Listin að lifa - 01.12.2003, Síða 7

með kjötinu, en það kemur í hlut kon-
unnar að útbúa það, eins að sjá um
súpuna eða annan forrétt og eftirrétt-
inn. Ef ekki er til leirpottur, má nota
aflangan emaleraðan pott, (hiti 200°)
en leirpottur er bestur.
Hveitibrauð:
I seinni tíð er ég farinn að baka hveiti-
brauð sem er notað með súpunni, líka
með lambalærinu. Hefur það mælst
mjög vel fyrir, ekki síst hjá bömunum
og er nú nær ómissandi. Uppskriftin
er sænsk, aðeins notað hveiti og vatn,
engin fita. Brauðið er best nýbakað,
en endist ekki sérlega vel.
Efni í brauðið:
25 gr þurrger;
5 dl volgt vatn úr krananum;
1 matskeið salt;
1,4-1,5 lítrar hveiti.
1. Gerið er leyst upp í litlum hluta af
vatninu, síðan er því sem eftir er af
vatninu hellt saman við, salti og
hveiti bætt út í.
2. Deigið er hnoðað í hrærivél eða á
borði, þannig að það verði mjúkt og
látið lyfta sér undir léreftsstykki í
um 1 klst.
3. Deigið er aftur hnoðað á borði, bætt
við dálitlu hveiti, síðan flatt út með
kökukefli og rúllað saman í lengju.
4. Örlitlu hveiti er stráð ofan á lengj-
una og skomar í hana grunnar risp-
ur með beittum hnífi, þvert eða á
ská, millibil um 4 sm.
5. Brauðið er látið lyfta sér undir yfir-
breiðslu í um 30 mín.
6. Bakað við 250 gráður í 10 mínútur,
hitinn lækkaður í 200 gráður og
bakað áfram í 25 mínútur.
Brauðið er borið fram volgt á löngu
trébretti, skorið eftir þörfum.
Verði ykkur að góðu,
’óÞo'Una.’v
Kartöflusalat
Salal úr t.d. köldum kartöfluafgöngum
er handhægt að búa til og hafa með
síld, hangikjöti, öðru reyktu kjöti og
fleiru. Margar góðar ábendingar hafa
borist um hvað er best í kartöflusalat
til bragðbætis og drýginda. Það er t.d.
laukur eða blaðlaukur (púrra), epli,
gúrkur, ananaskurl (án safa), pikles
(Sweet relish) og sumir hafa harðsoð-
in egg í salatið. Veljum það sem okk-
ur og heimafólki finnst best. í sósuna
hafa flestir: Mayonnes, franskt sinnep,
sýrðan rjóma og krydd ef vill. Sósunni
er blandað varlega saman við kart-
öfluteningana og annað sem smækkað
hefur verið, misgróft eftir tegund.
Berið salatið fram vel kalt.
Skinkufrauð
(mousse) fyrir fjóra
I þennan rétt er tilvalið að nýta af-
ganga af skinku eða hamborgarhrygg.
3 blöð matarlím
350 g soðin skinka (fitulítil)
1 lítil paprika rauð
2 litlar sultugúrkur (niðursoðnar) eða
pikles
2 dl rjómi
steinselja, salt, pipar eða annað krydd
Leggið matarlímið í bleyti í kalt vatn.
Saxið skinkuna smátt. Best er að
mauka hana í matvinnsluvél. Saxið
paprikuna og sýrðu gúrkurnar smátt.
Skoðið og saxið steinseljuna. Kreistið
mesta vatnið úr matarlíminu og bræð-
ið það í vatnsbaði eða örbylgjuofni.
Blandið síðan öllu saman. Kryddið ef
vill. Þeytið rjómann og hrærið varlega
saman við. Skolið fjórar litlar skálar
eða bolla. Skiptið hrærunni í þá og
kælið í um 2 tíma. Hvolfíð frauðinu á
litla diska, t.d. á salatblöð, og skreytið
með einhverju af því sem er í frauð-
inu. Gróft brauð er gott með þessum
rétti.
Norsk hátíðakaka frá Berit
100 g smjör
100 g sykur
4 eggjarauður
100 g hveiti
11/2 tsk lyftiduft
1 tsk vanillusykur eða dropar
4 msk mjólk
Hitið ofninn í 180 gráður. Hrærið
smjörlíki og sykur vel saman og
eggjarauðunum þar saman við einni
og einni. Hrærið síðan því sem eftir er
varlega saman við. Setjið deigið í
pappírsklætt rúllutertumót eða papp-
írsmót.
Marens:
4 eggjahvítur;
2 dl sykur;
2 dl möndluflögur
Stífþeytið eggjahvítumar og þeytið
þær síðan með sykrinum í þétta froðu
sem smurt er varlega ofan á deigið í
mótinu. Möndluflögunum stráð yfír.
Bakið kökuna neðarlega í ofninum um
25-30 mínútur eða þar til marensinn
er ljósgulbrúnn og gegnumbakaður.
Skiptið kökunni í 2 hluta og leggið
hana saman með vanillukremi. Búð-
ingur (frómas), pakkabúðingur eða
þeyttur rjómi með ávöxtum og rifnu
súkkulaði er einnig ágætt á þessa
góðu, fljótlegu köku sem best er að
búa til sama dag og hún er borin fram.
Látið hana bíða á köldum stað með
fyllingunni í nokkra tíma áður en hún
er borin fram.
Listin að lifa á jólunum
Flestir eru sammála um að listin að
lifa felist m.a. í því að útiloka það sem
skiptir ekki máli og einnig það sem
við getum ekki breytt. Horfum fram á
við og höldum gleðilega jólahátíð.
Látum ekki spyrjast um okkur að það
taki því ekki að gera jólalegt í kring-
um okkur, það komi hvort sem er eng-
inn í heimsókn!
Jólin er sá tími sem við höldum
gömlum hefðum. Tökum fram gamla
jólaskrautið. Leggjum fallega á borð
fyrir okkur þó við séum ein. Yljum
okkur við gömlu, góðu minningamar,
tónlist og lestur góðra bóka. Höfum
samband við fjölskyldu og vini. Tök-
um þátt í því sem þeir yngri hafa fram
að bjóða og sköpum þeim ekki
áhyggjur af okkur. Verum hjálpsöm og
bjartsýn eldri kynslóð.
ujtuUa rSteinfiáisdátth',
hússtjómarkennari