Frjáls verslun - 01.02.2008, Qupperneq 57
F R J Á L S V E R S L U N • 2 . T B L . 2 0 0 8 57
Þá hefur Síminn óskað eftir aðgangi að okkar kerfi, væntanlega
í þeim tilgangi að geta veitt sínum viðskiptavinum jafn góða
þjónustu og við okkar, en slíkt hefðu þeir auðvitað ekki gert
nema vegna þess að okkar þjónustusvæði er stærra en þeirra.“
Mat Hrannars á auglýsingaherferð Vodafone er að auglýsingarnar
hafi klárlega skilað árangri. Það byggir hann á að númeraflutn
ingar til Vodafones hafi verið mun meiri síðustu vikurnar en
vanalega. Farsímanotendur hafi greinilega áttað sig á þeirri stað
reynd að Vodafone sé með stærsta þjónustusvæðið.
Nova hefur farið nokkuð aðrar leiðir en keppinautarnir í
sínum auglýsingum. Liv segir að sú ákvörðun hafi verið tekin
að vandlega athuguðu máli.
„Þegar við hófum starfsemi og fórum í fyrstu kynningarher
ferðina var ákveðið að leggja fyrst og fremst áherslu á Netið sem
vettvang fyrir auglýsingar og að fara nýjar leiðir í birtingum, t.d.
með vörpun myndefnis á veggi víðsvegar um bæinn. Við vorum
einnig með auglýsingaskilti, sem sett voru upp við nokkra
skemmtistaði í miðbænum, kynningar í strætisvögnum, netborða
og fleira.
Í stað dýrra sjónvarpsauglýsinga lögðum við fjármagn í að gera
vefinn okkar, nova.is, sem glæsilegastan. Þessi tilraun eða
framsetning tókst mjög vel. Þegar kom að því að kynna
þjónustuna betur, þ.e.a.s. netið í símann, var ákveðið að gera
einfaldar sjónvarpsauglýsingar til að vekja áhuga fólks á þessari
nýjung. Þótt gildi sjónvarpsauglýsinga sé enn mikið er það
smám saman að breytast. Netið nær til fleiri og birtingarkostnað
urinn er enginn. Það sem við höfum lagt áherslu á er að Nova
opnar nýjar dyr að stærsta skemmtistað í heimi – Internetinu.
Netið er staðurinn, sem við förum á til að „hitta“ eða spjalla við
vini og vandamenn sem og til að kynnast nýju fólki. Þangað
sækjum við upplýsingar og afþreyingu sem við deilum með
öðrum.“
FARSÍmAFyRIRTæKIN
Síminn
Síminn er elsta fjarskiptafyrirtæki landsins. Auk reksturs hefðbundins
landsímalínukerfis starfrækir fyrirtækið GSM og 3G þjónustu,
internetþjónustu, sjónvarpsþjónustu um breiðband og ADSL og
býður að auki upp á ýmsa aðra afþreyingarmöguleika. Erlendis er
viðskiptavinum félagsins tryggð farsímaþjónusta með samningum
við leiðandi fjarskiptafyrirtæki víðs vegar um heiminn. Síminn er
dótturfyrirtæki eignarhaldsfélagsins Skipta hf. en aðaleigendur
þess eru Exista hf., Kaupþing hf., Lífeyrissjóður verslunarmanna,
lífeyrissjóðirnir Gildi og Stafir og Sameinaði lífeyrissjóðurinn, en þessir
aðilar eiga samtals um 92% hlutafjárins.
Vodafone
Vodafone á Íslandi er dótturfyrirtæki Teymis hf., sem er eignar
haldsfélag á sviði fjarskipta og upplýsingatækni. Teymi hf. er
í dreifðri eignaraðild en helstu hluthafar eru Baugur Group hf.,
SJ2 ehf., LIHedge og Fons hf. em þessir aðilar eru samtals með
rúmlega helming hlutafjár. Heimili og fyrirtæki um land allt njóta
farsíma, síma, nettengingar og sjónvarpsþjónustu Vodafone. GSM
þjónusta Vodafone nær til 98% landsmanna og með samstarfi við
Vodafone Group, eitt stærsta og öflugasta farsímafyrirtæki í heimi,
er viðskiptavinum félagsins tryggð örugg fjarskiptaþjónusta um allan
heim á hagstæðum kjörum. Þá geta þess að Teymi hf. keypti nýlega
51% eignarhlut í fjarskiptafélaginu Hive og hefur rekstur þess félags
verið sameinaður rekstri farsímafélagsins SKO sem einnig er í eigu
Teymis.
Nova
Samskiptafyrirtækið Nova er nýtt á íslenskum markaði og hefur
það vakið töluverða athygli fyrir auglýsingar sínar upp á síðkastið.
Fyrirtækið er í eigu alþjóðlega fjárfestingafélagsins Novator sem
Björgólfur Thor Björgólfsson stofnaði. Novator hefur komið að upp
byggingu 3G símakerfa erlendis og sú reynsla ætti að nýtast Nova vel
hér á landi.