Víkurfréttir - 05.01.2012, Blaðsíða 6

6 FIMMTUdagUrInn 5. janúar 2012 • VÍKURFRÉTTIR
Drög að samstarfssamningi vegna sameiginlegs skipu-
lags- og byggingafulltrúa fyrir
sveitarfélögin Garð og Sandgerði
voru lögð fyrir síðasta bæjar-
stjórnarfund í Garði.
Samkvæmt samningnum mun
kostnaður Garðs vegna embættis
byggingafulltrúa lækka lítillega
á ársg r undvel l i og v iðvera
byggingafulltrúa aukast úr 48 klst.
á mánuði í 80 klst. auk þess sem
yfirtíð og kostnaður vegna funda
utan hefðbundins vinnutíma verður
hluti af launum byggingafulltrúa.
Kostnaður vegna sameiginlegra
funda byggingafulltrúa verður
einnig lægri þegar sá kostnaður
deilist á tvö sveitarfélög.
Viðvera og þjónusta skrifstofu bygg-
ingafulltrúa við bæjarbúa eykst því
um 45% án kostnaðarhækkunar,
segir í fundargerð bæjarstjórnar.
Bæjarstjórn Garðs vill því bóka
þakklæti sitt til Páls S. Pálssonar og
Verkfræðistofunnar fyrir afar far-
sælt og gott samstarf sl. 15 ár sem
mun þó halda áfram með öðrum
verkefnum. Verkfræðistofa Suður-
nesja mun verða aðili að samstarfi
Sandgerðis og Garðs um starf
byggingafulltrúans og standa á bak
við hann sem faglegur bakhjarl.
Gert er ráð fyrir því að sameigin-
legur byggingafulltrúi Garðs og
Sandgerðis taki til starfa 1. febrúar
2012.
Bæjarstjóra var falið að ganga frá
samningnum við Sandgerðisbæ
og leggja fyrir bæjarráð. Samn-
ingurinn var samþykktur með 5 at-
kvæðum D- og L-lista en fulltrúar
N-lista sátu hjá.
Anna Lóa Ólafsdóttir skrifar
Hamingjuhornið
Langar að byrja á því að óska ykkur öllum gleðilegs nýs
árs og þakka fyrir það liðna. Ég er þakklát því góða
fólki sem ég hef verið í samskiptum við á sl. ári, bæði í
leik og starfi og ekki síður fyrir allan þann fjölda sem ég
hef kynnst á árinu og hlakka til að fjölga í þeim hóp á
nýju ári. Ég hef upplifað margt á síðustu árum og meðal
þess er ferðalag til Slóvakíu í Evrópuverkefni. Verkefnið
gekk vel en það sem stendur upp
úr er bærinn þar sem ég dvaldi.
Um er að ræða bæ sem svipar
að mörgu leyti til Suðurnesjanna
þegar kemur að íbúafjölda og
atvinnuleysi. Hér á árum áður
var kolanámuverksmiðja ein
aðal atvinnuæðin í bænum en
mest unnu þar tæplega 4500
manns. Mikið hefur dregið úr
þeirri starfsemi með tilheyrandi
atvinnuleysi sem nú er svipað og hér eða um 13%.
Eins og gefur að skilja þá er þetta bæjarfélag í Slóvakíu að
ganga í gegnum erfiða tíma sem tekur á alla og ákveðið
vonleysi einkennir íbúa þess. Fólk afsakaði bæinn sinn og
fágætt að maður upplifði að fólk væri stolt af því að búa
þarna. Það var þó einn maður sem skar sig úr og það var
bæjarstjórinn. Þar fór maður fólksins sem tók sjálfan sig ekki
of alvarlega og talaði af stolti um bæinn sinn. Hann fór yfir
söguna og lýsti vel dugnaði og þrautseigju þeirra sem unnu
í kolanámunum á árum áður og byggðu undirstöðurnar
fyrir komandi kynslóðir. Hann táraðist þegar hann sagði
okkur frá alvarlegu námuslysi og aftur þegar hann söng lag
um ungan dreng sem hafði farist í þessari sömu námu (já
hann söng fyrir okkur). Maður hlustaði af athygli því hann
hreif fólk með sér og þarna fann maður vel hve miklu máli
skiptir hvernig maður talar um bæjarfélagið sitt út á við og
hvaða eiginleikar eru dregnir fram. Hann hafði einstakt lag
á að gera hvunndagshetjunni góð skil og benda á hvað
einkenndi fólkið ,,hans“. Bæjarstjórinn var ekki að gera
lítið úr erfiðleikunum heldur náði hann að draga fram það
jákvæða þannig að maður fékk mun betri tilfinningu fyrir
staðnum þegar maður hlustaði á hann.
