Víkurfréttir - 03.11.2011, Blaðsíða 30

30 FIMMTudagurInn 3. nóveMber 2011 • VÍKURFRÉTTIR
›› Keflvíkingar eru gagnrýndir fyrir að vera með þrjá erlenda leikmenn í liði sínu í Iceland Express deildinni
í körfubolta. Mörgum finnst ungu leikmennirnir ekki fá næg tækifæri hjá Sigurði Ingimundarsyni,
þjálfara, á meðan Njarðvíkingar fara aðra leið með góðum árangri:
Sigurður Ing imundars on þjálfari Keflvíkinga svarar
þeirri gagnrýni að Keflvíking-
ar séu komnir með þrjá erlenda
leikmenn fullum hálsi og segir
að Keflvíkingar ætli sér að vera í
toppbaráttu og að hann vilji ekki
að ungu leikmennirnir hans fari
of hratt út í djúpu laugina.
„Þessi ákvörðun um að semja
við Steven Gerard var tekin af
því að við vorum ekki með neitt
sérstaklega marga menn, nema
bara unga stráka. Þó svo að einhver
lið hafi stært sig af því að keyra á
ungum mönnum þá viljum við
meira en það. Arnar Freyr sem
leikur í þessari stöðu hefur verið
meiddur og hefur verið að spila
töluvert þannig,“ segir Sigurður en
fyrir skömmu sömdu Keflvíkingar
við leikstjórnandann Steven
Gerard sem lék með Keflvíkingum
um stutta hríð árið 2008. „Við
erum líka að nota Steven í þjálfun
í unglingastarfinu og hann er ekki
bara einhver leikmaður, þetta
er fyrrum leikmaður okkar sem
við þekkjum vel til. Það eru þess
vegna nokkrar ástæður fyrir því
að við náðum í hann, í fyrsta lagi
er þetta góður leikmaður og auk
þess misstum við bara það mikið
af leikmönnum í fyrra. Þrátt fyrir
að vera með þessa þrjá erlendu
leikmenn þá erum við ekkert
með sama lið og við höfum haft
undanfarin ár.“
En eru ungu strákarnir þá
ekki tilbúnir til þess að leika
lykilhlutverk?
„Jú þeir spila alveg slatta hjá okkur
og þeirra hlutverk fer stækkandi.
Þetta eru strákar sem eru að spila
í drengja- og unglingaflokki og eru
því að spila mjög mikið. Þannig
að ég vil frekar að þeir fari hægt
og rólega inn í þetta í stað þess að
henda þeim strax í djúpu laugina.“
Það hefur verið umtalað það sem
er að gerast í Njarðvík og Sigurður
segist ekki vilja fara þá leið.
Hafa Keflvíkingar efni á
þessum leikmanni?
„Já við erum með mjög fáa leikmenn
sem eru á launum og sennilega
minna en nokkurn tímann hefur
verið, þannig að það er ekki að ríða
baggamuninn.“
Hvað viltu segja við þá
sem eru á móti því að
Keflvíkingar séu með þrjá
erlenda leikmenn?
„Það eru tólf leikmenn í Kefla-
víkurtreyjunni og þeir eru allir í
Keflavíkurliðinu, sama hvaðan þeir
koma. Hvort sem við myndum
kaupa leikmanninn frá litlu bæj-
arfélagi hér á Íslandi eða litlum bæ
erlendis frá, það er ekki aðalatriðið.
Keflvíkingar eru vanir því að vera
að berjast um titla og við viljum
halda því áfram. Kannski kostar
það okkur eitthvað en við erum
ekki tilbúnir að vera ekki að berj-
ast á toppnum. Við stefnum alltaf
hátt og gerum allt sem við getum
til þess, þó svo að við séum ekkert
að fara fram úr okkur, það er langt
í frá.“
Vill ekki senda ungu strákana of
snemma út í djúpu laugina
Þetta eru
Óskarsverðlaun
körfuboltamanna
– segir Tómas Tómasson,
„körfuboltaumboðsmaður Íslands“
Ég kynntist honum á þeim t í m a þ e g a r h a n n v a r
hjá Chicago Bulls og ég fór
þangað ti l að fylgjast með
undirbúningstímabilinu og
öðru slíku. Svo fékk ég hann
til að koma hingað til lands og
vera með þjálfarafyrirlestur
árið 2004-2005, við höfum svo
haldið sambandi síðan,“ segir
Keflvíkingurinn Tómas Tómasson
sem nýlega var viðstaddur
at h öf n þ e g a r b a n d a r í s k i r
körfuboltamenn heiðra leikmenn
og aðra tengda körfuboltanum
fyrir afrek sín á ferlinum. Af
því tilefni eru menn vígðir inn í
frægðarhöllina svokölluðu (Hall
Of Fame). Tómas var þar gestur
þjálfarans Tex Winter sem m.a.
fann upp hina frægu þríhyrnings-
sókn sem Phil Jackson hefur gert
ódauðlega en Tómas hefur verið
umboðsmaður körfuboltamanna
og staðið fyrir námskeiðum og
öðru tengdu íþróttinni.
