Víkurfréttir - 05.01.2012, Blaðsíða 4

4 FIMMTUdagUrInn 5. janúar 2012 • VÍKURFRÉTTIR
Tekið er á móti auglýsingum á póstfangið gunnar@vf.is. Auglýs-
ingar berist fyrir kl. 17 á þriðjudegi fyrir útgáfudag sem er almennt á
fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Sé fimmtudagur
frídagur þá kemur blaðið út á miðvikudögum og þá færist skilafrestur
auglýsinga fram um einn sólarhring.
Efni til Víkurfrétta skal sendast á póstfangið vf@vf.is. Aðsendar greinar
birtast á vef Víkurfrétta, vf.is. Það er mat ritstjórnar hvaða aðsendu
greinar birtast í prentaðri útgáfu blaðsins. Ekki er greitt fyrir aðsent
efni, texta eða myndir, hvort sem það birtist í blaðinu eða á vefsíðum
Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011, thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Leiðari Víkurfrétta
PÁLL KETILSSON, RITSTJÓRI
Það er óhætt að segja að árið hafið byrjað með
stórfrétt fyrir okkur Suðurnesjamenn. Oddný
G. Harðardóttir var skipuð fjármálaráðherra
í byrjun vikunnar, öllum á óvart og ekki síst
henni. Pólitíkin er skrýtin og þessari ákvörðun fögnum við
Suðurnesjamenn því það hefur lengi verið draumur okkar
allra að fá ráðherra, hvað þá fjármálaráðherra.
Við skulum vona að Oddný verði já ráðherra. Suðurnesja-
menn hafa aldrei átt neinn slíkan og hafa í gegnum tíðina
ekki verið mjög ánægðir með þingmennina sína. Ekki
fundist þeir nógu miklir hagsmunapólitíkusar eins og Árni
Johnsen er fyrir Eyjamenn, Jón Bjarnason fyrir sitt fólk og
fleiri dæmi mætti nefna um þingmenn og ráðherra sem
hafa hugsað um sín kjördæmi og nærumhverfi. Þegar við
spurðum Oddnýju í viðtali eftir tveggja daga starf í vikunni
hvort hún myndi ekki hugsa um sitt fólk svaraði því hún
auðvitað játandi. Hún verður því vonandi Já Suðurnesja-
ráðherra. Það er virkileg þörf á slíkum ráðherra núna.
Hér er mesta atvinnuleysi landsins, flest gjaldþrot, hér eru
flestir öryrkjar, minnsta menntunin og versta veðrið auk
fleiri þátta sem mætti nefna. Oddný ráðherra getur tekið til
í flestum þessum þáttum. Atvinnuþátturinn er þó stærstur
og kemur að hluta til undir fjármálaráðherra. Veðrinu
getum við sleppt. Það vita allir að hér er vindasamt en að
sama skapi er lítil loftmengun. Oddný þarf að fara í fremstu
víglínu í að ýta álverinu af stað. Breytast í Gumma Steinars
í sókninni og skora mörk. Nú þurfum við að hugsa um
sóknina eftir langvarandi varnarleik. Kannski örlítið í stíl
við gengi Keflavíkurliðsins á síðasta ári og við getum bætt
gengi Grindvíkinga við. Bæði lið sem sagt í botnbaráttu á
síðasta ári og ætla bæði að horfa fram á við, sækja titla með
öllum tiltækum ráðum. Hvort sem fyrrverandi Júgóslavi
eða örvinglaður Guðjón Þórðarson eru við stjórnvölinn.
Nú segjum við sama við Oddnýju. Í sóknina með þig!
Steingrímur og Jóhanna geta verið í marki og í vörn og
varist en þú þarft að sækja og skora mörk. Mörg mörk.
Hafðu þetta í huga kæra Oddný ráðherra.
Suðurnesjamenn óska þér til hamingju með að vera
fyrsta konan í embætti fjármálaráðherra og einnig fyrsti
þingmaður á Suðurnesjum sem verður ráðherra. Við vonum
að við getum óskað þér til hamingju með frammistöðuna
þegar starfi þínu í fjármálaráðuneytinu lýkur. Nú liggur
mikið við og nú treystum við á þig.
Við á Víkurfréttum óskum Suðurnesjamönnum öllum
gleðilegs nýs árs með þakkir fyrir góð samskipti á liðnu
ári.
vf.is
Ekki er vika án Víkurfrétta - sem koma næst út fimmtudaginn 12. janúar 2012. Bókið auglýsingar í síma 421 0001 eða gunnar@vf.is
Já ráðherra!
