Bæjarins besta - 15.05.2008, Blaðsíða 6

FIMMTUDAGUR 15. MAÍ 20086
Endirinn skyldi
í upphafi skoða
Ritstjórnargrein
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564
Ritstjóri: Sigurjón J. Sigurðsson, sími 892 5362, bb@bb.is · Blaðamenn: Thelma Hjaltadóttir, símar 456 4693
og 849 8699, thelma@bb.is · Hálfdán Bjarki Hálfdánsson, símar 456 4694 og 863 7655, halfdan@bb.is.
Ritstjóri netútgáfu bb.is: Sigurjón J. Sigurðsson · Ljósmyndari: Halldór Sveinbjörnsson, sími 894 6125,
halldor@bb.is. Ábyrgðarmenn: Sigurjón J. Sigurðsson og Halldór Sveinbjörnsson · Lausasöluverð er kr. 400
eintakið með vsk. Veittur er afsláttur til elli- og örorkulífeyrisþega. Einnig sé greitt með greiðslukorti. ·
Önnur útgáfa: Ferðablaðið Á ferð um Vestfirði. · ISSN 1670 - 021X
26 Skemmtiferðaskip
Á þessum degi fyrir 35 árum
Erlend skemmtiferðaskip leggja leið sína til Íslands í sífellt
ríkara mæli. Í sumar hafa verið boðaðar komur skemmtiferðaskipa
26 sinnum en í fyrra sumar komu þau alls 23 sinnum. Mörg þeirra
skipa, sem hingað koma, hafa hér viðkomu tvisvar og þrisvar
sinnum og hafa sum komið mörg ár í röð. Ferðaskrifstofa Zoëga
mun alls taka á móti 21 skipi í sumar og þegar hafa átta skip boðað
komu sína til Íslands á árinu 1974, sem að öllum líkindum verður
metát í komu skemmtiferðaskipa og ekki nóg með það, því heyrst
hefur að til greina komi, að stærsta og nýjasta skemmtiferðaskip
heims Queen Elizabeth 2, komi hingað þá. „Jú það er alveg rétt
við höfum verið í sambandið við Gunard skipafélagið í Englandi
með það fyrir augum að Queen Elizabeth2. hafi hér viðkomu á
næsta ári,“ sagði Geir H. Zoëga, ferðaskrifstofustjóri í viðtalið
við Morgunblaðið í gær. „Þeir hjá Gunard hafa ekki enn gefið
okkur svar en sem stendur teljum við nokkrar horfur á að úr verði,
meðal annars vegna þess að þeir eru byrjaðir að senda þetta
stærsta farþegaskip heimsins á norðlægar slóðir. Til dæmis hefur
verið boðið koma skipsins til Noregs í sumar“, sagði hann.
Með tilkomu Hvalfjarðarganganna var tími Akraborgarinnar
á enda runninn. Þótt eflaust hafi margir saknað ferjunnar, sem
verið hafði lífæð Skagamanna við höfuðborgina árum saman
og óteljandi minningar voru tengdar, var hennar ekki lengur
þörf. Þarna var rétt að málum staðið. Þá fyrst þegar tryggt var
að hagkvæmari og í alla staði hentugri ferðamáti var fyrir
hendi voru skipaferðirnar aflagðar. Engum kom til hugar að
leggja Akraborginni um leið og jarðgöngin komust á teikni-
borðið.
Segja má að mótmæli trukkabílstjóra á höfuðborgarsvæðinu,
gegn háu eldneytisverði og skikkan til að hlíta lögbundnum
hvíldartíma, hafi óbeint dregið fram í dagsljósið hvílík afglöp
það voru að leggja niður flutninga á sjó þar sem á þeim tíma
var vitað að vegakerfið var á engan hátt í stakk búið til að
standast það álag, sem slíkum breytingum fylgdi. Einbreiðu
brýrnar og mjóu vegirnir með veiku vegkantana, sem enn eru
að bresta undan síauknum þunga bifreiða með aftanívagna;
allt er þetta enn til staðar þótt sitthvað hafi færst í betra horf.
