Bæjarins besta - 15.05.2008, Blaðsíða 2

FIMMTUDAGUR 15. MAÍ 20082
Gistirýmum fjölgar á Vestfjörðum
Framboð gistirýma á Vestfjörðum hefur aukist um nærri helming
frá árinu 2000 samkvæmt nýjum tölum Hagstofu um framboð
gistirýmis á hótelum og gistiheimilum. Árið 2000 gat fjórðungur-
inn hýst 624 ferðamenn í einu, en í fyrra voru 905 rúm í boði og
nemur aukningin 45 prósentum. Fjöldi herbergja hefur einnig auk-
ist, var 283 en er nú 392. Gististöðum fjölgaði mest milli áranna
2001 og 2005, fóru úr 20 í 31, en fækkaði síðan aftur niður í 27.
Gefur til kynna vilja
Alþingis til úrvinnslu
olíuafurða hér á landi
Bensínstöðvarmálið upplýst
Lögreglan á Vestfjörðum upplýsti á fimmtudag þjófnaðarmál á Bensínstöðinni á Ísafirði
þaðan sem verulegum fjármunum var stolið aðfaranótt mánudags. Lögreglan handtók
fjóra menn á aldrinum 16 til 18 ára í þágu rannsóknar málsins. Lögreglustjórinn á
Vestfjörðum fór fram á gæsluvarðhald yfir þremur þeirra og var einn úrskurðaður í
gæsluvarðhald til föstudags í síðustu viku. Hafa þeir allir viðurkennt aðild sína að
málinu og var þeim sleppt að loknum yfirheyrslum. Þýfið fannst og hefur verið komið
til skila.
Auka korter við
vistunartímann
ekki lengur í boði
Foreldrum leikskóla-
barna í Ísafjarðarbæ hefur
hingað til verið boðið upp á
svigrúm með vistunartím-
ann sem nemur 15 mínútum
en frá og með 1. júní verður
það ekki lengur í boði.
„Fyrir því hefur verið löng
hefð hjá Ísafjarðarbæ að
foreldrar hafi 15 mínútur
fyrir utan keyptan vistunar-
tíma, sem hafði verið hugs-
aður þannig að foreldrar hafi
auka tíma til að koma með
og/eða sækja börnin. T.d.
ef barn er með vistunar-
tímann 8:00-16:00, hafa
foreldrar getað komið með
barnið 7:45 en sótt það þá
kl. 16:00, eða komið með
barnið 8:00 og sótt það
16:15 án þess að greiða
aukalega fyrir það. Í flestum
sveitafélögum er ekki boðið
upp á þessar 15 mínútur,
þar er vistunartíminn barns-
ins einungis sá tími sem
keyptur er, þannig að ef
barnið er með vistunartím-
ann 8:00-16:00, má það
koma kl. 8:00 og vera sótt
kl. 16:00. Ef þörf er á lengri
vistunartíma geta foreldrar
keypt 30 mínútur og bætt
við“, segir í tilkynningu
leikskólafulltrúa Ísafjarðar-
bæjar sem send hefur verið
leikskólum sveitarfélagsins.
„Þar sem að ýmis vand-
kvæði eru farin að skapast
við skipulagningu starfsins
í leikskólanum út af þessum
15 mínútum, verður hætt að
bjóða upp á þær frá og með
1. júní n.k. þá er það keyptur
vistunartími sem gildir, ef
foreldrar þurfa lengri vist-
unartíma, þarf að kaupa
hann, boðið er upp á að
kaupa 30 mínútur aukalega
og kosta þær 1.420 kr. á
mánuði. Þeir sem telja sig
þurfa að kaupa auka vist-
unartíma, eru beðnir að hafa
samband leikskólastjóra
sem fyrst“, segir í tilkynn-
ingunni.
– thelma@bb.is
Stjórn Fjórðungssambands
Vestfirðinga styður þings-
ályktunartillögu sem felst í
undirbúningi þjónustumið-
stöðvar vegna olíuleitar á
Drekasvæði. Segir í umsögn
Fjórðungssambandsins að
tillagan lýsi þeim vilja Al-
þingis að stjórnvöld geri þeim
landssvæðum sem búa og hafa
búið við samdrátt og einhæfni
atvinnulífs að skoða alla
mögulega í atvinnumálum og
byggja á staðarkostum þeirra.
Stjórn Fjórðungssambands
Vestfirðinga telur að stuðn-
ingur við tillögunna gefi
einnig til kynna vilja Alþingis
til úrvinnslu afurða úr hráolíu
og/eða gasi hér á landi. Í
markmiðum tillögunnar er
tilgreint að ríkisstjórninni
verði falið að aðstoða sveitar-
félögin Langanesbyggð og
Vopnafjarðarhrepp við að
undirbúa og kanna þörf á
þjónustumiðstöð vegna skipa
sem kæmi til með að leita olíu
á Drekasvæði. Finnist olía og
eða gas, þá nýtist aðstaðan til
þjónustu við svæðið.
