Bæjarins besta - 13.09.2007, Blaðsíða 12

FIMMTUDAGUR 13. SEPTEMBER 200712
STAKKUR SKRIFAR
Tekjur samfélagsins
Stakkur hefur
ritað vikulega pistla í
Bæjarins besta í mörg
ár. Skoðanir hans á
mönnum og málefn-
um hafa oft verið
umdeildar og vakið
umræður. Þær þurfa
alls ekki að fara
saman við skoðanir
útgefenda blaðsins.
Þrátt fyrir það bera
ábyrgðarmenn
blaðsins ábyrgð á
skrifum Stakks á
meðan hann notar
dulnefni sitt.
Fróðlegt hefur verið að fylgjast með orðaskiptum talsmanna sveitarfélag-
anna annars vegar og ríkisstjórnarinnar hins vegar um fjármagnstekju-
skattinn, sem skilar æ meiri tekjum í ríkissjóð með ári hverju. Sveitarfélögin
mæna löngunaraugum á þessa miklu tekjulind og vilja fá sinn skerf. Ríkið
vill halda sínu en nefnir að skipta megi tekjuskatti og virðisaukaskatti með
öðrum hætti en nú er. Væntanlega þýðir það að sveitarfélögum sé þá ætlað
að fá meira í sinn hlut.
Fjármagnstekjuskattur hefur verið umdeildur frá því hann kom til.
Mörgum stjórnmálamanninum þótti skatturinn fráleitur og til þess eins fall-
inn að hygla þeim ríku. Út af fyrir sig er það sjónarmið skiljanlegt. En það
eru miklu fleiri sem njóta góðs af en þeir ríku einir. Almenningur sem eign-
ast hlutabréf í fyrirtækjum eða á sparifé í banka, nú eða sparisjóði nýtur
einnig góðs af. Sumum reynist erfitt að skilja að þeir sem eiga meira og
þéna meirra borga líka meira, þótt hlutfallið sé það sama. Stjórnmálamenn
hafa margir hverjir ekki skilið núverandi tekjuskattskerfi sem gefur að
sjálfsögðu stighækkandi skatt eftir því hve tekjur eru háar. Því stýrir per-
sónuafslatturinn.
Fjármagnstekjuskattur er einfaldur flatur skattur sem tryggir samfélaginu
tekjur af eignatekjum fólks, það er að segja þeim arði sem ákveðnir fjár-
munir skila til eigenda sinna. Er þar um að ræða hlutafé, bankainnistæður og
skuldabréfaeign svo fátt eitt sé talið. Áður giltu þær reglur að skattþegnar
máttu eiga þess háttar eignir upp að ákveðnu marki, án þess að að greiða af
arði þeirra tekjuskatt, sem að sjálfsögðu er langleiðina í það að vera fjórfalt
hærri en fjármagnstekjuskatturinn.
Almenningur jafnt og aðrir hefur hag af því að núverandi kerfi gildi
áfram, því það gerir mönnum fýsilegra að eiga fjármuni og hafa af þeim
tekjur heldur en ef sú regla yrði viðhöfð að að skattleggja allt yfir ákveðinni
fjárhæð með sömu prósentutölu og launatekjur. En umræðan hefur ekki
snúið að þessum sjálfsögðu og einföldu sannindum, sem of mörgum yfir-
sjást heldur hvort og þá hvernig skipta skuli þessum skatti milli ríkis og
sveitarfélaga.
Nú þegar fá sveitarfélögin bróðurpartinn af tekjuskatti í sinn hlut í formi
útsvars sem ríkið greiðir þeim vegna þess að margir eru undir skattmörkum.
En þau vantar meira vegna þess að þau verja miklu fé til verkefna sinna.
Eftirtektarvert er að þau stýra því sjálf hvað er gert og hvernig verkin eru
fjármögnuð. Hvað sem því líður er ljóst að taka þarf upp umræðu um skatt-
heimtu ríkis og sveitarfélaga og leysa þann vanda sem uppi er. En fyrst og
fremst verður að gæta þess að vel sé með skattfé farið.
Undirbúningur Act Alone 2008 hafinn
Undirbúningur fyrir leiklistarhátíðina Act alone 2008 er hafinn af fullum krafti,
þó enn séu 10 mánuðir í hátíðina. Á vefsíðu Act alone segir Elfar Logi Hannes-
son, forsprakki hátíðarinnar, að viðræður séu hafnar við nokkra erlenda leikara,
en ekkert sé þó fast í hendi enn. Stefnt er að því að fá tvær til þrjár erlendar
sýningar á Act alone 2008, jafn margar og hafa verið á fyrri hátíðum. Hátíðin
verður haldin 2.-6. júlí á næsta ári. Vefsíða hátíðarinnar verður virk í allan vetur
en á henni má finna ýmsan fróðleik um einleikjaformið, viðtöl og greinar.
