Fréttatíminn - 15.05.2015, Qupperneq 20

allar helgar á Broadway veitinga-
staðnum og sýndum yfirleitt fyrir
fullum sal af fólki. Þetta voru allt
aðrir tímar og ekki jafn mikið við
að vera og nú. Fegurðarsamkeppni
Íslands var stórviðburður á þessum
tíma. Ég hafði fylgst með keppninni
en aldrei spáð í það að taka þátt. Ég
var 18 ára þegar Sóley hvatti mig
til að taka þátt og þó ég hafi verið
hikandi í fyrstu fannst mér þetta
spennandi. Sigur í svona keppni
þýddi ferðalög erlendis sem ég sá í
hillingum enda þá mun fátíðara að
fólk færi mikið til útlanda. Það fór
svo þannig að ég vann keppnina og
tók þátt í keppnum erlendis, bæði
í Miss Universe og Miss World. Í
framhaldi bauðst mér að fara að
vinna sem fyrirsæta, eitthvað sem
hafði aldrei hvarflað að mér, en ég
ákvað að slá til, tók mér árs frí frá
námi í Versló og starfaði sem fyrir-
sæta í New York.“
Jólafrí eða gallabuxnauglýsing?
Berglind leigði íbúð með tveimur
öðrum íslenskum stelpum, Ástrós
Gunnarsdóttur sem var í dansnámi
og Rögnu Sigrúnardóttir sem nam
leiklist. Þetta var löngu fyrir tíma
farsíma, Skype og Facebook og
fjarlægðin frá fjölskyldunni því enn
meiri en sama fjarlægð í dag.
„Þetta var mjög gaman en líka
mjög erfitt. Ég vissi að þetta var
ekki það sem ég ætlaði að leggja
fyrir mig en langaði að prófa eitt ár.
Þetta var erfiður heimur. Ég gekk á
milli skrifstofa þar sem maður var
að reyna að selja sjálfan sig, sýna
möppuna sýna og taka því ekki
persónulega ef manni var hafnað.
Þetta er ekki nema fyrir fólk með
gríðarlegan áhuga, gríðarlegt
sjálfstraust og tilbúið til að færa
vissar fórnir fyrir fyrirsætuferilinn.
Það segir kannski sitt um áhuga
minn að mér var eitt sinn boðið að
leika í sjónvarpsauglýsingu fyrir
Jordan gallabuxur sem voru þá
mjög vinsælar í Bandaríkjunum. Ég
var ekki vongóð eftir prufurnar og
var satt að segja mest að hugsa um
að fara heim til Íslands í jólafrí og
hitta fjölskylduna. Þegar ég fékk
símtalið um að ég væri ráðin var ég
fyrst mjög spennt en þegar mér var
tilkynnt að tökur færu fram milli
jóla og nýjárs runnu á mig tvær
grímur og ég sagði umboðsaðil-
anum að ég gæti því miður ekki
gert þetta því ég væri að fara heim
í jólafrí! Hann sagði auðvitað að
þetta væri tækifæri sem ég gæti
ekki sleppt og með tárin í augunum
ákvað ég að sleppa jólafríinu með
mömmu og pabba. Auglýsingin
heppnaðist mjög vel og auðvitað
var gaman að hafa tekið þetta verk-
efni svona eftir á. Eftir árið fór
ég svo heim og kláraði Versló og
fannst meiriháttar að setjast aftur á
skólabekk.“
Fór í Yale-háskóla
Berglind hafði unnið í fjölskyldu-
fyrirtækinu nokkur sumur og eftir
heimkomuna fór hún á fullt í að
markaðssetja snyrtivörur fyrir Rolf
Johansen & Co. „Kærastinn minn,
sem nú er maðurinn minn, ákvað
síðan að fara í nám til Bandaríkj-
anna og ég ákvað að elta. Ég vissi
ekki alveg hvert ég vildi stefna en
fannst sálfræði heillandi. Ég kom
mér inn í Yale háskólann þar sem
ég nam sálfræði og sölusálfræði
í ár og hélt áfram námi í Norður-
Karólínu án þess þó að klára það.
