Bæjarins besta - 13.09.2007, Blaðsíða 3

FIMMTUDAGUR 13. SEPTEMBER 2007 3
Veturnætur fagna 10 ára afmæli
Lista- og menningarhátíðin Veturnætur verður haldin í Ísafjarðarbæ í tíunda sinn
dagana 25.-28. október. Hátíðin var fyrst haldin árið 1997 en var endurvakin fyrir
fjórum árum og hefur hún síðan verið fastur liður í mannlífinu á svæðinu í kringum
vetrardaginn fyrsta. Menningarmálanefnd Ísafjarðarbæjar heldur utan um Veturnætur
en hátíðin var upphaflega einkaframtak öflugs áhugahóps sem unnið hefur að
menningar- og ferðamálum á Ísafirði.
Mikil fjölgun á gistirými á Vestfjörðum á sjö árum
Framboð gistirýmis á Vestfjörðum hefur aukist um 54% á síðustu sjö árum, samkvæmt nýjustu
tölum Hagstofunnar. Herbergjum og rúmum á gistiheimilum hefur fjölgað úr 274 frá árinu
2000 í 424. Frá árinu 2000 til 2006 fjölgaði gistiheimilum úr 20 í 27, sem er 35% aukning.
Hins vegar voru þrjú hótel á Vestfjörðum árið 2000, en nú er einungis eitt slíkt í fjórðungnum,
eða Hótel Ísafjörður. Hótelherbergi voru 77 fyrir sjö árum, en eru 36 í dag og hefur því fækkað
um 53%, en hótelrúmum fækkar um 58%, voru 172 en eru 72 í dag.
Háls- nef- og eyrna-
læknir á Ísafirði
Ólafur Guðmundsson læknir verður með
móttöku á Ísafirði dagana 27. – 29.
september.
Tímapantanir í síma 450 4500, á milli kl.
8,oo - 16,oo alla virka daga.
Vill breyta fyrir-
komulagi bæjar-
stjórnarfunda
Ingi Þór Ágústsson, bæjar-
fulltrúi í Ísafjarðarbæ vill
breyta fyrirkomulagi bæjar-
stjórnafunda. Ingi segir að
ríkjandi fundarform sé of
tímafrekt og skili minni ár-
angri. „Núverandi fyrirkomu-
lag er þannig að allar fundar-
gerðir bæjarráðs og fundar-
gerðir þeirra nefnda sem hafa
komið fyrir bæjarráð eru
teknar fyrir á bæjarstjórnar-
fundinum. Nú þegar bæjar-
stjórn hefur verið í fríi er
listinn yfir umræðuefni lang-
ur, allt sumarið er í raun til
umræðu. Bæjarráð hefur haft
ákvörðunarrétt í sumarfríi
bæjarstjórnar og þó að bæjar-
stjórn geti snúið ákvörðun
bæjarráðs þarf þess sjaldan“,
segir Ingi og segir því umræðu
um allar fundargerðir í raun
óþarfa.
„Fyrsti fundur bæjarstjórnar
í fyrra var frekar langur, eða
um 7 tímar“, bætir Ingi við.
Hann segir einnig að erfitt sé
að ræða aðkallandi mál, hafi
ekki verið fjallað um þau á
fundum nefnda sveitarfélags-
ins.
Ingi Þór leggur til að fetað
verði í fótspor Akureyringa,
en þar á bæ hittast oddvitar
flokkanna með forseta bæjar-
stjórnar fyrir hvern bæjar-
stjórnarfund og ákveða hvaða
mál á að ræða á fundinum.
Ingi segir að þannig yrði
samkomulag milli flokka
hvaða mál væru rædd á
fundinum.
„Þau mál sem ræða á gætu
verið eitthvað úr fundargerð
bæjarráðs eða eitthvað
annað mál sem oddvitar
kæmu sér saman um að
ræða t.d. skipulagsmál, mál
er brenna heitt á bæjarbúum
hverju sinni eða til að taka á
einhverju sem hefur komið
upp o.s.frv.“, segir Ingi. „Í
dag er slíkt erfitt í
bæjarstjórn Ísafjarðarbæjar
nema að viðkomandi
bæjarfulltrúi geti fundið
einhverja liði í fundargerð
bæjarráðs eða nefnda til að
ræða þau undir. Oft er slíkt
ekki hægt og því oft erfitt
að tala um mál sem brenna
mikið á bæjarfulltrúum
hverju sinni.“
Ingi segir að sér þætti
gaman að athuga hvernig
aðferð Akureyringa myndi
koma út á Ísafirði. Hann
telur að með henni myndu
fundirnir styttast og þeir
yrðu markvissari. Þá væri
hægt að ræða um mál sem
koma upp í sveitarfélaginu
um leið og þau koma upp,
en ekki vikum seinna eins
og Ingi segir að hafi gerst í
Ísafjarðarbæ.
Þess má geta að fyrsti
fundur bæjarstjórnar á þess-
um vetri varði fram yfir
miðnætti.
– tinna@bb.is
Stjórnsýsluhúsið á Ísafirði.