Horft til Hvalfjarðarins var fyrirhyggjunni ekki fyrir að fara í
ofurkappinu við að koma Skipaútgerðinni fyrir kattarnef.
Næsta víst er að mönnum er fyrir löngu ljóst að smávegis
,,meðlag“ með strandsiglingum, meðan unnið væri að brýnustu
úrbótum á vegakerfinu, hefði borgað sig fjárhagslega.
Breiðafjarðarferjan hefur um langt árabil verið íbúum á
sunnanverðum Vestfjörðum ómetanleg samgöngubót. Í gild-
andi samningi milli rekstraraðila ferjunnar og Vegagerðarinnar
er gert ráð fyrir að dregið verði úr framlögum hins opinbera
samhliða bættum samgöngum á landi og ferðum fækkað jafn-
hliða. Í dag er staðan sú að niðurskurður rekstarframlagsins
hefur gengið eftir áætlun en hið sama verður ekki sagt um
vegaframkvæmdirnar.
BB leggur það til málsins að sinni að hið sama verði uppi á
teningnum og var með Akraborgina á sínum tíma: Breiðafjarð-
arferjunni Baldri verði ekki lagt eða ferðum hennar fækkað
fyrr en heilsárssamgöngur á landi hafa verið tryggðar við suð-
urhluta Vestfjarða. Það hlýtur að teljast sanngjörn krafa.
Opinberlega er ekki vitað til að stjórnvöld hafi gefist upp á
yfirlýstri stefnu um að viðhalda byggð í landinu utan þéttbýl-
iskjarnans á suðurhorninu. Því má ætla að byggðakjarnarnir,
sem ætlunin er að efla á tilteknum stöðum á landsbyggðinni,
séu enn helstu tromp ríkisstjórnarinnar. Vaxtasamningarnir
margrómuðu, sem skálað var fyrir á sínum tíma með brosi á
vör mót blikkandi myndvélum, eru fyrir löngu rykfallnir í
skrifborðsskúffum ráðuneytanna. Engum ofsögnum fer af
notagildi þeirra húsgagna.
Samgöngur eru einn megin pósta þess að landsbyggðin
haldi velli.
Þær ber að bæta, ekki rýra. s.h.
Forleikur fyri AcoAlone
Sýning á einleikjum verður frumsýnd á Ísafirði á vegum Litla
leikklúbbsins á morgun, 16. maí. Sýningin kallast Forleikur og
er einmitt hugsuð sem forleikur fyrir einleikjahátíðina Act
alone sem fer fram í fimmta sinn dagana 2.-6. júlí á Ísafirði.
Æfingar eru hafnar á fjórum einleikjum áhugamanna. Það er
kómedíuleikarinn og framkvæmdastjóri Act alone sem leik-
stýrir einleikurunum. Forleikur verður nánar auglýstur síðar.
Maður á áttræðisaldri féll í sjóinn
Maður á áttræðisaldri féll útbyrðis af báti í höfn-
inni á Suðureyri í síðustu viku. Maðurinn, sem var
einn um borð, náði að halda sér í landfestar
bátsins en komst ekki upp af sjálfsdáðum. Hann
telur að hann hafi verið í sjónum í um korter.
Maðurinn var kaldur þegar sjúkrabíll náði í hann
og flutti hann á sjúkrahús til umönnunar.
Sveitarstjórn Kaldrananes-
hrepps hefur mótmælt harð-
lega mögulegri seinkun á vega-
gerð á 4 km kafla á Stranda-
vegi. Forsaga málsins er sú að
tilboð í vegagerð á Stranda-
vegi (643) frá Geirmundar-
staðaveg að Hálsgötu voru
opnuð og Skagfirskir verktak-
ar ehf. voru lægstbjóðendur. Í
auglýsingu voru verklok kynnt
1. október 2008. Samkvæmt
upplýsingum frá Vegagerð-
inni sendi stofnunin út bréf til
bjóðenda fyrir opnun tilboða,
þess efnis að mögulegt væri
að fresta verklokum fram á
mitt ár 2009. Að sögn Vega-
gerðar er ástæðan sú að mikið
er um að verk á svæðinu eigi
að klárast í haust. Á frétta-
vefnum strandir.is er bent á
að vegagerð milli Hólmavíkur
og Drangsnes hefur verið skil-
greind sem sérstakt flýtiverk-
efni og mótvægisaðgerð sam-
kvæmt ákvörðun ríkisstjórn-
arinnar.