Ég var hugsi eftir þessa reynslu og fór að velta fyrir mér
hvort ummæli mín um Suðurnesin væru af jákvæðum eða
neikvæðum toga. Ég flutti hingað fyrir nokkrum árum því
hér vildu synir mínir búa en verð að viðurkenna að ég var
ekki sú jákvæðasta og dró frekar úr kostum svæðisins
en hitt. Mér fannst erfitt að fara frá vinum og fjölskyldu í
reykjavík og hugsaði sem svo að þetta yrði stutt stopp.
Ég áttaði mig fljótlega á því að ef ég ætlaði að halda áfram
þessari neikvæðni, flýja í höfuðborgina um helgar og taka
þetta út sem hverja aðra afplánun, yrði þessi tími bæði
langur og leiðinlegur. Ég skipti því um gír og ákvað að ég
vildi verða félagslega virk og lagði mig fram um að kynnast
fólki sem vildi gera skemmtilega hluti. Það var ekki erfitt að
finna þessar manneskjur og í dag er ég umvafin yndislegu
og skapandi fólki sem er tilbúið að eyða tíma og orku í hin
ýmsu verkefni og þar ræður jákvæðnin ríkjum. Ég fór að
skoða hvað ég gæti gert sjálf í stað þess að bölsótast yfir því
hvað aðrir væru ekki að gera fyrir mig.
Í framhaldinu fór ég meðvitað að velta fyrir mér hvernig
ég talaði um Suðurnesin. Ég ákvað að draga fram
jákvæða þætti og fara ekki í vörn gagnvart fordómum og
þekkingarleysi annarra um svæðið, heldur rökræða þegar
slíku var viðkomið og vitna í staðreyndir. Í dag líður mér vel í
bænum mínum, umvafin frábæru fólki innan sem utan vinnu
og er löngu hætt að flýja í höfuðborgina um helgar.
Hér er á engan hátt verið að gera lítið úr þeim erfiðleikum
sem við stöndum frammi fyrir en orðræða okkar og viðhorf
sem hér búum skiptir gríðarlega miklu máli, bæði fyrir
okkur sjálf og þá sem hingað horfa. Fólk sem er að fara í
gegnum erfiða tíma þarf fyrst og fremst styðjandi og jákvætt
umhverfi til að takast á við þær áskoranir sem það stendur
frammi fyrir og við sem erum aflögufær ættum að leggja
okkur fram um að veita það.
Bærinn okkar, hvar svo sem hann er, verður aldrei verri eða
betri en fólkið sem þar býr. Mér fannst hollt að setjast niður
og hugsa um hvernig bæ ég vildi búa í og hvað ég gæti gert
til að verða ánægðari því um leið er ég betri og afkastameiri
íbúi. Fræg eru orð Kennedys ,,ekki spyrja hvað landið getur
gert fyrir þig, heldur hvað þú getur gert fyrir landið þitt“. Ég
trúi því svo innilega að öllum sé hollt að hugsa ,,hvað get
ég gert til að þetta verði betri staður?“ og vekja þannig
með sér samfélagslega ábyrgð og skoða hvað maður getur
lagt af mörkum til að gera samfélagið betra, sjálfum sér og
öðrum til heilla.
Rún vikunnar er Bjarkan:
Snýst um að hafa áhrif á þróun mála. Fyrst þarf að uppræta
andspyrnu, síðan má vinna verkið. Til þess að þetta sé
hægt þarf vilji þinn að vera skýr og ákveðinn,
og með staðfestu og réttri afstöðu, má vænta
árangurs.
Þangað til næst – gangi þér vel.
Anna Lóa.
Bærinn minn
Meiraprófsnámskei
SUÐURNESJAMENN
ATHUGIÐ!
Námskeið til aukinna ökuréttinda hefst þriðjudaginn 10. janúar nk!
