Víkurfréttir - 30.08.2012, Síða 28

FIMMTUDAGURINN 30. ÁGÚST 2012 • VÍKURFRÉTTIR28
Það er óhætt að segja að lands-liðið mæti á stóra sviðið við
Ægisgötu bæði föstudags- og
laugardagskvöld Ljósanætur
og má reikna með dúndrandi
stemnningu. Heimamenn spila
hér enn sem áður stórt hlutverk
og kynnir bæði kvöldin verður
engin önnur en útvarpskonan,
hestakonan og allt muligt konan
Hulda G. Geirsdóttir.
GÁLAN
Gálan er listamannsnafn Júlíusar
Guðmundssonar tónlistarmanns.
Júlíus er innfæddur Keflvíkingur
og hefur komið víða við í tónlistar-
bransanum. Hann hefur meðal
annars verið trommari í Deep Jimi
and the Zep Creams, Pandoru og
Rokksveit Rúnars Júlíussonar og
bassaleikari í Bjartmari og Bergris-
unum. Gálan vinnur nú að sinni
þriðju sólóplötu sem kemur að
öllum líkindum út með hækkandi
hausti en fyrri plötur Gálunnar,
Fyrsta persóna eintölu og 220971-
3099, hafa verið með öllu ófáan-
legar í helstu plötubúðum um ára-
raðir. Á tónleikunum mun Gálan
flytja nokkur lög af óútkomnum
geisladisk ásamt því að taka ein-
hverja ódauðlega heilsárssmelli af
fyrri plötum.
ELDAR
Eldar byrjaði sem krúttlegt tveggja
manna verkefni Björgvins Ívars
Baldurssonar og Valdimars Guð-
mundssonar árið 2011 og kom
fyrsta platan, Fjarlæg nálægð, út það
sama ár. Stórar útsetningar kröfð-
ust mannskaps og hefur verkefnið
nú hlaðið utan á sig og telur bandið
þessa stundina 6 manns þegar mest
lætur. Stefán Örn Gunnlaugsson
sem ber mikla ábyrgð á hljóð-
heimi plötunnar fer þar fremstur
í flokki og honum fylgja Fríða Dís
Guðmundsdóttir söngkona, Örn
Eldjárn gítarleikari og Helgi Svavar
Helgason trommari.
TILBURY
Hljómsveitin Tilbury var sett
saman af trommaranum Þormóði
Dagssyni (Skakkamanage, Jeff
Who?, Hudson Wayne) sumarið
2010. Upphaflega var um sólóverk-
efni að ræða sem nefndist For-
maður Dagsbrúnar en fljótlega
eftir að upptökur hófust á fyrstu
breiðskífunni leit hljómsveitin Til-
bury dagsins ljós. Sveitin spilar eitt-
hvað sem kalla mætti dramatískt
þjóðlagapopp sem einkennist af
hljóðgervlum Kristins Evertssonar
(Valdimar) og sixtís rafmagnsgítar-
hljómi Arnar Eldjárns (Brother
Grass). Bassaleikarinn Guðmundur
Óskar (Hjaltalín) prýðir hljóminn
með fransk-ættuðum bassalínum
og trymbillinn Magnús Tryggvason
Eliassen (Sin Fang, Amiina, Moses
Hightower) bindur svo allt saman
með dýnamískum trommuleik sem
fer í allar áttir. Fyrsta breiðskífa Til-
bury nefnist Exorcise og kom út hjá
Record Records í maí á þessu ári.
MOSES HIGHTOWER
Hljómsveitin Moses Hightower var
stofnuð árið 2007 og samanstendur
af þeim Andra Ólafssyni (bassi og
söngur), Daníel Friðriki Böðvars-
syni (gítar og bakraddir), Magnúsi
Tryggvasyni Eliassen (trommur) og
Steingrími Karli Teague (hljómborð
og söngur). Í kjölfar þess að platan
„Búum til börn“ kom út sumarið
2010 festu drengirnir sig í sessi sem
dugmiklir og metnaðarfullir flytj-
endur, ekki síður en framleiðendur,
seigfljótandi og sálarskotinnar
tónlistar. Vegna búseturöskunar
hljómsveitarmeðlima hefur verið
meiri eftirspurn en framboð af
tónleikahaldi undanfarin misseri,
en á bak við tjöldin og með aðstoð
nútímasamskiptatækni var unnið
jafnt og þétt að Annarri Mósebók
sem nú er nýkomin út. Platan hefur
hlotið mikið lof gagnrýnenda en
fyrsta smáskífan af plötunni, Stutt
skref, hefur dvalið langdvölum í
efstu sætum vinsældarlista Rásar
2, og sat tvær vikur í toppsætinu,
en nú er einnig kominn í spilun
smellurinn Sjáum hvað setur.