Við fluttum tímabundið til Lúxem-
borgar með okkar fyrsta barn en
komum heim tveimur árum síðar
og ég fór aftur í að vinna við snyrti-
vörurnar í fjölskyldufyrirtækinu
og önnur dóttir bættist í hópinn.
Eftir um fimm ár ákvað ég að færa
mig um set. Mér fannst ég þurfa
að víkka aðeins sjóndeildarhring-
inn, langaði aftur í nám og hætti því
vinnunni. Í framhaldi seldi pabbi
snyrtivöruumboðin sín til Phar-
maco. Þar var ég beðin um að koma
inn í tvo mánuði til þess að aðstoða
við að koma öllum vörunum í rétt
ferli. Þessir tveir mánuðir urðu að
sex árum,“ segir Berglind og hlær.
„Ég tók við stöðu deildarstjóra
nýrrar deildar sem sá um sölu
þriggja deilda innan fyrirtækisins.
Síðar meir leiddi ég ákveðið verk-
efni, eftir að Pharmaco varð Vistor,
sem sneri að því að koma starfsemi
nýs dótturfélags í gang. Þetta var
vissulega skemmtilegur tími en
þarna var ég búin að eignast þriðju
dótturina, var undir miklu álagi
í vinnunni og fann að ég þurfti
aðeins að kúpla mig niður. Ég fór þá
loksins í langþráð nám.
Nú tók ég ferðamálafræði sem
aðalgrein þar sem mikill upp-
gangur var og er í ferðaþjónustu
og viðskiptafræði sem aukafag og
kláraði það nám 2008. Enn tók ég
beygju og næst lá leið mín á svið
orkumála þar sem ég var einn af
skipuleggjendum alþjóðlegrar ráð-
stefnu hér á landi um vistvænar
leiðir í samgöngum. Hún var haldin
fjögur ár í röð en þar nutum við
dyggrar aðstoðar Ólafs Ragnars
Grímssonar forseta sem var jafn-
framt verndari ráðstefnunnar.
Þarna snerist umræðan um að finna
vistvænni og ódýrari orku í stað
olíunnar og þessi umræða fékk enn
meiri byr eftir kreppuna sem skall á
2008, þá sérstaklega rafmagnsorka
en það er gaman að sjá hvað raf-
magnsbílum hefur fjölgað á götunni
undanfarið.
Eftir ráðstefnuna fór ég að vinna
sjálfstætt á fleiri sviðum og vann
m.a. markaðsskýrslu fyrir banda-
rískt snyrtivörufyrirtæki sem var
að kynna sér vörur og hráefni frá
Íslandi. Það var í raun þá sem ég
komst fyrst í kynni við EGF vörurn-
ar og fannst þær mjög áhugaverðar.
Stuttu síðar sá ég sjónvarpsfrétt þar
sem talað var við forstjóra fyrir-
tækisins og fjallað um að húðdrop-
arnir væru seldir í Collette í París
sem er mikill virðingarstimpill. Í
sömu frétt sá ég rætt við þýskan
samstarfsfélaga minn frá Ĺ Oreal
sem nú var orðinn dreifingaraðili
fyrir BioEffect í Þýskalandi og
Frakklandi. Ég hringdi strax í hann
til að athuga málið betur og hann
sagði aldrei hafa kynnst annarri
eins vöru, einstakri virkni húðdrop-
anna og sagði galdurinn á bak við
hana einfaldlega „it works!“. Stuttu
seinna var auglýst starf hjá Sif
Cosmetics sem ég sótti um og hér
er ég nú. Það eru spennandi tímar
fram undan. BioEffect er nú selt í
yfir 25 löndum, í snyrtivöruverslun-
um, heilsulindum, læknastofum og
flugfélögum, og við erum að opna á
enn fleiri mörkuðum á næstu mán-
uðum.“
Berglind nefnir að virt þýsk
vísindakona, Martina Kerscher,
prófessor við Hamborgarháskóla,
hafi keypt BioEffect um borð í flug-
vél Lufthansa því það vakti athygli
hennar að varan innihélt EGF sem
er vel þekkt innan vísindaheimsins
en framleidd í plöntum. Hún hafi
svo heillast af vörunni og beðið
um leyfi til að fá að rannsaka hana.