Ekki er ljóst hvenær 2,5 km
kaflinn sem enn stendur eftir
á Strandavegi að Djúpvegi
verður boðinn út. Verið er að
skoða með nýja brú á Staðará
og er ekki búið að ganga frá
því máli. Heimamönnum þyk-
ir mörgum merkilegt í meira
lagi að vegagerðinni á þessu
flýtiverkefni skuli vera skipt í
tvö verkefni og telja ólíklegt
að það sé hagkvæmt gagnvart
útboðunum, að því er segir á
strandir.is.
„Áratugur er síðan allir ná-
lægir þéttbýlisstaðir á Vest-
fjörðum voru tengdir sín á
milli með bundnu slitlagi,
nema Hólmavík og Drangsnes
á Ströndum. Þetta var á sínum
tíma sérstakt áhersluverkefni
hjá Fjórðungssambandi Vest-
fjarða og skilaði sú barátta
árangri alls staðar nema á
Ströndum. Milli þorpanna
sem bæði standa við Stein-
grímsfjörð eru rúmlega 30 km,
vegurinn liggur með sjó alla
leið og engin sérstök vand-
kvæði eru við vegagerð á
svæðinu“, segir á strandir.is.
– thelma@bb.is
Verklokum við Strandaveg frestað?
KNH bauð lægst í snjóflóðavarnargerð
KNH bauð lægst í gerð
snjóvarnargarða á Bíldudal
og hefur bæjarráð Vestur-
byggðar lagt til að tilboðinu
verði tekið. Tilboð KNH
hljóðaði upp 165.619.900
krónur en kostnaðaráætlun
nemur 162.203.600 krón-
um. Verkið felur í sér að hlaða
og fylla í leiðigarð og grafa
rennu norðan hans, færa læk
sem nú rennur til suðurs úr
Búðargili í farveg í sjóflóða-
rásinni og í ræsum gegnum
Tjarnarbraut og Lönguhlíð og
leggja vegarslóða meðfram
fláafæti leiðigarðs.
Einnig felst verkið í land-
mótun og yfirborðsfrágangi
svo sem tjörnum, stígum,
göngubrú, bílastæði, girðingu
á brún brattasta hluta leiði-
garðs, sáningu og plöntun.
Verktaki skal leggja til allt
efni vegna þessara fram-
kvæmda, nema netgrindur.
Verkinu skal vera að fullu
lokið eigi síðar en 1. ágúst
2009. Síðustu sáningu og
áburðargjöf skal þó lokið
eigi síðar en 1. ágúst 2010.
– thelma@bb.is
Framkvæmdir við nýja ben-
sínstöð Olís á Ísafirði hefjast í
þessari viku. Aðspurður um
málið segir Ingvar Stefánsson,
forstöðumaður framkvæmda-
deildar Olís, að opnunardag-
setning hafi ekki verið ákveð-
in, en opnað verði einhvern
tímann í næsta mánuði. „Við
erum ekki alveg búnir að
ganga frá samningum við
verktaka en vonumst til að
klára það á næstu dögum“,
segir Ingvar. Á sama tíma
ætlar Olís að byggja nýja ben-
sínstöð í Bolungarvík og má
gera ráð fyrir að hún verði
opnuð á svipuðum tíma. „Við
reynum að gera þetta samhliða.“
Fyrir eru tvær bensínstöðv-
ar á Ísafirði, við Hafnarstræti
og á Skeiði, og ein bensínstöð
í Bolungarvík. Þær stöðvar
sem Olís hyggst koma upp í
bæjunum tveimur verða sjálfs-
afgreiðslustöðvar og verður
ekki hægt að versla þar neitt
annað en bensín og olíu.
Nýjar bensínstöðvar opna í júní
Ísafjarðarbær hefur nú þegar hafið vinnu við skolp- og vatnslagnir á lóðinni.