Frjáls verslun - 01.02.2008, Page 39

F R J Á L S V E R S L U N • 2 . T B L . 2 0 0 8 39
N æ R M y N d
texti: María ÓlafsdÓttir • Myndir: Geir Ólafsson
Fors­tjóri Eims­kip­s­ í n­ærmyn­d:
Kraftmikill með gott hjartalag
Guð­mun­dur P. Davíð­s­s­on­ er fors­tjóri Eims­kip­s­ á Ís­lan­di. Han­n­ óls­t up­p­ á Seltjarn­arn­es­i og van­n­
með­ s­kóla í Ís­birn­in­um. Guð­mun­dur hefur s­tarfað­ víð­a hér á lan­di s­vo og erlen­dis­. Han­n­ er bæð­i
KR­in­gur og Gróttumað­ur.
Guðmundur P. Davíðsson tók við starfi forstjóra Eim­skips á Íslandi árið 2007. Áður hafði hann starfað hjá Landsbankanum og Búnaðarbankanum, þar sem hann var orðinn deildarstjóri í erlendum við­skiptum aðeins 24 ára gamall. Guðmundur hefur víð­
tæka reynslu úr skipaheiminum en hann starfaði í ríflega áratug fyrir
Samskip bæði heima og erlendis. Guðmundur hefur einnig komið
víða við í félagsstörfum og segist sjálfsagt vera eini maðurinn úr stjórn
Gróttu sem hefur setið í stjórn KR.
Sveit á sumrin og vinna í Ísbirninum
Guðmundur fæddist í Reykjavík árið 1958 en fluttist fimm ára
gamall út á Seltjarnarnes þar sem hann ólst upp og gekk í Mýrarhúsaskóla
og síðan Valhúsaskóla, sem var þá nýbyggður.
Guðmundur er elstur sex systkina en foreldar hans eru þau Davíð
Kr. Guðmundsson og Lóa Guðjónsdóttir. Á Seltjarnarnesinu tók Guð­
mundur þátt í íþróttum og því lífi sem fólst í því að búa í samfélagi
þar sem ríkti mikið frjálsræði. Hann segir Nesið hafa verið eins og sveit
á þessum tíma með lítilli byggð og nánum tengslum við náttúruna með
kríuvarpi, holti og hæðum, sjó og fjöru og fiski í trönunum. Þeir sem
vildu fengu vinnu hjá Skúla í fiskinum og í Ísbirninum þar sem Guð­
mundur vann með skóla og á sumrin. Á þessum tíma þótti langt að
fara austur í KR eins og sagt var en Grótta var stofnuð þegar Guð­
mundur var tíu ára og tók hann þátt í stofnun hennar. Í dag situr
hann þó í stjórn KR sport en segir það ekki vera svo ýkja skrýtið þar
sem að föðurfjölskylda sín sé úr Vesturbænum og hann því alinn upp
við að fara á Melavöllinn frá unga aldri.
Fjögur sumur var Guðmundur í sveit í Víðidal í Húnavatnssýslu og
vann einnig með skóla í húsgagnaframleiðslunni Hansa sem faðir
hans átti og rak. Hann komst því snemma í nálægð við viðskipti og
byrjaði strax um tvítugt að vinna í víxladeild aðalbanka Búnaðarbankans
í Austurstræti. Á unglingsárunum starfaði Guðmundur einnig eitt sumar
í kirkjugörðum Stokkhólms og tók þátt í að hrekja Englendinga á brott
í þorskastríðinu árið 1976, en þá var hann hálft ár á sjó.
Ökuþór í Hollandi
Guðmundur ætlaði sér að klára skóla með vinnu en segir vinnuna
síðan einhvern veginn hafa gengið fyrir og þar hafi hann því ílengst.
Hann lauk verslunarprófi og fór því næst í þriggja mánaða nám við
bankamannaskólann sem bankarnir ráku þá. Að því loknu var hann
sendur í læri í níu mánuði í allar deildir Landsbankans og fimm
mánuði í Útvegsbankann, auk þess að starfa um tíma hjá Barclays
bank í London.
Þar með var Guðmundur útskrifaður í bankafræðum og starfaði hjá
Búnaðarbankanum í tæp átta ár, þar af fimm ár í erlendum viðskiptum
þar sem hann varð deildarstjóri 24 ára gamall. Í Búnaðarbankanum
kom einn viðskiptavina Guðmundar að máli við hann og bauð honum
vinnu. Sá hann ekki annan kost en taka henni því launin voru
helmingi hærri og hann kominn með konu og börn og afborganir á
húsnæði í óðaverðbólgu.
Gerðist hann þá forstjóri fyrir Óla Kr. heitinn í Olís og Jóhannes í
Bónus sem þá var yfir verslunarsviði Sláturfélags Suðurlands. Keyptu
þeir fyrirtækið Vörumarkaðinn þar sem nú er Hagkaup úti á Nesi og
það rak Guðmundur í eitt og hálft ár þar til hann fór yfir í skipabransann.
Hóf hann störf hjá Sambandinu (SÍS) sem sölustjóri í skipadeild þess árið
1988 en einu og hálfu ári síðar var skipadeildinni breytt í Samskip.
Þar tókst Guðmundur á við stóra keppinautinn, sem þá var Eimskipa­
félag Íslands, á árunum 1988 til 2000.
Hjá Samskip var Guðmundur yfir sölu­ og markaðsmálum, en haustið
1991 var hann gerður að svæðisstjóra í Þýskalandi og fluttist þá með
fjölskylduna til Hamborgar. Sem svæðisstjóri sá Guðmundur um
undirverktakasamninga og þjónustu við viðskiptavini til og frá Íslandi
og gegndi því starfi í tæp tvö ár, en fluttist þá til Hollands þar sem
hann stofnaði skrifstofu Samskipa og sá um uppbyggingu í Rotterdam.
Á sama tíma sá hann einnig um viðskipti í Þýskalandi en bjó samtals
tæp sex ár ásamt fjölskyldunni í Hollandi. Guðmundur segist hafa
lært að keyra mikið á þessum árum en oft keyrði hann um þúsund
km á viku frá Rotterdam til að sitja fund í Hamborg. Á þessum tíma
hafi verið ódýrast að keyra en ekki flogið í einkaþotum eins og nú
tíðkist gjarnan. GSM­símar voru nýkomnir á markaðinn og hægt að
takast á við verkefnin á leiðinni.
Gerðist hann þá forstjóri fyrir Óla Kr. heitinn
í Olís og Jóhannes í Bónus sem þá var yfir
verslunarsviði Sláturfélags Suðurlands.