Mikil fjölgun er í gestakom-
um á Byggðasafnið í Neðsta-
kaupstað á Ísafirði í sumar.
Um 8000 manns hafa heimsótt
safnið það sem af er sumri, en
síðasta sumar voru gestir
safnsins rúmlega 7000 talsins.
Þess ber að geta að sumarið er
ekki búið á safninu, enda eiga
enn eftir að koma fáein skemmti-
ferðaskip til Ísafjarðar og
verður safnið opið til 15. sept-
ember. Eftir það er opið eftir
samkomulagi. „Þetta er búið
að vera fínasta sumar“, segir
Jón Sigurpálsson safnvörður
og á þá ekki aðeins við veðrið,
sem var með eindæmum gott
í júní og júlí.
Hjá safnverðinum Birni
Baldurssyni fengust þær upp-
lýsingar að meirihluti gesta
safnsins eru útlendingar. „Hing-
að koma útlendingar í miklum
meirihluta, Íslendingar eru
einungis um 20% gesta safns-
ins.“
– tinna@bb.is Byggðasafnið í Neðstakaupstað.
Ný upplýsingaskilti á stoppistöðvum
Ný upplýsingaskilti á bið-
stöðvum almenningssam-
göngukerfis Ísafjarðarbæjar
hafa litið dagsins ljós. Tveir
af hönnuðunum á bak við
skiltin, Stefán Pétur Sólveig-
arson og Hörður Lárusson,
voru staddir á Ísafirði í síðustu
viku og voru þeir afar ánægðir
með útkomuna. Skiltin eru
hluti af nýju útliti almennings-
samgöngukerfis Ísafjarðar-
bæjar en markmiðið er að gera
merkingar á almenningssam-
göngum aðgengilegri og greini-
legri fyrir bæði heimamenn
og ferðafólk. Mikil hönnunar-
vinna liggur að baki nýja út-
litinu og segja þeir Stefán og
Hörður að reynt hafi verið að
hafa skemmtileg smáatriði í
umgjörð kerfisins.
„Ramminn um skiltin á
stoppistöðvunum er til dæmis
með litlu þaki, sem er vísun í
þeirra“, segir Hörður. Þeir fé-
lagarnir unnu á sínum tíma að
gerð vegpresta sem settir voru
upp á Ísafirði á síðasta ári.
Stefán segir að önnur bæjar-
félög mættu taka Ísafjarðarbæ
sér til fyrirmyndar í þessum
efnum. Útlitshönnun almenn-
ingssamgöngukerfis og sér-
stakir vegprestar sem tengjast
umhverfinu séu smáatriði sem
skipti máli þegar litið er á
heildarmyndina.
Það er ísfirska fyrirtækið
Ýmislegt smálegt ehf. sem
stendur að verkefninu fyrir
Ísafjarðarbæ. Annar eigenda
Ýmislegs smálegs, Greipur
Gíslason, hefur haft umsjón
með verkefninu, en fyrirtæk-
inu var falið verkefnið í kjölfar
útgáfu þess á póstkorti sem
sýnir almenningssamgöngu-
kerfi Ísafjarðarbæjar og ná-
grennis í búningi neðanjarða-
lestakerfa stórborga heimsins.
– tinna@bb.is
Átta þúsund manns heimsóttu Byggðasafnið
húsþökin í Ísafjarðarbæ“,
segir Hörður. „Svo er merki
kerfisins formað á hlið ramm-
ans, þannig að hann er alveg
einstakur fyrir þetta sveitar-
félag. Upplýsingakerfið er
mjög sveigjanlegt og hægt er
að breyta upplýsingunum í
römmunum á fljótlegan og
ódýran hátt.“
Í hverjum ramma er pláss
fyrir litla mynd eða texta sem
hægt er að breyta reglulega.
„Þannig er hægt að hafa þarna
ljóð eftir bæjarbúa, eða mynd-
ir af bæjunum eða umhverfi
Stefán og Hörður við upplýsingaskilti á
stoppistöðinni í Pollgötu á Ísafirði.
Mikið var lagt í smáatriði á skiltinu.
Ráða verkefnisstjóra
Ráða á verkefnisstjóra til Ísafjarðarbæjar sem á að stýra átaki í atvinnusköpun. Þetta er
gert samkvæmt hugmynd atvinnumálanefndar sveitarfélagsins um samstarf ýmissa aðila
á norðanverðum Vestfjörðum í þeim tilgangi að skapa allt að 50 ný störf á svæðinu á
næstu tveimur árum. Á síðasta fundi nefndarinnar var rætt um þessa nýju stöðu, ráðn-
ingartíma og hvaða launakjör sé hægt að bjóða. Nefndin samþykkti að auglýsa starfið
valkvætt þannig að hægt sé að ráða einstakling beint í starfið. Annar kostur í stöðunni
er að ráðgjafafyrirtæki standi starfið til boða, gegn því að það verði staðsett í Ísafjarðarbæ.