Fréttatíminn - 15.05.2015, Qupperneq 32

Þögnin í Vallargerði
S
Sumarið er komið, finnst mér. Það er
allavega búið að vera betra veður síð-
ustu tvær vikur en allt síðasta sumar.
Veturinn er búinn að vera langur og
leiðinlegur og eiginlega hafa síðustu
tveir vetur verið nánast samfelldir, slík
voru vonbrigðin með síðasta sumar.
Það sem einkennir vorin, sérstaklega
hjá mér sjálfum er það að íslenski fót-
boltinn fer af stað. Sem mikill áhuga-
maður og stuðningsmaður Breiðabliks
er alltaf mikil tilhlökkun fyrir vorinu
þegar maður getur farið að mæta á
leiki og hitt annað fólk sem deilir þessu
áhugamáli. Ætli þetta sé ekki eins og
fyrir bændur að hitta aðra bændur
á vorin eða í réttum. Mikið af þessu
fólki hitti ég bara á sumrin, á leikjum,
og umræðuefnið er alltaf það sama.
Hvernig verður sumarið? Sjálfur var
ég ekki merkilegur knattspyrnumaður
á mínum yngri árum. Æfði þó knatt-
spyrnu frá sjö eða átta ára aldri alveg
þangað til ég varð 14 eða 15 ára. Ég
náði samt aldrei að geta neitt. Á þeim
tíma var æft við mjög frumstæðar að-
stæður yfir vetrartímann. Maður mætti
vel klæddur í svörtum takkaskóm á
Vallargerðisvöll í Kópavogi og það var
alltaf byrjað á því að hlaupa tíu hringi
í kringum völlinn. Völlurinn var og er
malarvöllur og á stöku stöðum var stór-
grýti í mölinni sem gerði knattspyrn-
una sem á vellinum var spiluð mikinn
áhættuleik. Á vissum köflum átti maður
von á því að boltinn skoppaði upp í loft
þar sem hann rann á sléttri mölinni.
Einnig var þetta mikil slysagildra, ef
maður kunni ekki á völlinn. Þetta gerði
það að verkum að andstæðingar okkar
á þessum tíma kvörtuðu mikið undan
vellinum á meðan við glottum og þekkt-
um hverja sandhrúgu. Í dag er sonur
minn að æfa knattspyrnu af miklum
móð með hinu liðinu í Kópavoginum.
Ég fæ reglulega ávítur frá félögum mín-
um um það að hann sé í röngu liði, en
ég lít svo á að ég sé að gefa litla liðinu
smá séns á því að búa til afburðaknatt-
spyrnumann þar sem hann er löngu
orðinn föðurbetrungur á vellinum, ekki
nema 11 ára. Hann æfir innandyra allan
veturinn, á grasi. Þvílík forréttindi.
Á vorin þegar fór að hlýna vorum við
Blikastrákarnir mættir í stuttbuxum á
mölina og allir urðu töluvert kvikari og
glaðari í hreyfingum þar sem frostið
var farið úr jörðu. Það sem lýsir mínum
knattspyrnuhæfileikum, á þessum tíma
mjög, er að eitt vorið þegar menn voru
glaðir að geta æft í smá hita, stóð upp-
hitun yfir fyrir æfinguna. Menn voru
með bolta og iðkuðu langskot á markið.
Oft voru allir að skjóta í einu, slíkur var
áhuginn. Þjálfari okkar á þessum tíma
var maður að nafni Anton Bjarnason,
sem var gömul kempa í greininni og
skíðamaður mikill. Í hamaganginum
sé ég að ég er í ákjósanlegri stöðu
til þess að hamra knettinum í sam-
skeytin. Þegar maður er í slíkri stöðu
fer boltinn aldrei í samskeytin, hann fer
yfirleitt ekki á rammann. Æsingurinn
fer yfirleitt með hann langt yfir markið.
Ég tek tilhlaup og lúðra hægri fætinum
í knöttinn. Hann fer vel af stað og lík-
lega er hann á leið á markið. Í upptaki
boltans gengur þjálfarinn Anton þvert
í fluglínu boltans og það stefndi í óefni.
