Frjáls verslun - 01.02.2008, Qupperneq 66

66 F R J Á L S V E R S L U N • 2 . T B L . 2 0 0 8
fólki víðs vegar frá sem hafi hjálpað hans líkum
við að útbreiða boðskapinn. Leyndarmálið sé mjög
gott að því leyti að það kenni fólki að það sem það
einbeitir sér að fær það meira af. Berger líti hins
vegar á sig sem hlekk á milli kvikmyndarinnar og
þess að verða meðvitaður um það sem gera þurfi til
að ná árangri.
„Það er ekki nóg að hugsa eingöngu jákvæðar
hugsanir, það verður að framkvæma eitthvað
líka. Viðhorf okkar stjórna öllu í lífinu þannig að
hugsanir, gerðir og viðhorf verða að haldast í hendur
til að árangur náist,“ segir Berger.
En getur bakgrunnur fólks verið slíkur að ógerlegt
sé að vinna sig upp úr honum?
„Ég segi yfirleitt að við séum mótuð á vissan hátt
af umhverfi okkar og erfðum. Þannig má að segja
að foreldrar okkar séu ástæða þess að við höfum
orðið svona eða hinsegin, en um leið segi ég að ef
við viljum ekki vera eins og við erum, sé það skylda
okkar að brjótast út úr því.
Það er hægt að brjótast út en það er ekki alltaf
auðvelt þegar maður hefur verið mótaður á vissan
hátt allt sitt líf. Það er þess vegna sem ég hef svo
feikna mikinn áhuga á að kenna fólki aðferðir við að
breyta til því það er eitthvað sem allir eiga að geta
gert. Flestir vita hvað þeir eiga að gera til að bæta líf
sitt á ýmsum sviðum en framkvæma það ekki; þó
að við vitum að við eigum að gera eitthvað kemur
vanafestan í undirvitundinni í veg fyrir það,“ segir
Berger.
Margir hörfa
Til að kenna jafn huglægt efni segir Berger að annars
vegar megi nota sjokkaðferðina eins og þegar þeim
sem reykir er t.d. sagt af lækni að hann muni deyja
hætti hann ekki að reykja. Öllu tilhlýðilegri aðferð
sé hins vegar sífelld endurtekning því að það sem
greypt er í okkar breytist ekki á einum degi. Berger
segir þetta vera líkt og að læra að hjóla eða keyra bíl,
endurtekning og æfing sé það sem til þarf. Stærsta
skrefið sé að ákveða breytinguna og hann vinni að
því að veita fólki stuðning við slíkt, stuðningur sé
mjög mikilvægur þar sem margir hörfi aftur til þess
sem þeir þekkja best því það sé þægilegast.
Hann hvetji fólk til að hugsa sífellt og einnig þurfi
það oft að heyra sömu skilaboð frá tíu mismunandi
manneskjum áður en það skilur þau. Einn geti
hamrað á einhverju en viðkomandi ekki skilið það
fyrr en einhver annar setji málin fram á annan hátt.
Hann mæli einnig með öðrum sérfræðingum sem
hann þekki til og líti ekki á það sem samkeppni
heldur frjóa hugsun.
Skylda að segja frá
Líf þitt er bergmál (Your Life´s Echo) er fyrsta bók
Bergers og segir hann að það hafi tekið sig langan tíma
að koma henni saman en hjólin hafi farið að snúast
af alvöru þegar hann sá að það sem hann gæfi af sér í
vinnu, íþróttum og samböndum væri það sem hann
fengi til baka. Þarna væri því komið lögmálið um
gjörðir og afleiðingar, við framkvæmum gjörðirnar
og þær skapa árangurinn eða afleiðingarnar. Hann
hafi notið velgengni í lífinu og fundið út hvers
vegna, þar með hafi honum borið skylda til segja
öðrum frá þeirri uppgötvun. Nafnið á bókinni hafi
síðan hugsað þannig að það sem kallað er út í loftið
kemur til baka enn háværara, eins og bergmál. Læri
fólk að nota þau lögmál sem hann bendi á í bókinni
megi nota þau í ástarsamböndum, við uppeldi, í
íþróttum og í raun á öllum sviðum lífsins.
Eins í grunninn
„Ef hin svokallaða menning eða hópvenjur eins og
ég kýs að kalla það, er aðskilin frá mannfólkinu
þá erum við meira og minna eins í grunninn. Við
viljum öll gera meira, hafa meira og fá meira, það
er okkur einfaldlega eðlislægt og við getum verið
hamingjusöm en um leið ófullnægð á heilbrigðan
hátt því þannig hafa flestir hlutir orðið til.
Líttu t.d. á Wright-bræðurna sem vildu frekar
geta flogið en siglt, segjum að þeir hafi verið
hamingjusamir, en á sama tíma voru þeir óánægðir
með samgöngur og þannig var flugvélin fundin upp.
Ég hef aldrei heyrt um spretthlaupara sem vill ekki
geta hlaupið hraðar, manneskju sem vill vera meira
elskuð eða eigi stærri bíl. Við erum öll eins að innan
að þessu leyti en okkur hefur verið tamið að dæma
fólk og aðstæður eftir hinu ytra,“ segir Berger að
lokum.
s t j ó r N u N