmenn-aráðs Reykjanesbæjar var
samþykkt á bæjarstjórnarfundi
nú síðdegis á þriðjudag. Einnig
var tillaga um siðareglur fyrir
kjörna fulltrúa samþykkt.
Fulltrúi Framsóknarflokksins
sem er í minnihluta í bæjarstjórn
lagði fram tillögurnar sl. haust en
þær voru síðan sendar í sérstaka
nefnd sem hefur unnið frekar að
framgangi þeirra með einhverjum
breytingum. „Við erum auðvitað
svakalega stolt að þessar tillögur
sem við lögðum fram í okkar kosn-
ingabaráttu hafi náð fram að ganga,
þó við séum bara með einn fulltrúa
í bæjarstjórn. Mér þótti við hæfi að
standa upp í bæjarstjórnarfund-
inum og þakka fyrir umfjöllunina
og afgreiðsluna í bæjarstjórninni,“
sagði Silja Dögg Gunnarsdótt-
ir, varabæjarfulltrúi framsókn-
armanna í Reykjanesbæ.
Markmið siðareglna er að skil-
greina það hátterni sem ætlast er til
að kjörnir fulltrúar sýni af sér við
störf sín fyrir hönd bæjarfélagsins
og upplýsa íbúa um þær kröfur sem
gerðar eru til þeirra.
Tilgangur með Ungmennaráði
Reykjanesbæjar er að UNGÍR, sem
er skammstöfun ráðsins, sé bæj-
arstjórn til ráðgjafar um málefni
ungs fólks í bæjarfélaginu og þjálfa
ungmenni, yngri en 18 ára í lýð-
ræðislegum vinnubrögðum.
Báðar þessar tillögur voru sam-
þykktar með öllum greiddum at-
kvæðum.
Nú er Getraunaleikur Keflavíkur að hefjast að nýju en leikurinn fór af stað í fyrra og tókst vel.
Í vetur verður getraunastarfið í Félagsheimilinu við
Sunnubraut frá kl. 10:30 til 13:00 á laugardögum.
Svona mun leikurinn ganga fyrir sig.
1. Hópleikurinn er öllum opinn sem vilja taka þátt
í getraunastarfi Keflavíkur 230. Tveir einstaklingar
mynda hvern hóp og gefa honum nafn til aðgreiningar
frá öðrum hópum. Þátttökugjald er kr. 5.000,- fyrir
hópinn og greiðist í síðasta lagi við skráningu.
2. Hópunum er síðan skipt í riðla þannig að aldrei séu
færri en 8 hópar í hverjum riðli og aldrei fleiri en 12.
3. Hópurinn sendir inn tvo seðla á þar til gerð blöð sem
Keflavíkur-getraunir láta í té, þessir tveir seðlar skulu
hvor um sig innihalda 7 leiki með einu merki og 6 leiki
með tvítryggingu.
4. Raðirnar skulu vera komnar til Keflavíkur-getrauna
fyrir lokun sölukerfis Íslenskra getrauna. Tekið er á
móti röðunum á laugardögum í Félagsheimilinu við
Sunnubraut frá kl. 10:30 til 13:00. Einnig er hægt að
senda raðirnar á netfangið 1x2@keflavik.is eða hringja
á laugardögum í síma 421-3044.
5. Riðlakeppnin stendur yfir í 15 vikur. Að lokinni
riðlakeppni fara tveir efstu hóparnir úr hverjum riðli
í tvo úrvalsdeildarriðla þar sem keppt er í fjórar vikur.
Efstu liðin úr hvorum riðli keppa síðan til úrslita um
sæmdarheitið Getraunameistari Keflavíkur-getrauna.
Þau lið sem eru efst í sínum riðli taka með sér tvö stig í
úrslitin. Þau lið sem ekki komast í úrvalsdeildarriðlana
verður síðan skipt í riðla og keppa í fjórar vikur um
"Afturrúðubikarinn".
6. Raðirnar sem hóparnir senda inn fara ekki sjálfkrafa
í sölukerfi Íslenskra getrauna, heldur þarf hver hópur
að senda þær þangað sérstaklega.
7. Gleymi hópur að senda inn raðir eina vikuna þá
gildir lægsta skor vikunnar í þeim riðli sem viðkom-
andi hópur er í.
8. Þegar spilað er í úrslitum eða lið eru jöfn í riðla-
keppninni þá kemst það lið áfram sem hefur fleiri
útisigra rétta. Sé enn jafnt þegar útisigrar eru taldir þá
gilda jafnteflisleikir. Sé enn jafn þegar þeir leikir eru
skoðaðir þá er varpað hlutkesti.
Hópgetraunir Keflvíkinga aftur í gang
Bæjarstjórn Reykjanesbæjar sam-
þykkir ungmennaráð og siðareglur