Frjáls verslun - 01.02.2008, Page 53

F R J Á L S V E R S L U N • 2 . T B L . 2 0 0 8 53
Það er óumdeilt að Síminn er stærsta og öflugasta símafyrirtæki
landsins og er það skilgreint sem markaðsráðandi. Talsmenn Símans og
Vodafone eru reyndar ekki sammála um markaðshlutdeild fyrir­
tækjanna á farsímamarkaðnum. Samkvæmt tölum Símans, sem byggja
á könnun frá Capacent Gallup frá í desember sl., er fyrirtækið með
64,4% hlutdeild á farsímamarkaði og 73,3% hlutdeild á fastlínu­
markaði. Hrannar Pétursson, upplýsingafulltrúi Vodafone, bendir hins
vegar á í samtali við Frjálsa verslun að einu haldbæru upplýsingarnar
um markaðshlutdeildina sé að finna í gögnum Póst­ og fjarskipta­
stofnunar frá miðju síðasta ári en samkvæmt þeim hafi Síminn verið
með 61% hlutdeild á farsímamarkaði. Þá var Nova rétt í þann veginn
að hefja starfsemi en þrátt fyrir það telur Hrannar að Vodafone sé í dag
með um 40% markaðshlutdeild á farsímamarkaðnum þegar á heildina
er litið og um 50% á höfuðborgarsvæðinu.
„Markaðshlutdeild Vodafone hefur vaxið jafnt og þétt undanfarin
ár. Okkar markmið er að verða stærsta fjarskiptafélag á Íslandi og
miðað við árangur síðustu ára er þess ekki langt að bíða að því
markmiði verði náð.“
Þótt það kunni í fljótu bragði að vera ákjósanleg staða fyrir fyrirtæki
að vera svo stórt að vera skilgreint sem markaðsráðandi, þá fylgja því
ekki bara kostir. Hvað varðar ráðandi stöðu Símans á farsíma­
markaðnum þá er sá galli á gjöf Njarðar að fyrir vikið hefur Póst­ og
fjarskiptastofnun skyldað fyrirtækið til að leyfa öðrum símafyrirtækjum
að nota dreifikerfi sitt. Vodafone og Nova ber hins vegar engin skylda
til að leyfa Símanum aðgang að sínum dreifikerfum, óski Síminn þess
að gera svokallaða reikisamninga um farsímaþjónustu við fyrirtækin.
GSm farsímakerfið
Þar sem auglýsingar um stærð þjónustu­ og dreifikerfa farsímafélaganna
hafa verið áberandi að undanförnu, er rétt að gera stuttlega grein
fyrir því um hvað málið snýst.
Síminn á og rekur stærsta farsímadreifikerfi landsins. Linda Björk
Waage, forstöðumaður samskiptasviðs Símans, segir að dreifikerfið
þjóni viðskiptavinum Símans ásamt viðskiptavinum annarra fjar­
skiptafélaga. Hún segir að þjónustusvæði samkeppnisaðila Símans á
landsbyggðinni sé að miklu leyti til komið vegna reikisamninga
þeirra við Símann. Viðskiptavinir annarra farsímafyrirtækja færist
sjálfkrafa inn á dreifikerfi Símans þegar þeir færast út fyrir svæði sem
sendar þeirra ná til. Að sögn Lindu hefur Síminn unnið að því að
þétta GSM þjónustusvæði sitt með nýjum langdrægum sendum sem
ætlaðir eru til afnota á dreifðari landssvæðum. Sex slíkir sendar eru
þegar komnir í notkun og reglulega bætast nýir við.
„Þessi þjónusta mun ekki síst hafa mikil og jákvæð áhrif á mögu­
leika sjómanna til samskipta á milli skipa og til lands,“ segir Linda
Björk en hún getur þess að langdrægu sendarnir muni þó ekki ein­
ungis ná á haf út því stefnt sé að því að í lok sumars verði sendarnir
orðnir 28 talsins víðsvegar um landið. Það muni stórefla þjónustusvæði
Símans í dreifbýli og ná auk þess inn á hálendið.
uppbygging GSm farsímakerfisins
Af ummælum Lindu Bjarkar má ráða að aðgangur samkeppnisaðilanna
að dreifikerfi Símans sé ein af forsendum þess að þeir geti vaxið og
um leið veitt Símanum aukna samkeppni. Þau skýra einnig þá full­
yrðingu Vodafones að þjónustusvæði þess fyrirtækis sé hið stærsta á
landinu því auk eigin dreifkerfis nýtir Vodafone sér þann möguleika
að gera reikisamninga við Símann á svæðum þar sem fyrirtækið er
ekki með eigin senda. Hrannar bendir þó á að fyrirtækið hafi ekki
setið auðum höndum við uppbyggingu eigin dreifikerfis. Þvert á
móti hafi hún verið mjög mikil.
„Gríðarlegar breytingar hafa orðið á fjarskiptamarkaði á undan­
förnum árum og það er til merkis um nýja tíma að fyrirtækið, sem
einu sinni var lítið, býður nú viðskiptavinum sínum GSM þjónustu
á svæðum sem aðrir hafa ekki sýnt. M.ö.o. er GSM þjónustusvæði
Vodafone orðið það stærsta á Íslandi og á þessu ári á það eftir að
stækka enn frekar,“ segir Hrannar en hann vekur athygli á að á
undanförnum vikum og mánuðum hafi Vodafone komið upp
fjölmörgum langdrægum GSM sendum víðs vegar um landið. Það
valdi því að þjónustusvæðið hafi stækkað mikið og nái nú langt á haf
út á völdum stöðum og einnig upp á hálendið.
„Aðeins viðskiptavinir Vodafone geta notið GSM sambands á
þessum stöðum og raunar fjölgar þeim í hverri viku. Nýlega komst
t.d. samband á í Fljótunum í Skagafirði og á sama tíma heimsóttum
við bændur í Kalmanstungu í Borgarfirði til að fagna með þeim að
þar var í fyrsta sinn að komast í GSM samband. Við erum með mjög
metnaðarfull áform um frekari uppbyggingu og viljum reyndar
Hrannar Pét­ursson, upplýsing­afullt­rúi Vod­afone.
„Okkar markmið er að verða stærsta
fjarskiptafélag á Íslandi og miðað við
árangur síðustu ára er þess ekki langt að
bíða að því markmiði verði náð.“
(Hrannar Pétursson, upplýsingafulltrúi Vodafone)