Víkurfréttir - 05.01.2012, Blaðsíða 9

9VÍKURFRÉTTIR • FIMMTUdagUrInn 5. janúar 2012
AUGLÝSING
DEILISKIPULAG
fyrir íþróttasvæði, tjaldsvæði og Aragerði
Sveitarfélaginu Vogum.
Með vísan til ákvæða 41. gr. skipulagslaga nr. 123/2010 hefur bæjarstjórn Sveitarfélagsins Voga
þann 28. desember, 2011 samþykkt að auglýsa tillögu að deiliskipulagi fyrir íþróttasvæði,
tjaldsvæði og Aragerði, Sveitarfélaginu Vogum.

Deiliskipulagssvæðið afmarkast af Vatnsleysustrandarvegi til austurs, Hafnargötu til suðurs,
íbúðarlóðum við Egilsgötu, Austurgötu og Mýrargötu til vesturs, íbúðarlóðum við Staðarborg,
og Gíslaborg til norðvesturs og safngötunni Grænuborg til norðausturs. Svæðið er rétt tæpir 9
hektarar að atarmáli og nær til 3ja skilgreindra svæða í aðalskipulagi, íþróttasvæði við
Hafnargötu, OS-1 (5,5 ha), Aragerði og nágrenni, OS2-3 (2,7 ha) og íþróttamiðstöð og sundlaug
Þ-4 (0,8 ha). Deiliskipulagstillagan felur m.a. í sér að skilgreind eru íþróttasvæði með völlum og
leiksvæðum, tjaldsvæði og lóðir fyrir þjónustuhús, söluturn og smáhýsasvæði og bæjar-
garðurinn Aragerði. Tillagan er sett fram á uppdrætti og í greinargerð dags. 21.12.2011 og vísast
til hennar um nánari upplýsingar.
Tillagan verður til sýnis á skrifstofu Sveitarfélagsins Voga, Iðndal 2, 190 Vogar frá 2. janúar til
20. febrúar 2012. Tillagan er einnig aðgengileg á vef Sveitarfélagsins Voga, www.vogar.is
Þeim sem eiga hagsmuna að gæta er hér með genn kostur á að gera athugasemdir við
tillöguna. Skila skal skriegum athugasemdum til skrifstofu Sveitarfélagsins Voga, Iðndal 2, 190
Vogar eigi síðar en mánudaginn 20. febrúar 2012. Hver sá sem ekki gerir athugasemdir við
tillöguna innan tilskilins frests telst samþykkur henni.
Vogum, 29. desember 2011.
F.h. bæjarstjórnar,
Ásgeir Eiríksson, bæjarstjóri
Ég hitti Ingólf Bárðarson í fyrsta sinn á miðju ári 1990 þá sem einn
af umsækjendum um stöðu bæjarstjóra
í Njarðvík. Ingólfur var forseti bæjar-
stjórnar Njarðvíkur eftir bæjarstjórnar-
kosningarnar 1990 og voru hann og Sól-
veig Þórðardóttir bæjarfulltrúi að kanna
umsækjendur. Þetta voru fyrstu kynni
mín af Njarðvíkingum sem leiddu til
þess að fjölskylda mín hefur verið þar
síðan. Ég tel mig hafa verið lánsaman að
koma til Njarðvíkur og hefja störf með
þáverandi bæjarstjórn Njarðvíkur undir
leiðsögn Ingólfs Bárðarsonar. Honum
var mikið í mun að fjölskyldu minni
liði vel í Njarðvík og lagði sig fram um að svo gæti orðið. Ingó var ein-
staklega þægilegur í umgengni, jákvæður og áhugasamur. Hann hafði
fyrir venju að líta við á skrifstofunni hjá mér á hverjum degi og var
mikill stuðningur í því fyrir mig því hann þekkti allt og alla. Ingó var
alltaf mjög heill í öllum okkar samskiptum og vildi ávallt leiða mál til
betri vegar.
Það var mikið um að vera í málefnum bæjarins þau ár sem við störfuðum
saman og Ingó vildi koma sem flestu í verk en hann var einn af þeim sem
vildi láta verkin tala. Okkar fyrsta verkefni var í umhverfismálunum og
varð Njarðvík fljótlega eitt af fremstu bæjarfélögum á því sviði og má þar
nefna innkomuna í gegnum Njarðvík, hreinsun bæjarins og upphafið að
skolphreinsikerfinu í Njarðvík. Atvinnuleysi var mikið um tíma og tókst
að leysa það farsællega. Mikil landakaup voru á þessum árum og keypti
bærinn m.a. allan Stapann, Sólbrekkur og Seltjörn. Vinatengsl við vinabæi
okkar í Noregi og Danmörku voru efld og nutum við gestrisni frænda
okkar sem var endurgoldið hér heima. Fundir með bæjarbúum voru
árviss viðburður í bæjarlífinu þar sem bæjarstjóri ásamt bæjarstjórn héldu
hverfafundi með fólkinu. Þetta voru góðir fundir sem sköpuðu mikil og
góð tengsl við íbúana. Ingólfur var eindreginn stuðningsmaður þess að öll
sveitarfélögin á Suðurnesjum sameinuðust í eitt sveitarfélag. Niðurstaðan
af þeirri vinnu var að Njarðvík, Keflavík og Hafnir sameinuðust í eitt
sveitarfélag 1994 sem nú heitir Reykjanesbær.
