Fréttatíminn - 15.05.2015, Qupperneq 16

Dansari með
ævintýraþrá
Íslenski dansflokkurinn frumsýnir í næstu viku fjögur dans-
verk eftir jafnmarga höfunda og kallast sýningin Blæði. Frum-
sýningin er samstarfsverkefni dansflokksins og Listahátíðar
í Reykjavík sem hófst fyrr í þessari viku. Einn dansara dans-
flokksins, Þyri Huld, segir verkefnið gríðarlega líkamlega
krefjandi og skemmtilegt. Á síðasta ári fór hún í sex mánaða
reisu um Suður-Ameríku þar sem hún kleif fjöll, skoðaði
saltekrur, dansaði salsa og var bitinn af hundi. Örið er eitt próf-
skírteinanna í skóla lífsins.
Þ yri Huld Árnadóttir út-skrifaðist sem dansari frá Listaháskólanum fyrir fjór-
um árum og hefur verið að dansa
meira eða minna síðan. Þessi 27 ára
gamli dansari er þó mikið fyrir að
prófa nýja hluti og hefur gaman af
ævintýrum.
„Verkið sem við erum að setja upp
er eitt stórt verk sem kallast Blæði
og samanstendur af fjórum litlum
verkum. Les Medusées sem er tríó,
dúett sem heitir Sin sem ég er að
dansa í, Evocation sem er kraft-
mikill hópkafli fyrir alla dansarana.
Þetta eru allt verk eftir Damien Ja-
let og Sidi Larbi Cherkaoui sem eru
búin að ferðast um allan heim og
gera stórfenglega hluti. Svo er það
Black Marrow sem er eftir Ernu
Ómarsdóttur og Damien. Þetta er
búið að vera þriggja mánaða ferli,
sem er svona það lengsta sem mað-
ur vinnur að einu svona verki,“ segir
Þyri. „Oft hefur maður mun minni
tíma svo það er mjög gott að fá þenn-
an tíma.“
6 mánuðir í Suður-Ameríku
Þyri tók sér pásu frá Íslenska dans-
flokknum fyrir einu og hálfu ári og
vann sjálfstætt þangað til hún fór
til Suður-Ameríku í byrjun síðasta
sumars og dvaldi þar í hálft ár. „Það
er rosalega gott að geta tekið sér
pásu og séð heiminn,“ segir Þyri.
„Þá kann maður að meta það sem
maður hefur miklu betur. Kær-
astinn minn ákvað ásamt vinum
sínum fyrir fjórum árum að þeir
ætluðu á HM í Brasilíu sem haldið
var á síðasta ári. Við ákváðum að
við yrðum að gera eitthvað meira
úr þessu fyrst maður er kominn á
staðinn,“ segir Þyri. „Svo við plön-
uðum sex mánaða ferð um álfuna
og það var alveg geðveikt,“ segir
hún. „Ég er þannig týpa að ég þarf
alltaf að vera með allt planað fram
í tímann og alltaf að gera eitthvað,
og þarna þurfti ég bara að sleppa
tökunum sem var hollt. Það var
svolítið erfitt en það vandist. Það
skiptir máli að láta ævintýrin ger-
ast og taka bara einn dag í einu,“
segir hún. „Maður þarf ekki að
stjórna öllu.“
Bitinn af hundi í Argentínu
Þyri fór með kærasta sínum um alla
álfuna á rútum og hún upplifði ótrú-
legustu hluti og segir lönd álfunnar
mjög skemmtileg og spennandi.
„Við byrjuðum á HM í Brasilíu
sem var geggjað. Þaðan fórum við
til Argentínu og þar lenti ég í því
að vera bitin af hundi,“ segir hún
og brosir. „Ég ætlaði út að hlaupa
og sá fjall sem allir voru að labba
upp og hljóp af stað. Þarna er mikið
af útigangshundum og einn mætti
mér í fjallinu og byrjaði að gelta.
Mér hafði verið sagt að horfa bara
beint áfram og hlaupa eða labba
þegar maður lendir í svoleiðis að-
stæðum, en svo þurfti ég að snúa
við því ég var á vitlausri leið,“ segir
hún. „Hundinum brá svo mikið að
hann stökk á mig og hékk á löppinni
á mér. Sem betur var strákur fyrir
framan mig sem hjálpaði mér og ég
fór á spítala og fékk myndarlegt ör,“
segir hún og hlær. „Á spítalanum
var þetta ekkert mál og greinilega
algengt en nokkru seinna fórum við
til Bólivíu en þá var sárið orðið frek-
ar skrýtið. Þá fór ég á spítala þar
sem var mjög frumstæður, en þeir
voru nú bara vanir þessu líka, svo
þetta fór allt vel,“ segir Þyri. „Þetta
var allt mjög lærdómsríkt, og ég er
á lífi í dag.“
Dansari með lóð
Dansarar passa gríðarlega upp á lík-
amann sem er þeirra atvinnutæki.