„Ákaflega mikilvægt er
einnig að stjórnvöld hefjist nú
þegar handa við að undirbúa
þjónustumiðstöð á Vestfjörð-
um fyrir þjónustu við Austur-
Grænland og reyndar Græn-
land í heild sinni. Alþingi fól
ríkisstjórninni með þings-
ályktun vorið 2007 að gera
úttekt á möguleikum slíkrar
miðstöðvar“, segir í umsögn
Fjórðungssambandsins en
eins og greint hefur verið frá
hefur Alþingi ályktað að fela
ríkisstjórninni að gera úttekt
á möguleikum þess að efla
norðanverða Vestfirði sem
miðstöð þjónustu vegna vax-
andi fiskveiða við Austur-
Grænland og skoða sérstak-
lega þann kost að þjónustu-
miðstöð og umskipunarhöfn
fyrir siglingar í Norðurhöfum
verði á Vestfjörðum. Haft
verði náið samráð við heima-
menn við gerð úttektarinnar.
„Spár um gífurleg umsvif á
og við strendur Grænlands
vegna náma- og olíuvinnslu,
með hliðsjón af staðsetning
Vestfjarða í miðju þess svæðis
sem heimsviðskiptin horfa nú
til, eru hvatning til þess að
Ísland sýni mikið frumkvæði
í þessum efnum. Miklir mögu-
leikar eru einnig á sviði ferða-
þjónustu í þessu sambandi“,
segir í umsögn Fjórðungs-
sambands Vestfirðinga.
– thelma@bb.is
Kanadíski rithöfundurinn
og tónlistarýnirinn Cliff
Burns fer offari í lofi sínu á
sóma Súðavíkur, Erni Elíasi
Guðmundssyni, og hljóm-
sveit hans í umfjöllun sem
birtist á vefsíðu rýnisins.
Cliff fór við þriðja mann að
sjá Queens of the stone age
í heimalandi sínu um daginn
og settist með félögum
sínum að sumbli fyrir tón-
leikana á bar hinu megin
við götuna. Þegar þeir
heyrðu tónlist Mugisons
þustu þeir yfir og fóru inn.
„Ég er glaður að við náðum
upphitunaratriðinu, Mugi-
son, af því að þeir voru
æðislegir. Ótrúlega góðir.
Þeir eru að gera góða hluti í
heimalandi sínu, Íslandi, og
ég get vel séð hvers vegna“,
segir Cliff Burns.
„Þessir gaurar voru sko
ekki bara á tímakaupi (eins
og Trans Am, tríóið sem
hitaði upp fyrir Tool), þeir
unnu sko fyrir kaupinu sínu,
fjandakornið. Og gjörsam-
lega sigruðu salinn með því
að gefa allt sem þeir áttu.
Að tónleikum loknum sat
söngvari og aðalsprauta
bandsins og áritaði eintök
af plötunni Mugiboogie
(sem er á fóninum í þessum
rituðu orðum)“, segir Cliff.
Hann hvetur lesendur
sína til að kanna tónlist
Mugisons á Youtube
streymisveitunni. „Ég er að
segja ykkur það, við þrír
vorum allir gapandi af
undrun og við myndum
endilega vilja sjá þá spila
fullt sett sem aðalband. Við
myndum glaðir borga fyrir
þau forréttindi.“
– halfdan@bb.is
Gapandi af undrun
yfir Mugison
Kaupa nýja flot-
bryggju til Flateyrar
Halldór Halldórsson bæjar-
stjóri Ísafjarðarbæjar og
Finnur Jónsson eigandi Báta-
lands ehf. undirrituðu samn-
ing í síðustu viku milli Hafna
Ísafjarðarbæjar og Bátalands
ehf. vegna kaupa á nýrri flot-
bryggju á Flateyri. Bryggjan
er framleidd af Marinetek
Finland OY í Helsinki. Hún
er af gerðinni Heavy duty
pontoon M2712HDS, ber
timbur fendera á hliðum og
fyrir enda fjær landi og er
samsett úr fjórum einingum
sem hver um sig er 12 metrar
á lengd með 6 festipollum.
Heildarlengd bryggjunnar er
48 metrar og verður hún tengd
með 20 mm keðjum í 10
steinsteyptar botnfestur ásamt
því að verða tengd landvegg
með sams konar keðjum.
Einnig mun verða 10 metra
langur landgangur úr stáli sem
tengir bryggjuna við land.
Samkvæmt samningum verð-
ur bryggjan afhent 1. júní
2008.
Eins og greint hefur verið
frá munu framkvæmdir á
Flateyri á vegum Ísafjarðar-
bæjar í ár kosta um 40
milljónir króna. Auk flot-
bryggjunnar má þar nefna nýtt
gámasvæði og flutning hins
fornfræga Svarta pakkhúss á
nýjan stað.
- thelma@bb.is
Halldór Halldórsson, bæjarstjóri, Finnur Jónsson, eigandi Bátalands ehf. og Guðmundur M. Kristjánsson
hafnarstjóri. Mynd: Ísafjarðarbær.