Það var alltaf mikið líf og fjör í kringum Ingólf og fengum við oft að njóta
þess gamla bæjarstjórnin. Það hafði skapast sú hefð að bæjarstjórnin
ásamt mökum færi saman í eina ferð á ári og kynnti sér aðstæður í öðrum
sveitarfélögum. Var þá farið í kynningu til að læra af þeim þar sem vel
hafði til tekist. Þrátt fyrir að bæjarstjórnin í Njarðvík hafi skilað af sér 1994
hefur gamla bæjarstjórnin haldið áfram að fara í ferðir ásamt mökum og
víkkuðum við ferðahringinn út og þá til ferðalaga erlendis. Það var ávallt
mikið líf og fjör í þessum ferðum og ævinlega hægt að treysta því að Ingó
héldi uppi stuði með leikjum og sprelli langt fram á nótt. Þessi hópur kallar
sig í dag Átthagafélag bæjarstjórnar Njarðvíkur.
Ingólfur var mikill Njarðvíkingur og vann ötullega að félagsstörfum m.a.
í Lionsklúbbi Njarðvíkur og það skarð sem Ingólfur skilur eftir í Njarðvík
því stórt. Við í Átthagafélaginu munum minnast starfsins og ferðanna með
Ingólfi og þeirrar miklu lífsgleði sem ávallt fylgdi honum. Að leiðarlokum
færum við honum miklar þakkir fyrir góðar samvistir. Kæra Dóra, þinn
missir er mikill. Við í Átthagafélaginu viljum færa þér og fjölskyldu þinni
innilegar samúðarkveðjur vegna fráfalls góðs eiginmanns og vinar.
Blessuð sé minning Ingólfs Bárðarsonar.
Kristján Pálsson
Ingólfur Bárðarson - minning
FRÉTTAMYND áRsiNs
Gunnar Einarsson, auglýsingastjóri Víkurfrétta, tók fréttamynd ársins á Suðurnesjum. Myndin er táknræn
fyrir fall Sparisjóðsins í Keflavík. Á myndinni er verið að taka niður ljósaskilti Sparisjóðsins í Njarðvík.
BRUNi áRsiNs
Mikið bál varð við Bolafót í Njarðvík.
Þar brann allt sem brunnið gat
í stórbruna á árinu. Slökkvilið
fékk lítið ráðið við bálið en tókst
hins vegar að bjarga miklum
verðmætum undan eldtungunum.
FLUGVÖLLUR áRsiNs
Keflavíkurflugvöllur naut mikilla
vinsælda á árinu. Aldrei höfðu
fleiri flugfélög stundað þangað
reglulegt flug og þá var vonda
veðrið í Keflavík vinsælt hjá
flugvélaframleiðendum á árinu
sem gerðu ýmsar tilraunir í
hávaða roki á vellinum.
VERsLUN áRsiNs
Fríhöfnin á Keflavíkurflugvelli
er sannarlega verslun ársins á
Suðurnesjum. Flugstöðin er
stóriðjan okkar í dag og mikill
fjöldi Suðurnesjamanna stundar
vinnu í Fríhöfninni. Þá er
Fríhöfnin alltaf að gera eitthvað
nýtt og er með ferska strauma í
verslun og þjónustu í Flugstöðinni.
VEisLA áRsiNs
Þorrablótið í Garðinum var örugglega veisla ársins. Um 700 manns
mættu í þessa þjóðlegu matarveislu sem haldin er af Björgunarsveitinni
Ægi og Knattspyrnufélaginu Víði. Veislan í ár verður ekki minni.
sTAURAR áRsiNs
Ljósastaurar komust oft í fréttir á árinu. Stæsta fréttin var þegar slökkt
var á öðrum hverjum ljósastaur á Reykjanesbrautinni. Þessi staur við
Hafnargötuna hlaut hins vegar bráðan bana þegar ekið var yfir hann
við gangbraut. Ótrúlegt hvað staurar geta flækst fyrir ökumönnum.