Bæjarins besta - 15.05.2008, Blaðsíða 1

Stofnað 14. nóvember 1984 · Sími 456 4560 · Veffang: www.bb.is · Verð kr. 400 m/vsk
Fimmtudagur 15. maí 2008 · 20. tbl. · 25. árg.
Framtíðin í sjóstanga-
veiði útlendinga á
Vestfjörðum er björt
– segir Ómar Már Jónsson, sem að áliðnu sumri læt-
ur af starfi sveitarstjóra Súðavíkurhrepps. Í viðtali
í miðopnu lítur hann yfir farinn veg, metur stöðu og
framtíðarhorfur í Súðavík og rekur ítarlega þær
sviptingar sem orðið hafa varðandi komur útlendra
sjóstangaveiðimanna til Vestfjarða.
Af þeim 33 núlifandi
Íslendingum sem eru 100
ára eða eldri eru átta
fæddir á Vestfjörðum, þó
einungis tveir þeirra séu
enn búsettir fyrir vestan.
Frá þessu er sagt á vefn-
um langlifi.net. Sú elsta
er Þuríður Samúelsdóttir
sem er 104 ára.
Næst elst er Torfhildur
Torfadóttir sem er 103
ára. Óskar Jensen, Guð-
rún Jónsdóttir og Rósa
Gísladóttir Blöndal eru
101 árs og Kristján Jóns-
son, Hólmfríður Guðjóns-
dóttir og Jóhanna Krist-
jánsdóttir eru öll 100 ára.
Þess má geta að sú síðast-
nefnda á einmitt 100 ára
afmæli í síðustu viku.
Eins og áður segir er
allt þetta fólk búsett á höf-
uðborgarsvæðinu nema
Torfhildur sem býr á Ísa-
firði og Jóhanna sem býr
á Patreksfirði.
– halfdan@bb.is
Fjórðungur
fæddur á
Vestfjörðum
Torfhildur Torfadóttir
á Ísafirði er næst elsti
Íslendingurinn og sá
eini sem er búsettur á
Vestfjörðum.
Íbúum á Vestfjörðum fækk-
aði um 1.335, eða 15,4%, á
einum áratug milli áranna
1997 og 2007 samkvæmt töl-
um úr Upplýsingaveitu sveit-
arfélaga og fækkaði íbúum í
öllum sveitarfélögum nema
einu. Í Bæjarhreppi fjölgaði
íbúum um 2, voru 100 árið
1997 en í fyrra voru þeir 102.
Mesta fækkunin í íbúum tal-
in, en sú minnsta hlutfallslega,
var í langstærsta sveitarfélag-
inu Ísafjarðarbæ. Þar fækkaði
um 440 á tímabilinu, eða 10%.
Tálknfirðingum fækkaði um
37 (11,3%). Í Bolungarvík
fækkaði um 190 manns (17,4%)
og 68 (20,4%) í Reykhóla-
hreppi. Þá fækkaði um 141
(22%) í Strandabyggð og Súð-
víkingar voru 63 (22,7%)
færri í fyrra en áratug áður.
Í Vesturbyggð fækkaði um
332 (26,5%) og í Kaldrana-
neshreppi um 40 (28,2%).
Mesta hlutfallslega fækkunin
varð í minnsta sveitarfélaginu,
Árneshreppi. Þar fækkaði um
26 íbúa á tímabilinu, eða
35,1%.
– halfdan@bb.is
Íbúum fækkaði um
15,4% á einum áratug
Traðarland 24 brennt
til kaldra kola
Slökkvilið Bolungarvíkur
kveikti í Traðarlandi 24 í
Bolungarvík á fimmtudag í
síðustu viku og brann húsið til
kaldra kola. „Þetta var timbur-
hús og við vorum búnir að taka
járnin af því svo það brann til
kaldra kola og ekkert er eftir
nema grunnurinn“, segir Ólafur
Benediktsson, slökkviliðsstjóri
í Bolungarvík. Tíu menn frá
slökkviliði Ísafjarðarbæjar voru
bolvískum slökkviliðsmönnum
innan handar og að sögn Ólafs
gekk æfingin ljómandi vel.
„Það er bráðnauðsynlegt fyrir
öll slökkvilið að fá að æfa við
svona aðstæður. Þarna fundum
við þennan ofboðslega hita sem
er að mæta okkur í útköllum og
gátum æft svokallaða hita-
reykköfun. Svona æfing er
ómetanleg fyrir okkur.“
Fjöldi manns fylgdist með
æfingunni og voru margir fegnir
að sjá á eftir húsinu. „Ná-
grannarnir voru fegnir að vera
lausir við húsið enda hafa þeir
haft mikinn ama af því upp á
síðkastið. Það var orðin hálf-
gerð slysagildra og farið að
fjúka af því ef veður lét illa,
enda húsið orðið gjörsamlega
ónýtt og búið að standa autt í
rúmlega einn og hálfan áratug“,
segir Ólafur.
Það logaði glatt í Traðarlandi 24. Mynd: vikari.is.