JÓNAS SIG OG RITVÉLAR
FRAMTÍÐARINNAR
Í kjölfar útgáfu annarrar sólóplötu
Jónasar Sigurðssonar, Allt er eitt-
hvað, sem kom út árið 2010, varð
til 10 manna band af úrvalsliði ís-
lenskra tónlistarmanna. Það fylgdi
eftir velgengni plötunnar og á Ís-
lensku tónlistarverðlaununum það
sama ár var lagið Hamingjan er
hér kosið lag ársins. Þessi litríka
og þétta hljómsveit skapar óvið-
jafnanlega stemningu hvar sem
hún kemur. Tónlistin er sambland
af afróryþma, sálartakti og raf-
poppi svo áhorfendur eru fljótir að
grípa þessa fjörugu blöndu og slást
í för með bandinu á tónleikum. Í
október kemur þriðja sólóplata
Jónasar út, Þar sem himinn ber við
haf, en á plötunni fær hann Lúðra-
sveit Þorlákshafnar og tónlistar-
band eldri borgara, Tóna og trix, í
samnefndum bæ, í lið með sér. Þar
kveður við nýjan tón með meiri
elektróník en áður. Fyrsta smáskífa
plötunnar, Þyrnigerðið, hefur svo
sannarlega náð eyrum hlustenda og
er í efsta sæti vinsældarlista Rásar 2
um þessar mundir.
BLÁR ÓPALL
Sönghópurinn Blár ópall sló ræki-
lega í gegn hjá þjóðinni með þátt-
töku sinni í undankeppni Euro-
vision fyrr á þessu ári en hann er
skipaður þeim Agnari Birgi Gunn-
arssyni, Franz Plóder Ottóssyni,
Pétri Finnbogasyni og Kristmundi
Axel Kristmundssyni. Hópurinn
sem hefur sent frá sér tvær smá-
skífur, Stattu upp og Stúlkan,
höfðar sérstaklega vel til yngri
kynslóðarinnar og það er því vel
við hæfi að hann hefji dagskrána á
stóra sviðinu á sjálfri Ljósanótt.
ELLÝ OG VILHJÁLMUR
Þau Ellý Vilhjálms og Vilhjálm
Vilhjálms þarf vart að kynna fyrir
neinum, og allra síst Suðurnesja-
fólki en þau systkinin ólust upp í
Merkisnesi í Höfnum. Saman og
í sitthvoru lagi sungu þau sig inn
í hjörtu þjóðarinnar fyrir löngu
síðan og eru og verða á meðal okkar
ástælustu söngvara. Á Ljósanótt
hefur það tíðkast að heiðra tón-
listarmenn frá Reykjanesbæ og nú
er komið að því að heiðra minningu
systkinanna frá Höfnum. Fluttar
verða fjölmargar dægurperlur sem
Ellý og Vilhjálmur gerðu frægar en
það eru þau Valdimar Guðmunds-
son, Sigurður Guðmundsson,
Ragnheiður Gröndal og Sigríður
Thorlacius sem koma fram ásamt
hljómsveit skipaðri mörgum af
okkar bestu tónlistarmönnum.
NÝDÖNSK
Hljómsveitin Nýdönsk hefur
starfað frá árinu 1987 og fagnar því
25 ára afmæli á þessu ári. Íslend-
ingar hafa tekið tónlist sveitarinnar
fagnandi allt frá því að lagið Hólm-
fríður Júlíusdóttir kom út. Síðan þá
hafa landsmenn sönglað lög á borð
við Nostradamus, Frelsið, Hjálp-
aðu mér upp, Horfðu til himins og
Alelda svo fáein dæmi séu nefnd.
Meðlimir sveitarinnar eru Daníel
Ágúst Haraldsson, Björn Jörundur
Friðbjörnsson, Jón Ólafsson, Stefán
Hjörleifsson og Ólafur Hólm. Þeim
til aðstoðar er Ingi Skúlason, bassa-
leikari.
RETRO STEFSON
Retro Stefson hefur verið starf-
rækt í núverandi mynd frá árinu
2006. Fyrsta hljómplata sveitar-
innar Montana kom út árið 2008
og síðan kom platan Kimbabwe
út árið 2010. Hljómsveitin hefur
fest sig í sessi sem ein allra besta
tónleikasveitin á Íslandi og þó víðar
væri leitað. Frá því að Kimbabwe
kom út utan Íslands í maí á síðasta
ári hefur sveitin leikið á tugum tón-
leika og tónlistarhátíða úti um allan
heim við góðan orðstýr. Upptökum
er lokið á nýrri plötu og mun hún
koma út í byrjun september á Ís-
landi. Qween, fyrsta smáskífan af
plötunni, er eitt af vinsælli lög-
unum á Íslandi í ár. Útgáfa Retro
Stefson á lagi Nýdanskrar "Fram á
nótt" hefur einnig ómað talsvert á
öldum ljósvakans að undanförnu.
Nú er lagið Glow komið í spilun og
hefur vakið talsverða lukku. Sjón
er sögu ríkari þegar kemur að tón-
leikum Retro Stefson.
Flottustu tónlistarmenn
landsins á Ljósanótt!
›› STÆRSTA FJÖLSKYLDUHÁTÍÐIN UM HELGINA:
ÞÖKKUM FYRIR GÓÐAR
MÓTTÖKUR Á OPNUN
HÁRFAKTORÝ
Bjóðum nýja kúnna velkomna
HÁR FAKTORÝ
Sími 421-3969
Vantar manneskju í fullt starf á saumastofu.
Upplýsingar í verslun í Keflavík hjá Láru
ATVINNA