Fréttaflutningur síðustu mánaða og ára hefur, að mati höfunda, verið
nokkuð einhæfur þegar kemur að fréttum
af Suðurnesjum. Eðli fréttamennskunnar
og fjölmiðla er því miður þannig að hið
neikvæða fær meiri athygli en jákvæðar
fréttir. Ekki verður hjá því komist að taka
eftir að óvenju mikið hefur verið fjallað
um það neikvæða hér á Suðurnesjum, svo
sem slæmt atvinnuástand og afleiðingar
þess. Umfjöllun um menntamál á svæðinu
tengist oftar en ekki lélegum árangri á
samræmdum prófum og lítið eða ekkert
er fjallað um góðan árangur þar sem hann
er að nást á öðrum sviðum. Ekkert svæði
er þannig samsett að þar sé einungis að
finna neikvæðar fréttir, það er líka alltaf
eitthvað gott og uppbyggilegt að gerast
á hverjum stað. Það má ekki gleyma því
að margir á Suðurnesjum eru að standa
sig vel í námi og starfi og margir skólar
og fyrirtæki að gera mjög góða hluti á
ýmsum sviðum. Það sést vel ef síðustu
greinar Menntavagnsins eru skoðaðar að
metnaður skóla hér á svæðinu til að gera
vel er mikill auk þess sem framboð ýmissa
félagslegra úrræða er mjög fjölbreytt.
Árið 2010 voru lagðar fyrir kannanir
á menntun, menningu, tómstundum,
íþróttaiðkun og framtíðarsýn ungmenna í
öllum grunnskólum og framhaldsskólum á
landinu. Kannanirnar voru framkvæmdar
af rannsóknamiðstöðinni Rannsóknir
og greining en þær eru lagðar fyrir með
reglulegu millibili, síðast árið 2007 en
fyrst árið 1992. Í grunnskólum tóku
nemendur 9. og 10. bekkjar þátt, hér á
Suðurnesjum voru það alls 553 krakkar.
Framhaldsskólakönnunin var lögð fyrir
nemendur í Fjölbrautaskóla Suðurnesja
og tóku 606 manns þátt. Svarhlutfall í
báðum könnunum var mjög gott, bæði
hér á Suðurnesjum og á landsvísu.
Kannanirnar í grunnskólum annars
vegar og framhaldsskólum hins vegar
eru ekki nákvæmlega eins svo ekki er
gott að bera þær sérstaklega saman en
þær gefa skýra mynd af stöðu ungmenna
hérna í samanburði við önnur ungmenni
í grunn- og framhaldsskólum landsins.
Ef rýnt er í niðurstöður þessara kannana
og niðurstöður hér á Suðurnesjum
bornar saman við höfuðborgarsvæðið og
landsbyggðina kemur ýmislegt ánægjulegt
í ljós. Á sama tíma og menntunarstig
á svæðinu er frekar lágt eru til dæmis
fleiri foreldrar á Suðurnesjum en annars
staðar á landinu í námi. Hlýtur það að
teljast jákvætt þar sem það er styrkur fyrir
svæðið að sem flestir afli sér menntunar
og nýti þau tækifæri sem bjóðast hverju
sinni og ætti það að leiða til hærra
menntunarstigs hérna í framtíðinni.
Í grunnskólum á Suðurnesjum eru fleiri
nemendur en annars staðar sem leggja
rækt við námið og fleiri nemendur en
annars staðar á landinu sem telja foreldra
sína finnast mikilvægt að þeir standi sig
vel í náminu. Í framhaldsskólanum eru
færri nemendur en annars staðar á landinu
sem finnst námið ekki mikilvægt. Allt eru
þetta jákvæðar niðurstöður fyrir okkur
hér á Suðurnesjum sem benda bæði til
þess að nemendur hér reyni að leggja
sig fram við námið og að þeir, jafnt sem
foreldrar, telji mikilvægt að mennta sig.