Ég man þetta mjög vel og þetta leið
eins og margir klukkutímar. Boltinn
fer beint í kinnina á þjálfaranum. Anton
var hávaxinn maður og ómögulegt að
segja til um hvort boltinn var á leiðinni
í samskeytin eða yfir markið, ég hall-
ast að skeytunum. Boltinn smellur á
kinn þjálfarans og tíminn stendur í
stað. Allir hætta að sparka og þögnin á
Vallargerðisvelli verður svo þrúgandi
að það hefði ekkert getað bjargað mér
úr þessari áþján. Þegar þjálfarinn áttar
sig á því hvaðan boltinn kom og hvaða
leikmaður það var sem var ekkert að
fylgjast með umferð yfir völlinn tók
hann upp boltann, sem hafði dottið
beint fyrir framan hann, leit á mig og
horfði beint í augun á mér um stund
og segir. Ertu gjörsamlega klikkaður?
Ekki reiður og ekki æstur, heldur von-
svikinn.
Á þessum tímapunkti vissi ég að
sumarið var farið, hvað varðaði mína
aðild að glæstum sigrum Breiða-
bliks. Það var undirstrikað í leik gegn
Aftureldingu í Mosfellsbæ seinna um
sumarið. Ég byrjaði á bekknum og við
unnum að mig minnir 14 eða 15-0. Allir
varamenn liðsins komu inn á í leiknum
þar sem þetta var auðveldur sigur og
allir áttu að fá séns. Ég sat sem fastast
og aldrei kom kallið. Ekki það að ég
hefði breytt einhverju. Ég var aldrei á
pari við þessa félaga mína í boltanum.
Anton var frábær þjálfari og náði
góðum árangri með þetta lið. Í því
voru engar hetjur eins og uppi á Skaga,
eða slíkt. Bara æstir ungir drengir
sem voru ágætir í fótbolta. Ég hætti
skömmu síðar og snéri mér að öðru,
sem hefði alltaf orðið raunin þó ég hefði
ekki sparkað í andlit þjálfarans. Hæfi-
leikarnir voru annarsstaðar.
Í dag fer ég þó reglulega í fótbolta,
og það er fátt skemmtilegra. Þrátt fyrir
aukna þyngd og minnkandi hraða næ
ég oftast að skora fleiri mörk en jafn-
aldrar mínir inni á vellinum. Enda eru
þeir allir í jafn slæmu formi og ég. Ég
er samt ennþá á því að þessi þruma
mín hefði endað í samskeytunum hefði
Anton Bjarnason ekki rölt inn á völlinn.
Kannski hefði sumarið farið öðruvísi
og ég hefði komist í landsliðið með
Arnari Grétarssyni. Ég efa það samt.
Stórefa það. Skotið var gott, en það
hefði ekki breytt lífi mínu.
Te
ik
ni
ng
/H
ar
i
Hannes
Friðbjarnarson
hannes@
frettatiminn.is
HELGARPISTILL
Made by Lavor
Sími 412 2500 - sala@murbudin.is - www.murbudin.is
GOTT Í VORIÐ
Kletthálsi Reykjavík
Reykjanesbæ
1400W, 360 lítr./klst.
Þolir 50°C heitt vatn
5 metra barki, sápubox
Black&Decker
háþrýstidæla max bar 110
14.990,-
• 160 bar Max
• 8,5 lítrar/mín.
• 2500W
• Pallabursti
• 8 metra slanga
• Turbo stútur
• Slanga fyrir stíflulosun
• Þvottabursti
Lavor háþrýstidæla STM 160
27.990
Bíla & gluggaþvotta­
kústur, gegn um rennandi
116>180cm, hraðtengi
með lokun
2.690
„Heilsugæsla á hjólum“
Miðvikudaginn 20. maí segja sendifulltrúar
Rauða krossins, María Ólafsdóir heimilislæknir
og Hrönn Håkansson hjúkrunarfræðingur, frá
verkefni þeirra í Írak fyrr á þessu ári. Þar störfuðu
þær við færanlegar heilsugæslustöðvar til að
sinna flóamönnum í Dohuk-héraði.
Hlúð að flóafólki í Kúrdistan
Fyrirlesturinn verður kl. 8.30-9.30 í húsi
Rauða krossins, Efstaleiti 9.
Allir velkomnir
Skráning á raudikrossinn.is
H
V
ÍT
A
H
Ú
S
IÐ
/
S
ÍA
–
1
5–
10
95
32 viðhorf Helgin 15.-17. maí 2015