Læknablaðið : fylgirit - 01.04.2009, Síða 22

VISINDAÞING SKI/SGLI
FYLGIRIT 59
að fyrirferðinni sem lá umlukin fitu í miðmætinu. Sjúklingur
útskrifaðist 2 dögum eftir aðgerð með eðlilegt S-jóniserað Ca2+.
Við eftirlit þremur vikum eftir aðgerð var hann almennt hressari
en fyrir aðgerð, liðeinkenni horfin og vitsmunageta eins og áður.
Einu ári frá aðgerð er hann einkennalaus með eðlileg blóðpróf.
Ályktun: Einkenni kalkvakaóhófs geta verið óhefðbundin,
til dæmis voru lið- og vöðvaeinkenni mest áberandi sem
rekja má til hækkaðs kalks í blóði. Sjaldgæft er að stækkaðir
kalkkirtlar finnist í brjóstholi. Sjúkdóminn er hægt að lækna
með skurðaðgerð sem í þessu tilviki varð umfangsmeiri vegna
bringubeinsskurðar.
V-07 BREAST-Q - Fyrsti sérhæfði lífsgæðaspurningalisti
fyrir konur sem gangast undir aðgerðir vegna
brjóstakrabbameins
Svanheiður L. Rafnsdóttir* 1, Regína Ólafsdóttir2, Jens Kjartansson',
Kristján Skúli Ásgeirsson3, Guðmundur M. Stefánsson', Þórdís
Kjartansdóttir1
1Lýtaskurðlækningadeild, 2sálfræðipjómtsta, 3skurðlækrtingadeild Landspítala
svanhcidur@gmail.com
Inngangur: BREAST-Q er nýr lífsgæðaspurningalisti sem skoðar
ýmsa þætti hjá konum sem gangast undir brjóstaaðgerðir. Notkun
hans er byrjuð í Bandaríkjunum, Bretlandi og víðar. Síðustu ár
hafa átt sér stað miklar framfarir í brjóstauppbyggingum en
hingað til hafa rannsóknir að mestu leyti snúist um mat á
vandkvæðum aðgerða og á mati á ljósmyndum eftir aðgerð. Nú
er krafan um áhrif aðgerða á lífsgæði orðin meiri og þörf er á að
skoða fleiri þætti.
Efniviður og aðferðir: BREAST-Q var hannaður af Sloan-
Kettering stofnuninni í USA og nýlega þýddur á íslensku.
Skoðar hann ýmsa þætti brjóstauppbyggingar, meðal annars
ánægju með útlit brjósta, heildarútkomu, ánægju með umönnun,
félagslega líðan, kyn-ímynd og almenna líðan. Fyrirhugað er
að leggja BREAST-Q fyrir allar þær konur sem greinast með
brjóstakrabbamein sem í kjölfarið gangast undir aðgerðir.
Niðurstöður: Rannsakað verður hvort lífsgæði kvenna breytist
við uppbyggingu brjósta og hvort lífsgæði kvenna sem hafa
farið í uppbyggingu séu betri en þeirra sem hafa farið í brottnám
án uppbyggingar. Mismunandi skurðaðgerðir verða bornar
saman.
Ályktun: BREAST-Q bætir við upplýsingum um árangur
brjóstauppbygginga sem ekki hafa verið skoðaðar hér á landi
og hjálpar við val á aðgerðum. Að auki verður hægt að veita
sjúklingum ýtarlegri upplýsingar um hugsanleg áhrif aðgerða á
ýmsa þætti. Kynnt verður íslensk útgáfa BREAST-Q.
V-08 Hulinn DIEP-flipi; Nýr valkostur við endurbyggingu
brjósta með að nýta sér ígræðanlegan Cook-Swartz
Doppler nema
Warren M. Rozen', Iain S. Whitaker2, Marcus JD. WagstafP, Gunnar
Auðólfsson1, Þórir Auðólfsson5, Rafael Acosta5
'Jack Brockhoff Reconstructive Plastic Surgery Research Unit, Department
of Anatomy and Cell Biology, The University of Melboume, Grattan St,
Parkville, Victoria, Australia; 2Department of Plastic, Reconstructive and
Burns Surgery, The Welsh National Plastic Surgery Unit, The Morriston
Hospital, Swansea, UK; 3Department of Plastic Surgery, University
Hospitals of Sheffield, Herries Road, Sheffield, UK; 4Lýtalækningadeild
Landspítala; 5Department of Plastic Surgery, Uppsala Clinic Hospital,
Uppsala, Sweden
gunnarau@gmail.com
Bakgrunnur: Við uppbyggingu brjósts eftir brottnám þar
sem varðveitt eru húð og brjóstvarta með vörtubaug næst
náttúrulegastur árangur með fríum flipa. Hefðbundið er að hafa
húðeyju á flipanum til að gera kleift eftirlit með blóðflæði. Með
því að nýta sér ígræðanlegan Cook-Swartz Doppler nema er
mögulegt að fylgjast með blóðflæði án húðeyju og þannig hylja
flipann að fullu. Endurbyggða brjóstið verður enn náttúrulegra.
Aðferð: Lýst er beitingu Cook-Swartz Doppler nema við
enduruppbyggingu brjósta fjögurra sjúklinga (hjá þremur í
báðum brjóstum og hjá einum beggja vegna) með DIEP-flipa
(deep inferior epigastric artery perforator flaps) hulinn að fullu.
Niðurstöður: ígræðanlegur Cook-Swartz Doppler nemi gerir
eftirlit með blóðflæði mögulegt og þar með húðeyju á flipa
óþarfa.
V-09 Síðbúin brjóstanýsköpun með “kviðveggjar-flipa” og
dropalaga sílíkonpúðum
Þórdís Kjartansdóttir
Lýtalækningadeild Landspítala
thordk@lcmdspitali. is
Inngangur: Brjóstanýsköpun með sílíkonpúða er einungis
möguleg ef ástand vefja á brjóstasvæðinu er nægilega gott,
t.d. ekki búið að geisla svæðið. Margir lýtalæknar hafa kosið
að nota fyrst svokallaðan vefjaþenjara sem eftir þenslu er
nauðsynlegt að skipta út fyrir varanlegan sílíkonpúða. Konan
þarf þá að gangast undir að minnsta kosti tvær svæfingar og
oft sársaukafulla margra mánaða þenslu á vefjaþenjaranum.
Með "kviðveggjar-flipa" er unnt að byggja brjóstið upp í einni
aðgerð. Vörtubaugur og geirvarta er síðan byggt upp síðar.
Efniviður: Teiknað á sjúkling í standandi stöðu. Notast er við
gamla brjóstabrottnámsörið óháð staðsetningu og sjúklingur
er hálf-uppisitjandi á skurðarborðinu. Farið niður fyrir gömlu
brjóstafellinguna, niður á kviðvegginn undir undirhúðinni, 3-10
cm eftir því hvað hið uppbyggða brjóst á að vera stórt. Fundin
staðsetning brjóstafellingar hins brjóstsins og ný brjóstafelling
teiknuð á brjóstið sem verið er að byggja upp. Skorið er innan
frá í gegnum "scarpa-fasciuna" niður að dermis eftir allri nýju
brjóstafellingunni. Með stökum þráðum er nýja brjóstafellingin
síðan fest upp við brjóstkassann, að "periosteum" rifja. Hitt
brjóstið síðan lagað ef þörf er á, eftir óskum konunnar, í
22 LÆKNAblaðið 2009/95