ATH! Höldum sama verði enn um sinn þrátt fyrir miklar hækkanir annarra ökuskóla!
ATH! Allar líkur á að álversframkvæmdir í Helguvík fari á fullt í vor. Vertu klár!
Verkalýðsfélög greiða allt að kr. 100.000,- af kostnaði
Vinnumiðlanir greiða allt að kr. 70.000,- af kostnaði
Skráning í símum 892 6570 og 892 6571
Visa og Euro raðgreiðslur til allt að 36 mánaða
Börn, tengdabörn, barnabörn, barnabarnabörn
og barnabarnabarnabörn
Ástkær faðir okkar, tengdafaðir, afi, langafi og langalangafi,
Ásgeir H. Einarsson,
fyrrverandi skrifstofustjóri,
lést á hjúkrunarheimilinu Hlévangi
miðvikudaginn 28. desember.
Jarðarförin fer fram frá Keflavíkurkirkju fimmtudaginn 5. janúar kl. 13:00.
Hjálpræðisherinn í Reykja-nesbæ þakkar fyrir veittan
stuðning á aðventunni og um jólin
2011. „Jólapottur Hjálpræðis-
hersins" var staðsettur í Bónus og
Nettó á aðventunni og söfnuðust
þar um 350.000 kr. Alls safnaðist
þó um ein milljón króna þessi jól
til styrktar Hjálpræðishernum í
Reykjanesbæ. Af innsöfnuðum
peningum voru 100.000 kr. gefnar
áfram til Velferðarsjóðs Suður-
nesja.
Jólastarf Hjálpræðishersins í
Reykjanesbæ hófst með glæsi-
legum tónleikum í Andrews, fyrsta
sunnudag í aðventu þar sem margir
þjóðþekktir tónlistamenn ásamt
barnakór Hersins tóku þátt. Stefnt
er að því að gera tónleika sem þessa
að árlegum viðburði í starfinu.
Hjálpræðisherinn var í samstarfi
við Velferðarsjóð Suðurnesja og
Hjálparstarf Kirkjunnar um jólaút-
hlutun og sá Hjálpræðisherinn um
að miðla áfram jólagjöfum til um
150 barna á Suðurnesjum.
Metaðsókn var einnig á „Vina-
jólum“, jólahaldi Hjálpræðishersins
í Reykjanesbæ á aðfangadags-
kveldi jóla, en um 80 manns frá
22 þjóðernum tóku þar þátt. Í boði
var þriggja rétta hátíðarmatur,
fjölbreytt tónlistardagskrá, dans
í kringum jólatréð og jólasveinn
mætti á svæðið með gjafir handa
öllum þannig að enginn fór tóm-
hentur heim.
Hjálpræðisherinn í Reykjanesbæ
þakkar öllum þeim sem stutt hafa
við starfið og óskar landsmönnum
öllum Guðs blessunar á nýju ári.
Borgaði með Brosi
á vör fyrir ruslið
Gjaldskylda á endurvinnslustöðvum Kölku var tekin upp nú um áramótin eins og greint hefur verið frá í fréttum. Tiltekin
úrgangsefni frá heimilum eru nú orðin gjaldskyld á endurvinnslu-
stöðvum Kölku í Vogum, Grindavík og Helguvík. Áfram verða þó
fjölmargar tilgreindar tegundir úrgangsefna undanþegnar gjald-
skyldu eins og verið hefur.
Fyrstur til að mæta á endurvinnslustöð með fullan bíl af timburúrgangi
og greiða fyrir förgun á því með bros á vör var Valur Margeirsson.
Hann er frumkvöðull á fleiri sviðum og stundum verið fyrstur til
ýmissa hluta og gefið gott fordæmi með brosi sínu og gleði.
Á meðfylgjandi mynd eru Valur Margeirsson og Jón Norðfjörð, fram-
kvæmdastjóri Kölku, á þessum tímamótum hjá Kölku.
80 manns á Vinajólum
Hjálpræðishersins
Sameiginlegur skipulags- og bygg-
ingafulltrúi í Garði og Sandgerði
Vertu í góðu sambandi við Víkurfréttir!
n Auglýsingadeild í síma 421 0001
n Fréttadeild í síma 421 0002
n Afgreiðsla í síma 421 0000