Í könnuninni meðal grunnskólanemenda
voru þeir spurðir hvort þeir finndu
fyrir ýmsum einkennum ADHD sem
er ofvirkni með athyglisbresti. Á Suður-
Bjart með köflum

0
5
10
15
20
25
Suðurnes Höfuðborgarsvæðið Landsbyggðin
18,2%
21,3%
22,1%
12,6%
18,3%
16%
%
Upplifun nemenda af einkennum ADHD
Ég tala oft eða
mjög oft óhóflega
mikið
0
1
2
3
4
5
6
7
8
9
Suðurnes Höfuðborgarsvæðið Landsbyggðin
4,2%
6,2%
8,5%
%
Ég þarf aldrei að vinna heimavinnu
Grunnskóli

0
5
10
15
20
25
Suðurnes Höfuðborgarsvæðið Landsbyggðin
18,2%
21,3%
22,1%
12,6%
18,3%
16%
%
Upplifun nemenda af einkennum ADHD
Ég tala oft eða
mjög oft óhóflega
mikið
0
1
2
3
4
5
6
7
8
9
Suðurnes Höfuðborgarsvæðið Landsbyggðin
4,2%
6,2%
8,5%
%
Ég þarf aldrei að vinna heimavinnu
Grunnskóli

0
10
20
30
40
50
60
70
80
90
Suðurnes Höfuðborgarsvæðið Landsbyggðin
82,9%
74,8%
69,5%
52,3%
47,4%
49,9%
%
Ég vinn ekki með skólanum
Grunnskóli
Framhaldsskóli
nesjum eru færri nemendur en annars
staðar á landinu sem finna fyrir þessum
einkennum. Dæmi um niðurstöður
svona spurninga má sjá í töflu nr. 1.
Hlutfall framhaldsskólanemenda sem segjast
vera greindir með athyglisbrest er 7,8% á
Suðurnesjum, 10,5% á höfuðborgarsvæðinu
og 9,9% á landsbyggðinni.
Grun skólanemendur voru jafnframt
spurðir að því hvort þeim finnst þeir vera
lagðir í einelti í skólanum. Ef einn nemandi
svarar þessari spurningu játandi er það
alltaf einum nemanda of mikið, og því
miður voru þeir fleiri en það. Suðurnesin
eru þó ekki að koma verr út en aðrir staðir
á landinu hvað einelti varðar. Hlutfall þeirra
sem telja sig verða fyrir einelti í skólanum
er það sama og á höfuðborgarsvæðinu
eða 1,5% grunnskólanemenda. Á
landsbyggðinni er hlutfallið 2,2%.
Hér á Suðurnesjum virðist vera meira um
það að grunnskólanemendum sé sett fyrir
heimavinna en annars staðar á landinu, því
hlutfall þeirra sem segjast aldrei þurfa að
vinna heimavinnu er lægra hér en bæði á
höfuðborgarsvæðinu og landsbyggðinni.
Niðurstöðurnar má sjá í töflu nr. 2.
Færri nemendur, bæði í grunnskóla
og framhaldsskóla, vinna með námi á
Suðurnesjum en annars staðar á landinu.
Niðurstöðurnar má sjá í töflu nr. 3. Í
ljósi atvinnuleysis á svæðinu er líklegt að
erfiðara sé fyrir skólakrakka að fá vinnu
með námi, en það hlýtur þó að teljast
jákvætt að þeir einbeiti sér þá frekar
að náminu sem er í reynd full vinna
fyrir flesta sem vilja standa sig vel.
Þegar kemur að framtíðarsýn ungmenna
á Suðurnesjum stefna langflestir
á áframhaldandi nám að loknum
grunnskóla og framhaldsskóla, það
er að segja álíka margir hér og annars
staðar á landsbyggðinni. Hlutfallið er
örlítið hærra á höfuðborgarsvæðinu. Á
Suðurnesjum stefna 4,3% í vinnu eftir
grunnskólann, 4,5% á landsbyggðinni
en 2,7% á höfuðborgarsvæðinu.
Grunnskólanemendurnir hérna eru almennt
jákvæðari en þeir á höfuðborgarsvæðinu
eða landsbyggðinni, hvað atvinnuhorfur
í framtíðinni varðar þegar spurt er um
möguleika á góðu starfi, hærri tekjum
en foreldrar og líkum á atvinnuleysi.
Þó að ástandið sé stundum dökkt þá er
það sjaldnast svo dökkt að það lýsi ekki
einhvers staðar í kringum okkur. Það má
alltaf finna ljósa punkta innan um og eftir
því sem maður leitar betur og einbeitir
sér að þeim og því jákvæða í samfélaginu,
fer því fjölgandi sem maður getur verið
ánægður með. Það má því alls ekki gleymast
í umræðunni um atvinnu- og menntamál
á Suðurnesjum að það er ýmislegt gott að
eiga sér stað, samhliða öðru sem þarf að
ráða bót á. Mun auðveldara er að takast á
við vandamálin ef hugsað er í lausnum og
einblínt á það jákvæða og uppbyggilega.
Verkefnisstjórar um eflingu menntunar
á Suðurnesjum tóku saman,
Hanna María Kristjánsdóttir
og Rúnar Árnason
Tafla 1 Tafla 2 Tafla 3