Kerscher bíður þess nú að niður-
stöður hennar verði birtar opinber-
lega en þær staðfesta það sem vís-
indamenn fyrirtækisins hafa séð;
þann verulega mun á þéttleika og
stinnleika húðarinnar og fallegra
litarafti. „Það er mikið gleðiefni
að óháður aðili á þessu sérsviði
komist að sömu niðurstöðum. Ég
segi stundum að það líkist helst
Öskubuskuævintýri hversu fljótt
þessi vara hefur öðlast alþjóðlegar
vinsældir á stuttum tíma,“ segir
Berglind.
Sýndarveruleiki í tölvum
Berglind er sannarlega á ferð og
flugi og er að fara út á vegum Sif
Cosmetics daginn eftir þetta viðtal.
„Ég er fyrst og fremst mamma,
ég á þrjár dætur og vil vera mikill
þátttakandi í þeirra lífi en vegna
starfsins þarf ég að ferðast mikið
um allan heim. Þær, og auðvi-
tað maðurinn minn, hafa sýnt því
mikinn skilning og við leggjum
mikið upp gæðum frekar en magni
þegar kemur að samverustundum.
Ég vil vera þeim góð fyrirmynd en
legg jafnframt áherslu á að þær séu
sjálfstæðar og næri sig sem mann-
eskjur,“ segir hún.
Við förum aftur á persónulegu
nóturnar áður en við kveðjumst og
ræðum um útlitsdýrkun og þær
kröfur sem ungt fólk og þá sér-
staklega ungar konur gera til sjálfs
sín. Berglind vill sjálf frekar leggja
áherslu á heilbrigði og innri styrk-
leika, sér í lagi þegar kemur að upp-
eldi dætra hennar sem í dag eru 23,
20 og 14 ára.
„Það hefur borið við að utanað-
komandi fólk hefur spurt þær hvort
þær ætli ekki að taka þátt í feg-
urðarsamkeppni fyrst að mamma
þeirra var Ungfrú Ísland. Ég hef
sagt við þær að slíkt yrði alltaf
þeirra ákvörðun en mér finnist þær
ekki þurfa á neinum titlum að halda
til að fá staðfestingu á því að þær
séu frambærilegar ungar stúlkur.
Sú vissa þarf alltaf að koma innan
frá okkur sjálfum. Ungar konur í
dag lifa og hrærast í veruleika þar
sem óraunverulegar kröfur eru
gerðar til þeirra, þær sjá líf annars
fólks í sýndarveruleika tölvunnar
þar sem allar myndir eru breyttar
og lagðar til. Þetta er ekki veru-
leikinn og ég vil að mínar stelpur,
og aðrar ungar stelpur sem eru að
fóta sig, viti að það sem skiptir máli
er að þekkja muninn, vera sjálfum
sér trúr og næra sig andlega sem
líkamlega.“
Erla Hlynsdóttir
erla@frettatiminn.is
Berglind Johansen segir það líkast Öskubuskuævintýri hversu miklar vinsældir BioEffect hefur öðlast á alþjóðavísu á stuttum
tíma. Ljósmyndir/Hari
EGF stendur fyrir „epidermal growth
factor“ og er náttúrulegt prótein, eða
frumuvaki, sem frumur framleiða
sjálfar við almennt viðhald
húðarinnar.
BioEffect vörurnar innihalda EGF
sem virkar sem skilaboð á milli
frumna í líkamanum og hvetur til
aukinnar framleiðslu kollagens og
elastíns.
Dr. Rita Levi-Montalcini og dr. Stan-
ley Cohen hlutu Nóbelsverðlaunin
í læknisfræði árið 1986 fyrir
rannsóknir sínar á frumuvökum.
Það EGF sem er í húð dropunum
frá Sif Cosmetics er framleitt með
nýstárlegum líftæknilegum aðferðum
í erfðabreyttu byggi af ORF líftækni.
Hvað er eGF?
Síðumúla 21 | S: 537-5101 | Snuran.is
Opið virka daga 11-18 og laugardaga 12-16
Nýjar vörur
vikulega
Útskriftargjafirnar
fást hjá okkur
20 viðtal Helgin 15.-17. maí 2015