Frjáls verslun - 01.02.2008, Síða 46

KYNNING46 F R J Á L S V E R S L U N • 2 . T B L . 2 0 0 8
H
önnun og fegurð er í hávegum haft í húsgagnaverslun­
inni Módern að Hlíðasmára 1. Að skoða sig þar um
er meira eins og vera á sýningu þar sem glæsilegri
hönnun er gerð góð skil í rúmgóðu húsnæði. Bæði
er þar að sjá klassíska hönnun og framúrstefnulega hönnun eins
og hún gerist best. Módern var opnað í september 2006 og hefur
vegur verslunarinnar farið vaxandi síðan. Framkvæmdastjóri er Úlfar
Finsen.
„Við viljum að vörur okkar séu framúrstefnulegar en falli ekki í
þá gryfju að vera tískubólur sem koma og fara fljótt. Endingargóðar
vörur sem fjölskyldan getur notið saman og tengst lengi. Þegar við
völdum birgja fórum við ekki út í að vera með þau merki sem eru hvað
sýnilegust á markaðinum erlendis, heldur völdum minni fyrirtæki í
Þýskalandi og á Ítalíu, sem voru að gera mjög góða hluti á sínu sviði
og við teljum okkur í dag hafa nokkra sérstöðu á þessum markaði,
höfum verið einstaklega heppin með fyrirtæki sem við kaupum frá og
erum með vörur sem hafa vakið verðskuldaða athygli.“
Þörfin var fyrir hendi
Úlfar segir aðdragandinn að stofnun Módern hafi verið nokkuð
langur: „Við höfðum fundið fyrir þörf fólks fyrir þeim vörum sem við
fórum að versla með. Vorum fyrst í sérpöntunum sem þróðist síðan
út í að verslunin er stofnuð. Strax í upphafi lögðum við áherslu á að
hönnunin sé klassísk og tímalaus og er stór hluti breytilegar vörur.
Dæmi um þetta er Conseta sófinn frá COR sem er okkar mest seldi
sófi. Hann er hannaður árið 1964 og hafa þeir bætt við möguleikum
á nánast hverju ári síðan. Eftir allan þennan tíma er í dag nánast hægt
að sérsníða sófann eftir þörfum hvers og eins og er sófinn enn í dag
handsmíðaður til að tryggja gæði.
Eitt af sérkennum verslunarinnar eru skenkir frá ítalska fyrirtækinu
Acerbis. Sjónvarpskenkirnir frá Acerbis eru einstakir því í baki þeirra
er rauf með innbyggðri lýsingu sem skapar notalega stemningu auk
þess að fela allar tilheyrandi snúrur frá tækjum nútímans. Acerbis
skenkarnir standast allan samanburð og þar eru sérsmíðaðir skápar
ekki undanskildir, enda hafa viðbrögðin við þeim verið mjög góð.
Ein vara sem vert er að nefna eru borðstofuborðin frá Draenert.
Fyrirtækið sérhæfir sig í stækkanlegum borðum og þá sérstaklega í
steini. Hafa þeir yfir 200 tegundir af steinum að velja og bjóða uppá
að fólk getur heimsótt verksmiðjuna í Þýskalandi til að velja plötuna
sem notuð er í borðið. Í dýrustu steinunum er ferðin jafnvel borguð
af Draenert eða okkur. Þegar þetta er haft í huga er erfitt að segja að
Draenert borð sé „bara“ borð.
Vörur í hæsta gæðaflokki
þar sem hönnun og
glæsileiki er áberandi
Kvöld­st­emmning­ í Mód­ern. Glug­g­ar með­fram allri hlið­inni sýna st­ofurnar í versluninni.