Tex Winter þessi hefur fengist við
þjálfun frá árinu 1951 og var m.a.
aðstoðarþjálfari Phil Jackson hjá
bæði Chicago og Lakers. Tómas
segir það vissulega hafa komið
sér á óvart að sér hafi verið boðið
en aðeins nokkrir útvaldir gestir
máttu koma í boði Tex. „Ég átti
alls ekki von á því að mér yrði
boðið. Kallinn hefur hins vegar
alltaf verið velviljaður og reynst
mér vel. Hann kom m.a. hingað til
lands á sínum tíma og oftar en ekki
hafa svona virtir þjálfarar vissar
kröfur og vilja að hlutirnir séu á
ákveðinn hátt þegar þeir halda
svona fyrirlestur eða námskeið.
Tex Winter tók hins vegar enga
þóknun fyrir, hann flaug ekki á
fyrsta farrými og hann vildi heldur
aldrei fá tvær máltíðir, heldur vildi
hann skipta einni máltíð milli sín
og konunnar sinnar. Þetta er bara
alger öðlingur. Hann er af gamla
skólanum sem maður óskaði að
fleiri væru af. Það er ekki til egó í
þessum manni.“
Athöfnin sem tekur þrjá daga fer
fram í Springfield, Massachusetts
og þangað mæta all flestir sem
nokkurn tímann hafa verið vígðir
inn í frægðarhöllina. „Maður hitti
mikið af þessum stjörnum en
gestirnir gista aðeins á tveimur
hótelum í bænum og því rekst maður
á alla þessa kalla. Ég hitti til dæmis
David Stern framkvæmdastjóra
NBA og spjallaði við hann, svo
hitti maður Dr. J og Barkley og
marga aðra.“ Tómas segir þetta
vera mikla upplifun að fara á
svona athöfn en hann myndi
ekki nenna þessu á hverju ári.
Hann segir Bandaríkjamenn vera
sérfræðinga í því að gera hlutina
væmna og dramatíska. „Þetta
getur verið svolítið yfirgengilegt
og þeir ná að gera 10 mínútna
athöfn að einhverju þriggja tíma
dæmi. Þetta stóð yfir í þrjá daga og
síðasta daginn þá hreinlega nennti
ég þessu ekki,“ en aðal athöfnin
er á föstudeginum. Tómas sat
þar á öðrum bekk og segir þetta
hafa verið hálf súrrealistískt enda
umvafinn mörgum goðsögnum
úr NBA deildinni. „Maður lítur
aftur fyrir sig og þar situr Charles
Barkley ásamt fleirum goðsögnum
og þetta er bara hálf kjánalegt,“
en Tómas spjallaði við flesta þessa
kappa sem voru á svæðinu.
„Ræðan hjá Dennis Rodman var
svakaleg og breyttist í eitthvert
fjölskyldudrama þar sem hann
sendi móður sinni tóninn, hann
er soddan ægileg tilfinningavera
kallinn. Hann er mjög skrítinn
náungi, þegar þú talar við hann
einn á einn þá virkar hann
bara feiminn og hann er mjög
viðkunnalegur. En um leið og
það eru komnar myndavélar og
míkrófónar á svæðið þá umturnast
hann og verður allt annar.
Þetta var auðvitað mjög gaman
og ég hafði mest gaman af því að
hitta Tex. Ég hef ekki hitt hann
lengi en hann fékk heilablóðfall
fyrir tveimur árum og hefur átt
erfitt með tal síðan þá, hann er
líka að verða 90 ára á þessu ári.
Ég hef verið í tölvupóstsambandi
við hann og hann sendi mér póst
og spurði hvort ég hefði áhuga
á því að mæta. Ég þurfti ekki að
hugsa mig tvisvar um og maður
hefur lent í miklu verri boðum
en þessu. Maður er auðvitað
körfuboltaáhugamaður og þetta
eru okkar Óskarsverðlaun,“ sagði
Tómas Tómasson að lokum.