Frjáls verslun - 01.02.2008, Page 44

44 F R J Á L S V E R S L U N • 2 . T B L . 2 0 0 8
og hins vegar í Glitni. Þar keypti
fyrirtækið 2,3% hlut í bankanum
en sú fjárfesting hafi verið á dálítið
öðrum forsendum því þar hafi það
komið inn sem lítill hluthafi en sé þó
níundi stærsti hluthafinn í bankanum.
Þá segir Árni ekkert leyndarmál að
fyrirtækið hafi áhuga á að fá mann í
stjórn bankans og taka sem virkastan
þátt í starfi hans og útilokar ekki
frekari fjárfestingar í honum.
Salt Investments hefur þrátt
fyrir áhersluna á fasteignir og lyf
einnig horft víðar og þá einkum til
heilsutengdra fjárfestinga, líkt og í
Manni lifandi, Himneskri hollustu,
Grænum kosti og Latabæ. Á næstunni
mun áhersla félagsins á bætt líf og
líðan almennt koma enn skýrar í
ljós og þó að við fyrstu sýn virðist
fjárfestingar fyrirtækisins vera um
víðan völl þá sé verið að fylgja eftir
fastri stefnu sem hnýtt verði saman á
endanum.
Róbert Wessman
Róbert Wessman var ráðinn forstjóri lyfjafyrirtækisins
Delta í Hafnarfirði árið 1999, þá þrítugur að aldri. Árið
2002 keypti Delta lyfjaframleiðslufyrirtækið Omega
Farma en það sama ár keypti Pharmaco meirihlutann í
Delta og voru félögin sameinuð undir nafni Pharmaco í
kjölfarið. Þetta ár sameinuðust fyrirtæki samstæðunnar
síðan undir nafninu Actavis Group, sem er nú fimmta
stærsta samheitalyfjafyrirtæki í heimi.
Auk þess að stýra Actavis Group hefur Róbert
nú einnig komið fjárfestingum sínum undir eitt þak
með stofnun fjárfestingafélagsins Salt Investments, sem
einblínir aðallega á fasteignamarkaðinn og lyfja- og
heilsugeirann.
Auk þess að hafa fjárfest í ýmsum fyrirtækjum hefur
Róbert einnig styrkt háskólastarf í landinu. Hann kom að
Háskólanum í Reykjavík með myndarlegum hætti þegar
hann lét renna til skólans einn milljarð króna en þar af
voru í kringum 250 milljónir hlutafé.
Frjáls verslun útnefndi hann mann ársins í íslensku
atvinnulífi árið 2006.
Hvers vegna stofnaðir þú fyrirtækið?
„Ég var í raun og veru að gefa nafn þeim fjárfestingum
sem ég fór út í á sínum tíma. Sumar af þeim eins
og fjárfesting í landi og uppbygging á fasteignum eru
langtímaverkefni þannig að það var kominn tími til að
fá til liðs við sig öfluga liðsmenn til að halda utan um
fjárfestingarnar og halda áfram að bæta við þær,“ segir
Róbert. Þarna sé um að ræða gríðarlega persónuleg verð-
mæti en hann hafi starfað undanfarin ár með þeim öflugu
einstaklingum sem starfi hjá Salt Investments og treysti
þeim fyllilega fyrir þeim verðmætum sem liggi í félaginu.
Róbert segir að þó að hann sé eigandinn að
félaginu muni hann ekki koma að daglegum störfum
þess þar sem hann eigi mikið undir hjá Actavis. „Í dag
á ég 10% í Actavis og hluthafar félagsins í dag eru því
í raun einungis tveir. Það hefði horft öðruvísi við að
stofna mitt eigið félag ef Actavis væri enn skráð félag á
markaði,“ segir Róbert.
Salt Investments ehf.
Áhers­la á fas­teign­amarkað­ og
lyfjageiran­n­, bæð­i hér heima
og erlen­dis­.
Fjárfes­tin­gar í Bras­ilíu.
Lan­dakaup­ og þróun­arverkefn­i.
Eign­arhlutur í Glitn­i up­p­ á um
2,3%.
Fjárfes­tin­gar í Man­n­i lifan­di,
Himn­es­kri hollus­tu, Græn­um
kos­ti og Latabæ.
Sp­en­n­an­di fas­teign­averkefn­i í
Rúmen­íu.
Turninn er við­ Smárat­org­.