Þyri brá á það ráð að fara í lyftingar,
sem áður fyrr voru á bannlista allra
sem iðka dans. Hún segir samt lyft-
ingarnar hjálpa sér gríðarlega mikið.
„Ég fór í einkaþjálfun og þjálfarinn
minn var að kenna kraftlyftingar
svo ég prófaði það,“ segir Þyri. „Allt
í einu var ég farin að lyfta 90 kg í
hnébeygjum og mér finnst það mjög
skemmtilegt og krefjandi að vinna
með svona þyngdir,“ segir hún. „Ég
var alltaf með þá mynd af kraftlyft-
ingafólki að það væri bara einhverjir
jötnar, en þetta er mjög góð alhliða
hreyfing fyrir líkamann,“ segir Þyri.
„Út frá þessu fór ég að koma fram
með Stebba, sem var í GusGus, en
kallar sig Gluteus Maxímus. Hann
hefur verið að koma fram með lyft-
ingafólk á sviðinu, svo ég datt inn í
það og mitt hlutverk var að vera lóð
fyrir lyftingamennina,“ segir hún
og hlær. „Það var mjög skemmtilegt
að vera lóð. Þegar ég var lítil í ball-
ettinum þá mátti maður varla gera
armbeygjur, en þetta hefur breyst.
Sérstaklega í nútímadansinum þá
þarf maður að vera með mikinn
styrk og vald yfir líkamanum.“
Næfurþunnt loft í Bólivíu
Kærasti Þyríar er mikill ofurhugi
og á ferðalagi þeirra um Suður-
Ameríku fékk hann hana með sér
í að klífa fjall í Bólivíu. Þetta segir
hún vera erfiðustu lífsreynslu sem
hún hefur upplifað. „Þetta er fjall í
Bólivíu sem heitir Huayna Potosi
og er 6088 metra hátt,“ segir Þyri.
„Þetta er það erfiðasta sem ég hef
gert. Við fengum mikinn búnað
og ísaxir og allskonar dót. Ég var
með í maganum allan tímann í
þessu þunna lofti. Við erum ágæt-
lega á okkur komin líkamlega og
náðum upp á topp en á tímabili
hélt ég að þetta væri búið. Ég gat
ekki beðið eftir að komast á kló-
settið og varð veik í heila viku af
þessu. Fékk bullandi hita og var
með óráði og líkaminn fékk nóg,“
segir hún og hlær. „Við vorum
samt búin að vera í Bólivíu í þrjár
vikur áður en við fórum á fjallið og
búin að venjast þunna loftinu að
vissu marki, en þetta var ótrúlega
erfitt en gaman.
Bólivía er samt stórfengleg, þar
eru engir stórmarkaðir, engar fata-
búðir og allir klæðast eins,“ segir
Þyri. „Ótrúlegur kraftur í fólki.
Það eina sem var vestrænt var það
að eigendur MOMA í Danmörku
eru búnir að opna veitingastað í
La Pas þar sem þeir eru að gera
háklassa mat úr bólivísku hráefni
sem var alveg magnað. Það var
allt saman mjög flott en um leið
fann maður að allir þeir sem unnu
þarna fannst þetta jafn spennandi
og okkur. Því þau eru ekki vön
þessu.
Það var síðan mjög gott að koma
heim eftir hálft ár á svona flandri,“
segir Þyri.
Þyri mun í sumar, ásamt Reykja-
vik Dance Production og GusGus,
setja upp dansverk í Hörpu sem
þau frumsýndu á listahátíð fyrir
nokkrum árum og fóru meðal
annars með til Rússlands og Dan-
merkur í kjölfarið. „Þetta er blanda
af tónleikum og danssýningu og er
gríðarlega skemmtilegt. Eftir það
ætla ég í sumarfrí og ætla að vera
heima og fara í útilegur og svoleið-
is. Ég er með samning við dans-
flokkinn fram í desember og líkar
vel. Þetta er frábær vinnustaður
og er eins og ein stór fjölskylda,“
segir Þyri Huld dansari.
Hannes Friðbjarnarson
hannes@frettatiminn.is
„Það var gott að sleppa tökunum í Suður-Ameríku,“ segir Þyri Huld. Ljósmynd/Hari
Hundinum
brá svo
mikið að
hann stökk
á mig og
hékk á
löppinni á
mér.
Made by Lavor
Sími 412 2500 - sala@murbudin.is - www.murbudin.is
GOTT Á PALLINN
Kletthálsi Reykjavík
Reykjanesbæ
• 160 bar Max
• 8,5 lítrar/mín.
• 2500W
• Pallabursti
• 8 metra slanga
• Turbo stútur
• Slanga fyrir stíflulosun
• Þvottabursti
Lavor háþrýstidæla STM 160
27.990
ODEN EÐAL OLÍA á palla.
Hágæða Silikonalkyd efni. 3 l.
4.390
Mako penslasett
590
Bio Kleen pallahreinsir
895
5 lítrar kr. 3.295
Landora tréolía
2.690
16 viðtal Helgin 15.-17. maí 2015